Ինչպես է Airbnb հյուրընկալող Բրենդան գումար վաստակում՝ լինելով թոշակառու
Airbnb հյուրընկալող Բրենդան ջերմորեն ողջունում է հյուրերին Նոր Օռլեանի Ջենթիլի թաղամասում գտնվող իր երկրորդ տանը։ Բրենդան ծնվել և մեծացել է Նոր Օռլեանում և ամբողջ աշխարհից եկած ճանապարհորդներին հպարտորեն ծանոթացնում է իր տան և քաղաքի հետ։ «Ես այստեղ եմ ապրել իմ կյանքի բոլոր 66 տարիները, և 32 տարի է՝ այս տան սեփականատերն եմ»,- ասում է նա։ «Ես սովորել եմ Նոր Օռլեանի հանրակրթական դպրոցներում և հաճույքով եմ ցույց տալիս իմ քաղաքը մարդկանց»։ Երբ Բրենդան տեղափոխվեց իր երկրորդ ամուսնու տուն, նա չցանկացավ վաճառել այն տունը, որտեղ մեծացրել էր իր զավակներին։ Հյուրընկալումը նրան հնարավորություն է տվել պահել տունը և թոշակի անցնելու պայմաններում հոգալ իր ծախսերը։
Բրենդան իմացավ Airbnb-ի մասին, երբ օգնում էր իր դստերը տեղափոխվել Իսպանիա։ «Մենք մնացինք մի տիկնոջ տանը, և նա շատ սիրալիր էր մեր նկատմամբ։ Նա նույնիսկ օգնեց աղջկաս տեղափոխվել իր տուն։ Անչափ ոգեշնչված էի և մտածեցի, որ կարող եմ նույնը անել ինչ-որ մեկի համար։ Ասաց և արեց։ Երբ հյուրերը գալիս են այցի, Բրենդան նրանց խորտիկներ է հյուրասիրում և խորհուրդներ տալիս։ Նա պատմում է հետաքրքիր վայրերի մասին, որպեսզի հյուրերն առավելագույնս վայելեն քաղաքը։ «Ես իմ փոքրիկ ելույթն եմ ունենում։ Իմ հյուրերից մեկն ասաց, որ ասես իր սիրելի հորաքրոջ տանը մնար»։
Բրենդան սիրում է հյուրերին պատմել Նոր Օռլեանի հետաքրքիր վայրերի մասին և ուղղորդում այնպիսի տեղեր, որոնց մասին քչերը գիտեն։ «Ես միշտ խորհուրդ եմ տալիս գնալ Lakefront օդանավակայան, որտեղ մասնավոր ինքնաթիռներ են վայրէջք կատարում։ Այնտեղ կա Messina's կոչվող գողտրիկ ռեստորան, որը մատուցում է աշխարհի լավագույն նրբաբլիթները։ Դրանք այնքան մեծ են, որ մեկից ավելի չեք կարողանա ուտել»,- ծիծաղելով ասում է Բրենդան։ «Ապա խորհուրդ եմ տալիս այցելել Sassafras, որտեղ կարող եք համտեսել Նոր Օռլեանի լավագույն գումբոն։ Նրանք ամեն օր թարմ ու իսկական գումբո են պատրաստում»։
Բրենդան տեսնում է, որ իր հյուրերն աջակցում են տեղական ընկերություններին այն գումարով, որը նրանք խնայում են՝ մնալով իր Airbnb տարածքում։ «Այն մարդիկ, որոնք գալիս, մնում են ինձ մոտ, գուցե չունենան 600 ԱՄՆ դոլար երեք օր կենտրոնի մի հյուրանոցում մնալու համար, բայց նրանք պատրաստ են իրենց ամբողջ ունեցածը ծախսել Նոր Օռլեանում։ Այսպիսով՝ [հյուրերն] իրենց գումարները ծախսում են խանութներում և ներդրում են կատարում մեր տնտեսության մեջ»։
Բրենդայի համար հյուրընկալումն իր տունը պահելու և օրվա հացը վաստակելու միջոց է։ Լուրջ վնասվածքից հետո Բրենդան ստիպված է եղել վաղաժամ անցնել թոշակի։ «Ես պարանոցի վիրահատություն տարա և այլևս չէի կարող աշխատել»։ «Կատրինա» փոթորկից հետո հետո նրա ապահովագրության դրույքաչափերը և գույքահարկը աճել են ավելի քան երկու անգամ։ «Ջրի, էլեկտրաէներգիայի բարձր վարձերի, մեծ ապահովագրական վճարների և գույքահարկերի դեպքում ի՞նչ է ձեզ մնում։ Ձեր ընկերներն ու ընտանիքը, ահա թե ինչ»։
Հյուրընկալումն ապահովել է եկամտի կենսական աղբյուր՝ այս մեծ ծախսերը վճարելու համար։ «[Հյուրընկալումն] իմ եկամտի միակ աղբյուրն է՝ սոցիալական ապահովությունից բացի»։ Բրենդան անհանգիստ է, որ քաղաքապետարանը կարող է զրկել նրան այդ եկամտից։ Եթե քաղաքապետարանն ընդմիշտ արգելի բնակելի թաղամասերում ամբողջական տների կարճաժամկետ վարձակալությունը, «դա շատ ցավալի կլինի, և ես չեմ իմանա՝ ինչ անել։ Բացի դրանից, ինձ հետաքրքիր է, թե ինչով է քաղաքապետարանը փոխարինելու կարճաժամկետ վարձակալության թույլտվություններից ստացվող եկամուտը։ Դա մեծապես կազդի իմ եկամտի վրա։ Այս ամենը շատ մտահոգիչ է»։
Ի վերջո, Բրենդան հուսով է, որ քաղաքապետարանը խելամիտ որոշում կկայացնի՝ թույլ տալով իր պես մարդկանց, որոնք ունեն երկրորդ տուն կամ ժամանակավոր կարճաժամկետ վարձակալության թույլտվություն, շարունակել առաջարկել իրենց տներն ամբողջությամբ։ «Հուսով եմ, որ նրանք որոշում կկայացնեն տների անհատ սեփականատերերի օգտին, մարդկանց, որոնք մշտապես ապրել են այստեղ, ինչպես ես»։ Կարճաժամկետ վարձակալության արդար և խելամիտ կանոնակարգերի առկայության դեպքում՝ Բրենդան կկարողանա շարունակել զգալի եկամուտ վաստակել իր ծախսերը հոգալու համար և մնալ իր գեղեցիկ քաղաքի ականավոր ներկայացուցիչը։
Այս հոդվածում պարունակվող տեղեկությունները կարող են փոխված լինել հրապարակումից հետո։