Անցեք առաջ՝ առաջարկվող արդյունքներին ծանոթանալու համար

    Ներառական գործելակերպեր, որոնք կօգնեն յուրաքանչյուր հյուրի զգալ ինչպես տանը

    Ստացեք փորձառու հյուրընկալողների խորհուրդներ՝ ձեր հայտարարությունը թարմացնելուց մինչև հյուրերի մասին կարծիք հայտնելը։
    Հեղինակ՝ Airbnb, ամսաթիվ՝ 27 հնս, 2022 թ.
    5 րոպե ընթերցում
    Թարմացվել է՝ 15 հլս, 2022 թ.

    Առանձնահատկություններ

    Airbnb-ի միջոցով հյուրընկալումը նշանակում է ձեր տարածքը բացել աշխարհի տարբեր երկրներից ժամանող մարդկանց առաջ, իսկ ներառականությունը հյուրընկալման հիմքն է։

    Հաջողակ հյուրընկալող լինելու համար պետք է հասկանալ, թե ինչպես օգնել տարբեր ծագում ունեցող մարդկանց իրենց հարմարավետ և ապահով զգալ ձեր տանը։ Որպես համայնք՝ մենք պարտավորվում ենք ընդունել ցանկացած ռասայի, դավանանքի, ազգային ծագման, էթնիկական պատկանելության, հաշմանդամության, սեռի, գենդերային ինքնության, սեռական կողմնորոշման և տարիքի բոլոր հյուրերին՝ հարգանքով և առանց քննադատության կամ կողմնակալության։

    Ներառական հյուրընկալությունը հաջողակ հյուրընկալող լինելու կարևոր բաղկացուցիչ է։ Սա նշանակում է.

    • Ընդունել և ողջունել բոլոր հյուրերին՝ անկախ իրենց ծագումից

    • Հավասար մոտեցում ցուցաբերել և բավարարել հյուրերի կարիքները

    • Կապ ստեղծել՝ անկախ տարբերություններից և նմանություններից

    • Ազատ մտածելակերպ որդեգրել և պատրաստակամ լինել հյուրերին հարցեր տալու, որպեսզի պարզեք այցի ընթացքում նրանց կարիքները

    Airbnb-ն հավաքել է հյուրընկալողների, հյուրերի և փորձագետների մտքերը, որպեսզի կարողանաք ներառական գործելակերպերը ընդգրկել ձեր հյուրընկալման առօրյայում և ջերմ հյուրընկալություն ապահովել յուրաքանչյուր հյուրի համար։ Հայտարարությունը կարգավորելուց մինչև կարծիք թողնելը՝ այս խորհուրդ տրվող գործողությունները կարող են նվազեցնել թաքնված կողմնակալությունը և ստեղծել լավ հարաբերություններ։

    Նախնական ամրագրում. ներառական հայտարարության ստեղծում

    Տեղեկացնելով, որ ողջունում եք բոլոր տիպի մարդկանց՝ կարող եք օգնել պատմականորեն մարգինալացված համայնքների հյուրերին իրենց հանգիստ զգալ ու ամրագրել ձեր տարածքը։ Հյուրերի հետ խոսելով՝ իմացանք, որ այս համայնքների մարդիկ, մասնավորապես նախքան ամրագրելը, հայտարարություններում անկանխակալության ազդանշաններ են փնտրում։

    Ահա թե ինչ կարող եք անել՝ ազդարարելու, որ դուք ներառական հյուրընկալող եք.

    • Պարզ հասկացրեք ձեր հայտարարության նկարագրության առաջին մի քանի նախադասություններում, որ ողջունում եք ամեն տեսակի ծագման ու մշակույթի մարդկանց (օրինակները՝ ստորև)։

    • Ճշգրտորեն նկարագրեք ձեր սեփականության հարմարությունները, որոնք նախատեսված են հատուկ կարիքներով անձանց համար, և թարմացրեք ձեր լուսանկարները։

    • Ձեր պրոֆիլում ավելացրեք դերանուններ, որպեսզի հյուրերն իմանան՝ ինչպես դիմել ձեզ։ Այդպես ոչ միայն ցույց կտաք, թե ինչպես եք ցանկանում, որ դիմեն ձեզ, այլև կհասկացնեք, որ ձեզ համար կարևոր է նաև հյուրերի նախասիրությունն այդ հարցում։

    • Միացրեք ակնթարթային ամրագրումը, որպեսզի հյուրերն ամրագրեն ձեր տարածքն առանց նախնական հաստատման։ Սա նաև ազդարարում է, որ կարող եք հյուրընկալել բոլոր նրանց, ովքեր համապատասխանում են ձեր ամրագրման չափանիշներին։

    • Առաջարկեք նախնական հաստատումներ և խրախուսեք այն հյուրերին, որոնք ամրագրելուց առաջ ձեզ հետ կապ կհաստատեն։ Մենք պարզել ենք, որ հյուրերը երբեմն դիմում են հյուրընկալողներին նախքան ամրագրելը, որպեսզի տեսնեն, թե արդյոք իրենց կընդունեն։

    • Նախքան կմերժեք հյուրի ամրագրման հայտը, լավ խորհեք պատճառի շուրջ։ Կկարողանայի՞ք դա դեմառդեմ բացատրել հյուրին։

    Խորհուրդ. ավելին պատմեք ձեր և ձեր հետաքրքրությունների մասին պրոֆիլում և հայտարարության նկարագրության մեջ, որպեսզի հյուրերի համար հեշտանա ձեզ հետ շփումը։

    Կարող եք օգտվել ներառական ձևակերպումներից, որոնք այլ հյուրընկալողներ օգտագործում են իրենց հայտարարություններում։ Մենք խոսել ենք Հյուրընկալողների խորհրդի անդամների հետ, որոնք բերեցին այս օրինակները.

    1. Սան Ֆրանցիսկոյից Փիթերը գրում է. «Իմ տունն ապահով տարածք է բոլոր փոքրամասնությունների և մարգինալ խմբերի համար։ Ողջունում եմ բոլոր ռասաների, հավատքների, գենդերների և սեռական կողմնորոշումների հյուրերին»։

    2. «Իմ հայտարարության երկրորդ լուսանկարում պատկերված է հուշարձան, որի վրա գրված է՝ You belong»,- ասում է Շինյան՝ Ճապոնիայի Օսակա քաղաքից։ Շինյան ներկայացնում է նաև մեկ այլ լուսանկար, որտեղ ասվում է. «Ես հարգում եմ բազմազանությունը և անկանխակալությունը»՝ այդպես արտահայտելով հյուրընկալողի դիրքորոշումը։ Դուք կարող եք նաև սա գրել ենթագրով։

    Ժամանումից առաջ. թող յուրաքանչյուր հյուր ցանկալի զգա իրեն

    Ձեր տարածքի ամրագրումից հետո ջերմ և հյուրընկալ հաղորդագրություն ուղարկեք հյուրերին։ Առանց որևէ ենթադրության ապրումակցում ցույց տալը մեծ նշանակություն ունի։

    • Անհատականացրեք ձեր ողջույնի հաղորդագրությունը՝ օգտվելով հյուրի պրոֆիլի տեղեկություններից։ Այն կարող է ներառել հարցեր նրա հետաքրքրությունների, հայրենի քաղաքի և հոբբիների մասին։

    • Ձեր հյուրերի մասին խոսելիս օգտագործեք գենդերային և սեռական կողմնորոշման առումով չեզոք լեզու։ Ավելի լավ է խուսափեք ինչ-որ մեկի գենդերային կամ հարաբերությունների կարգավիճակի մասին ենթադրություններ անելուց։

    • Եթե հյուրը հարցնում է հատուկ կարիքներով անձանց համար հարմարությունների մասին, անպայման պատասխանեք նրա հարցերին և հարցրեք, թե էլ ինչ կարող է պահանջվել։

    Խորհուրդ. փորձեք հաղորդագրություն ուղարկել՝ հյուրերին հարցնելով. «Ի՞նչ կարող եմ անել, որպեսզի ձեր այցը հարմարավետ լինի»։

    Եթե ոգեշնչման կարիք ունեք, օգտվեք այլ հյուրընկալողների՝ հյուրերին ուղղված հաղորդագրություններից։ Ահա երկու օրինակ՝

    1. Իռլանդիայի Ֆալկառա քաղաքում հյուրընկալող Մայքլն ասում է, որ իր համար կարևոր է հենց սկզբից փոխըմբռնումն ապահովելը։ «Ես միշտ շնորհակալություն եմ հայտնում հյուրերին՝ մեր տարածքում մնալու հայտ ներկայացնելու համար»,- ասում է նա։ «Հետո նշում եմ, որ կկապվեմ իրենց հետ այցից առաջ, մաղթում եմ հաճելի օր և [ասում նրանց], որ, եթե այդ ընթացքում որևէ բան պետք լինի իրենց, առանց վարանելու դիմեն ինձ»։

    2. Դենվերցի Սյուզանը գրում է. «Մեր տունը ձեր տունն է։ Հարմարավետ զգացեք։ Ձերը դարձրեք այս տարածքը։ Եթե կուզենայիք կիսվել որևէ բան բարելավելու մտքերով, մեզ տեղյակ պահեք»։

    Ժամանումից հետո. հյուրերի հարմարավետության ապահովում

    Հյուրերը, հատկապես նրանք, ովքեր պատմականորեն մարգինալացված համայնքներից են, համակարծիք են, որ այս ամենը կարող է օգնել իրենց ավելի սպասված զգալ.

    • Հնարավորության դեպքում ակտիվացրեք ինքնուրույն ժամանումը, բայց հարցրեք ձեր հյուրերին, թե արդյոք գերադասում են հյուրընկալողի ներկայությամբ ժամանումը։
    • Առանց անհրաժեշտության մի այցելեք հյուրերին։ Փոխարենը՝ հարգեք նրանց անձնական տարածքի իրավունքը և հստակ նշեք, որ հասանելի եք (անձամբ կամ վիրտուալ կերպով), եթե ունենան ձեր կարիքը։

    Խորհուրդ. տան կանոններում ներառեք ձեր տարածքի մասին ցանկացած կարևոր տեղեկություն, որպեսզի այն թվային ձևաչափով հասանելի լինի հյուրերին։

    Մեկնումից հետո. հյուրերի մասին օբյեկտիվ կարծիք գրելը

    Կարծիքները Airbnb համայնքի վստահության հիմքն են։ Կարծիք թողնելով հյուրի մասին՝ կարող եք ցույց տալ ձեր երախտագիտությունը և ապահովել կառուցողական հետադարձ կապ։

    • Օգտվեք միևնույն ստանդարտներից՝ գնահատելու յուրաքանչյուր հյուրի։

    • Հնարավորության դեպքում հյուրընկալեք նրանց, ովքեր նորեկ են Airbnb-ում, և կարծիք հայտնեք նրանց այցից հետո։ Կարծիքը հյուրերին շատ կօգնի ապագա ամրագրումներ անելիս։

    • Խրախուսեք հյուրերին՝ թողնելու կարծիքներ։ Մենք պարզել ենք, որ պատմականորեն մարգինալացված համայնքների ճանապարհորդները նախքան ամրագրելը հաճախ կարդում են կարծիքները՝ պարզելու, թե արդյոք իրենց նման այլ հյուրեր լավ են զգացել տարածքում։

    Անպայման հետևեք այս ներառական գործելակերպերին, հատկապես եթե նորեկ եք հյուրընկալության ոլորտում։ Հիշեք, որ ցանկացած հյուրի ողջունելիս ամենակարևորը նրան հարցեր տալն է իր կարիքների մասին և շփման հնարավորությունը բաց պահելը։

    Դուք կարող եք անկանխակալ լինել՝ պարզապես հարցնելով ձեր հյուրերին, թե ինչ է նրանց պետք ձեր տարածքում հարմարավետ և սպասված զգալու համար։ Եվ գուցե դրանով հյուրերի համար կհեշտացնեք իրական կյանքում ձեր դուռը բացելը և ձեր տարածքում հիանալի ժամանակ անցկացնելը։

    Առանձնահատկություններ

    Airbnb
    27 հնս, 2022 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ