Ինչու են կարծիքները կարևոր

Կարծիքներն ու գնահատականներն օգնում են հյուրերին որոշել, թե արդյոք ձեր տարածքը հարմար է իրենց։ Ավելի լավ կարծիքների և գնահատականների շնորհիվ կարող եք ունենալ ավելի շատ ամրագրումներ և ավելի մեծ եկամուտ։

Դուք և այցն ամրագրած հյուրը կարող եք միմյանց մասին կարծիք հայտնել մեկնումից հետո 14 օրվա ընթացքում։ Կարծիքները հրապարակվում են այն բանից հետո, երբ երկուսդ էլ կարծիքներ եք ներկայացնում, կամ երբ ավարտվում է կարծիք հայտնելու 14-օրյա ժամկետը՝ նայած, թե որ իրադարձությունն ավելի շուտ կլինի։

Հյուրերը կարող են կարծիք հայտնել հետևյալ կերպ․

• Հրապարակային կարծիք։ Նրանց կարծիքը երևում է ձեր հայտարարության մեջ և պրոֆիլում։ Եթե պատասխանեք հրապարակային կարծիքի, ձեր պատասխանը կերևա դրա տակ։
• Նշում հյուրընկալողի համար։ Նրանց նշումը չի երևում ձեր հայտարարության մեջ։

Ըստ կանխադրման՝ առաջին հերթին ցուցադրվում են առավել համապատասխան կարծիքները։ Հյուրերը կարող են նաև որոնել կարծիքներ և դրանք տեսակավորել ըստ ամենավերջին գրվածի, ամենաբարձր գնահատվածի կամ ամենացածր գնահատվածի։

Հյուրերի կարծիքներին վերաբերվեք որպես ձեր առաջարկած տարածքն ու ծառայությունները բարելավելու հնարավորության։ Կարդացեք յուրաքանչյուր կարծիք և տվեք կառուցողական պատասխան՝ ցույց տալու համար, որ լրջորեն եք վերաբերվում այդ կարծիքին։

Հյուրերին առաջարկվում է գնահատել իրենց ընդհանուր փորձառությունը և 6 կատեգորիա՝ օգտագործելով 1–5 աստղ։ Ընդհանուր փորձառության գնահատականը մյուս կատեգորիաների միջին գնահատականը չէ։

Կատեգորիաներն են՝

• Ժամանում։ Որքանո՞վ էր հեշտ գտնել տարածքն ու ներս մտնել։
• Մաքրություն։ Տունը որքանո՞վ էր մաքուր հյուրի ժամանումից առաջ։
• Ճշգրտություն։ Տարածքը համապատասխանո՞ւմ էր հյուրի՝ հայտարարության հիման վրա ձևավորված ակնկալիքներին։
• Շփում։ Որքանո՞վ էր լավը հյուրընկալողի հետ շփումն ամրագրումից մինչև մեկնում։
• Տեղադրություն։ Հյուրն ի՞նչ տպավորություն ստացավ տարածքից և թաղամասից։
• Գին/որակ հարաբերակցություն։Ինչպիսի՞ն էր տարածքի գին/որակ հարաբերակցությունը։

Յուրաքանչյուր հյուրի ընդհանուր գնահատականը ցուցադրվում է իր կարծիքի կողքին։ Միջին ընդհանուր գնահատականը կհայտնվի որոնման արդյունքներում և ձեր հայտարարության մեջ, հենց որ տարածքը գնահատվի 3 հյուրի կողմից։

Գնահատականներն Airbnb-ին օգնում են որոշել և նշել լավագույն հյուրընկալողներին և հայտարարությունները՝ ընդգրկելով, օրինակ, «Սուպերտանտեր» ծրագրում և «Հյուրերի սիրելի» կատեգորիայում։ 

Սուպերտանտերերը ճանաչում են ստացել իրենց հիանալի հյուրընկալության շնորհիվ։ Սուպերտանտերերը պետք է պահպանեն առնվազն 4,8 աստղ միջին ընդհանուր գնահատական և համապատասխանեն այլ չափանիշների։ 

Հյուրերի մասին կարծիք գրելը մի միջոց է, որով նրանց կհիշեցնեք կարծիք թողնել ձեր մասին։ Ձեր կարծիքները հայտնվում են ամրագրած հյուրի և այդ ամրագրմանը միանալու հրավերներն ընդունած հյուրերի պրոֆիլների էջերում։ Ձգտեք՝

• Ցույց տալ երախտագիտություն։ Դա կարող եք ձևակերպել շատ պարզ. «Շնորհակալություն մեր հյուրը լինելու համար»։
• Առաջարկել մանրամասներ։ Կարող եք գրել. «Այս հյուրն ամբողջովին հետևել է մեկնման վերաբերյալ մեր ցուցումներին»։
• Լինել հարգալից։ Զգայուն հարցերին անդրադարձեք անձնական հաղորդագրության միջոցով։

Ձեզ կառաջարկվի հյուրերին գնահատել մաքրության, շփման և ձեր տան կանոններին հետևելու առումով։ Ձեր կարծիքն օգնում է հետևել հյուրերի համար սահմանված հիմնական կանոնների կիրառմանը, որոնց համաձայն՝ հյուրերը պետք է ձեր տանը վերաբերվեն ինչպես սեփականին և պահպանեն տան կանոնները։

Այս հոդվածում պարունակվող տեղեկությունները կարող են փոխված լինել հրապարակումից հետո։