Անցեք առաջ՝ առաջարկվող արդյունքներին ծանոթանալու համար

    Հիմնական կանոններ հյուրերի համար

    Նոր համակարգ, որի համաձայն՝ հյուրերը պետք է հարգեն ձեր տունը և հետևեն տան կանոններին։
    Հեղինակ՝ Airbnb, ամսաթիվ՝ 16 նոյ, 2022 թ.
    2 րոպե ընթերցում
    Թարմացվել է՝ 16 նոյ, 2022 թ.

    Առանձնահատկություններ

    • Հիմնական կանոնները հյուրերի համար պատասխանատվություն են սահմանում երեք ոլորտում՝ մաքրություն, հաղորդակցություն և տան կանոններ

    • Կրկնվող խախտումները հանգեցնում են հյուրերի համար բացասական հետևանքների

    • Դիտեք Airbnb-ի գլխավոր գործադիր տնօրեն Բրայան Չեսկիի՝ հյուրընկալողներին ուղղված հատուկ տեսաուղերձը

    Այս տարի հունվարից մինչև հունիս կատարված Airbnb ամրագրումների 84%-ն ավարտվել է հինգ աստղանի կարծիքով։ Դուք մեծ ջանքեր եք գործադրում՝ հոգալով հյուրերի մասին, և ուզում ենք, որ դուք իմանաք՝ մենք էլ ձեր մասին ենք հոգ տանում։

    Որպեսզի հյուրերը հարգեն ձեր տները, ներկայացնում ենք հիմնական կանոններ՝ պարտադիր կիրառման ենթակա ստանդարտների նոր լրակազմ, որոնց պետք է հետևեն բոլոր հյուրերը։ Դրանք պարզ ու հստակ են, և մենք նախքան ամրագրումը դրանք ցույց ենք տալիս բոլոր հյուրերին։

    Հյուրերի համար հստակ կանոնների սահմանում

    Ըստ հիմնական կանոնների՝ հյուրերը պարտավոր են հարգել ձեր տունը, հետևել տան կանոններին և խնդիրների առաջացման դեպքում անհապաղ հայտնել այդ մասին։

    Այս ակնկալիքները նոր չեն, բայց նոր է մեր գործադրման համակարգը։ Հիմնական կանոնները փոխկապակցված են թարմացված կարծիքների համակարգի հետ, որը յուրաքանչյուր այցից հետո ավելի շատ մանրամասներ կհավաքի հյուրընկալողներից և հյուրերից։

    Օրինակ՝ եթե հյուրը կեղտոտ է թողնում ձեր գորգերը, և դուք հայտնում եք խնդրի մասին՝ կարծիքների նոր համակարգում ցածր գնահատական տալով կամ դիմելով համայնքի աջակցման թիմին, մենք պատասխանատվության կենթարկենք հյուրին։

    Եթե հյուրերը խախտում են հիմնական կանոնները, նրանք առաջին անգամ նախազգուշացում են ստանում։ Եթե խնդիրները շարունակվեն, նրանց հաշիվները կարող են կասեցվել կամ հեռացվել Airbnb-ից։ Լրացուցիչ տեղեկություններ

    Տան կանոնների պահպանում

    Տան կանոնները միշտ եղել են սկզբից ևեթ հյուրերին ձեր ակնկալիքները ներկայացնելու միջոց։ Հիմնական կանոնների միջոցով կգործադրվի տան ցանկացած կանոն, որը կընտրեք ստորև ներկայացված ցանկից, և որը վերաբերում է՝

    • տնային կենդանիներին
    • միջոցառումներին
    • ծխելուն
    • էլեկտրոնային սիգարետների օգտագործմանը (նորույթ)
    • հանգստի ժամերին (նորույթ)
    • ժամանման և մեկնման ժամերին (նորույթ)
    • հյուրերի առավելագույն թվին (նորույթ)
    • կոմերցիոն նպատակներով լուսա- և տեսանկարահանմանը (նորույթ)

    Տան կանոններն ավելի ակնառու ներկայացված են նաև չորս տեղում՝ հայտարարության էջում, հաստատման էկրանին, երբ հյուրերը ամրագրում են ձեր տարածքը, և «Հավաքեք ձեր ճամպրուկները» էլեկտրոնային նամակում և ժամանման ուղեցույցում, որոնք հյուրերը ստանում են ուղևորությունից առաջ։

    Եթե հյուրին տեղեկացնում եք, որ նա խախտել է ձեր տան կանոնները, և այդ պատճառով հյուրը «պատժիչ» կարծիք է թողնում, ապա կարող եք այդ կարծիքը վիճարկել կարծիքների թարմացված համակարգի միջոցով։

    Մաքրության և հաղորդակցության վերաբերյալ կանոնների ամրապնդում

    Հիմնական կանոնների հետ մեկտեղ գործում է մաքրությանը և հաղորդակցությանը վերաբերող պահանջների կիրարկման նույն գործընթացը։ Կարող եք մաքրությանն ու հաղորդակցությանն առնչվող խնդիրների մասին հաղորդել կարծիքների նոր համակարգում կամ դիմել համայնքի աջակցման թիմին։

    Եթե գրեք տան լրացուցիչ, ողջամիտ կանոններ կամ մեկնելու վերաբերյալ պահանջներ, հյուրն այց ամրագրելուց առաջ իրազեկված կլինի այդ կանոնների մասին։

    Հիմնական կանոնները մշակվել են ձեր մեկնաբանությունների և դիտողությունների անմիջական արդյունքում։ Հուսով ենք՝ կշարունակեք մեզ հետ կիսվել ձեր գաղափարներով։

    Մանրամասներ Airbnb 2022 ձմեռային թողարկման մասին

    Այս հոդվածում պարունակվող տեղեկությունները կարող են փոխված լինել հրապարակումից հետո։

    Առանձնահատկություններ

    • Հիմնական կանոնները հյուրերի համար պատասխանատվություն են սահմանում երեք ոլորտում՝ մաքրություն, հաղորդակցություն և տան կանոններ

    • Կրկնվող խախտումները հանգեցնում են հյուրերի համար բացասական հետևանքների

    • Դիտեք Airbnb-ի գլխավոր գործադիր տնօրեն Բրայան Չեսկիի՝ հյուրընկալողներին ուղղված հատուկ տեսաուղերձը
    Airbnb
    16 նոյ, 2022 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ