Անցեք առաջ՝ առաջարկվող արդյունքներին ծանոթանալու համար
    Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

    «Պատժիչ» կարծիքների վիճարկման ավելի պարզ միջոց

    Պահանջեք «պատժիչ» կարծիքի հեռացում՝ անկախ նրանից, թե որքան ժամանակ առաջ է այն հրապարակվել։
    Հեղինակ՝ Airbnb, ամսաթիվ՝ 16 նոյ, 2022 թ.
    2 րոպե ընթերցում
    Թարմացվել է՝ 30 նոյ, 2022 թ.

    Հյուրընկալողները մեզ ասել են, որ ուզում են նախքան ամրագրման հայտ ընդունելն իմանալ հյուրի՝ Airbnb-ում ունեցած պատմությունը և մտահոգված են «պատժիչ» կարծիքների հավանականությամբ։ Մենք արդիականացնում ենք կարծիքների համակարգը, որպեսզի կարողանաք ծանոթանալ այլ հյուրընկալողների՝ հյուրերի մասին գրած կարծիքներին և վիճարկել «պատժիչ» կարծիքները։

    Ավելի մանրամասն կարծիքներ

    Մենք հյուրընկալողների համար ավելացնում ենք հնարավորություն՝ հյուրերի մասին կարծիքներում թողնելու ավելի շատ մանրամասներ, որոնք կկարողանաք կարդալ։ Օրինակ՝ հյուրի ընդհանուր վարկանիշը գտնելու հետ մեկտեղ դուք կիմանաք, թե ինչպես են մյուս հյուրընկալողները նրան գնահատել մաքրության, շփման և տան կանոնների պահպանման համար։ Ձեր արձագանքը նաև կօգնի հետևել հյուրերի համար սահմանված հիմնական կանոնների կիրառմանը և թույլ կտա հաղորդել դրանք խախտող ցանկացած հյուրի մասին։

    Նույն գործընթացը վերաբերում է նաև հյուրերի՝ ձեր մասին թողած կարծիքներին։ Հյուրերն առաջվա պես իրենց այցն ընդհանուր առմամբ կգնահատեն մեկից հինգ աստղ։ Այժմ նրանք կարող են ավելացնել նաև գնահատական և մի քանի կատեգորիաներում նշել, թե ինչն է լավ եղել կամ կարող էր ավելի լավ լինել։

    Օրինակ՝ եթե ձեր տարածքը չափազանց մաքուր է, հյուրը կարող է ընտրել հինգ աստղ և «կատարելապես մաքուր լոգասենյակ» բնութագիրը։ Կոնկրետ կատեգորիաներում տրված գնահատականները և կարծիքները չեն ազդի սուպերտանտիրոջ կարգավիճակի վրա, որը նախկինի պես որոշվում է միայն ձեր ընդհանուր վարկանիշով։

    Ավելի ուժեղ պաշտպանություն «պատժիչ» կարծիքներից

    Դուք պետք է հարմարավետ զգաք հյուրընկալելիս՝ չմտահոգվելով «պատժիչ» կարծիք ստանալու հնարավորության մասին։

    Դուք կարող եք պահանջել հեռացնել ցանկացած «պատժիչ» կարծիք՝ անկախ նրանից, թե որքան ժամանակ առաջ է այն հրապարակվել։ Կարող եք հաղորդել այն հյուրերի կարծիքների մասին, որոնք՝

    • կատարել են կանոնների լուրջ խախտում, օրինակ՝ վնաս են հասցրել ձեր սեփականությանը կամ սահմանված ժամանակից ավելի են մնացել ձեր տարածքում
    • խախտել են ձեր տան կանոնները, օրինակ՝ չարտոնված երեկույթ կամ միջոցառում են կազմակերպել տարածքում

    Ենթադրենք՝ հյուրը ծխում է ձեր տանը՝ հակառակ ձեր տան կանոնների։ Դուք հյուրին տեղեկացնում եք, որ ծխախոտի մնացուկներ եք գտել հյուրասենյակում, և ներկայացնում եք մանրազնին մաքրման համար փոխհատուցման հայտ։ Ի պատասխան՝ հյուրը հրաժարվում է վճարել և թողնում է զայրացած կարծիք։ Դուք այժմ կկարողանաք վիճարկել այդ կարծիքը։

    2023 թվականի սկզբին կներկայացնենք չատբոտ, որպեսզի ավելի հեշտացնենք կարծիքների վիճարկումը՝ առանց դիմելու համայնքի աջակցման թիմին։

    Ականջալուր լինելով ձեր խնդրանքներին՝ մենք թարմացնում ենք կարծիքների համակարգը։ Շարունակեք մեզ հետ կիսվել ձեր մտքերով, որպեսզի կարողանանք շարունակաբար կատարել անհրաժեշտ թարմացումները։

    Մանրամասներ Airbnb 2022 ձմեռային թողարկման մասին

    Այս հոդվածում պարունակվող տեղեկությունները կարող են փոխված լինել հրապարակումից հետո։

    Get details about the Airbnb 2022 Winter Release

    Information contained in this article may have changed since publication.

    Airbnb
    16 նոյ, 2022 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ