Ստացեք ավելի շատ 5 աստղանի կարծիքներ

Շնորհավորում ենք ձեր 5 աստղանի կարծիքի կապակցությամբ։ Հյուրերը գնահատում են իրենց այցը հիշարժան դարձնելու համար ներդրված ջանքերը։ Ահա թե ինչպես շարունակել նույն ոգով։

Նույնիսկ այն հյուրերը, որոնք 5 աստղ են գնահատում, կարող են առաջարկել մի քանի փոքր փոփոխություններ կատարել։ Օգտագործեք նրանց կարծիքը որպես ուղեցույց և մտածեք, թե ինչպես ավելի բարձր մակարդակի հասցնել ձեր առաջարկը։

• Վերանայեք ձեր տարածքի լուսանկարները։ Հյուրն իր կարծիքում հիացաբա՞ր է խոսել ձեր պատիոյի մասին։ Այն ցույց տվեք լուսանկարներում։ Դուք տոնական ձևավորումներ անո՞ւմ եք։ Այն սեզոնի լուսանկարները, որոնք հյուրերն այժմ ամրագրում են, տեղադրեք ամենավերևում։
• Գնահատեք ձեր հարմարությունները։ Մտածեք, թե որ սիրված հարմարությունները կարող եք ավելացնել կամ արդիացնել, օրինակ՝ մինի-սեյֆը փոխարինել սմարթ կողպեքով։ Լավագույն հարմարությունները, որոնք որոնում են հյուրերը, ներառում են ինքնուրույն ժամանում, Wi-Fi, լվացքի մեքենա, չորանոց, հեռուստացույց կամ կաբելային հեռուստատեսություն, ինչպես նաև մանղալ։*
• Ավելացրեք անհատական մոտեցում։ Ողջույնի հավաքածուն հարստացրեք ձեռագիր երկտողով կամ փոքրիկ հուշանվերով, օրինակ՝ նվիրեք այն տարածաշրջանի քարտեզը, որը հյուրերը նախատեսում են ուսումնասիրել։
• Բարելավեք ներքին կահավորանքը։ Թարմացրեք ձեր տարածքը կենցաղային հարմարություններով, օրինակ՝ ավելացրեք փափուկ բարձեր և ստեղծեք հարմարավետ անկյուններ ընթերցանության և խաղերի համար։

Փոփոխություններ կատարելիս համոզվեք, որ ձեր տարածքի նկարագրությունը, լուսանկարները և հարմարությունները համապատասխանում են այն ամենին, ինչ ներկայումս առաջարկում եք։

Որպես Airbnb հյուրընկալող՝ դուք բացում եք ձեր դուռը ամբողջ աշխարհից ժամանող մարդկանց առաջ։ Հետևողական և անկանխակալ լինելու դեպքում յուրաքանչյուր հյուրի կօգնեք իրեն զգալ ինչպես իր տանը։

• Տվեք հարցեր։ Պլանավորված հաղորդագրություն ուղարկեք ժամանումից մի քանի օր առաջ և հարցրեք հյուրերին՝ արդյոք ինչ-որ բան կարող եք անել իրենց այցն ավելի հարմարավետ դարձնելու համար։ Հյուրերի կարիքներն իմանալու պատրաստակամությունը ցույց է տալիս, որ դուք լրջորեն եք վերաբերվում նրանց հարմարավետությանը։
• Օգտագործեք գենդերային առումով չեզոք լեզու։ Ձեր Airbnb պրոֆիլում դերանուններ ավելացնելով՝ ցույց կտաք, թե ինչպես եք ցանկանում, որ ձեզ դիմեն, և իմաց կտաք, որ դուք ընդունում եք բոլոր հյուրերին՝ նրանց ինքնանույնացումից անկախ։ Հյուրերին հաղորդագրություններ ուղարկելիս ստուգեք ցանկացած հնարավոր ենթադրություն, օրինակ՝ տվյալ անձի սեռը կամ հարաբերությունների կարգավիճակը։
• Ընդգծեք հատուկ հարմարությունները։ Ունե՞ք հատուկ կարիքներով անձանց համար հարմարություններով ավտոկայանատեղի, առանց աստիճանների մուտք, դռներ կամ ցնցուղարան կամ այլ հատուկ հարմարություններ։ Կարդացեք հատուկ հարմարությունների վերաբերյալ ցուցումները և հստակ լուսանկարներ վերբեռնեք ձեր հայտարարության «Հարմարություններ հատուկ կարիքներով անձանց համար» բաժնում, որպեսզի հյուրերն իմանան՝ արդյոք կկարողանան մնալ ձեր տարածքում։
• Միացրեք ակնթարթային ամրագրումը։ Հյուրերին թույլ տալով ամրագրել ձեր տարածքն առանց նախնական հաստատման՝ դուք կհաստատեք, որ պատրաստ եք հյուրընկալելու բոլոր նրանց, ովքեր համապատասխանում են ամրագրման ձեր չափանիշներին։
• Միացրեք ինքնուրույն ժամանումը։ Հյուրերը հայտնել են, որ ինքնուրույն ներս մտնելու հնարավորությունն օգնում է մեղմել ինքնությամբ պայմանավորված ընդունելի լինելու կամ չլինելու հետ կապված մտահոգությունները։

Ներառական հյուրընկալումը նշանակում է միևնույն ստանդարտներով հյուրընկալել յուրաքանչյուր հյուրի՝ սկսած ամրագրումից մինչև միմյանց մասին կարծիք գրելու պահը։ Եթե ուզում եք իմանալ ավելին, կարդացեք մեր ուսուցման շարքն այն մասին, թե ինչպես դառնալ ավելի անկանխակալ հյուրընկալող։

*Ըստ Airbnb-ի ներքին տվյալների, որոնցով չափվել են 2024 թվականի հունվարի 1-ից մինչև դեկտեմբերի 31-ն ամբողջ աշխարհում հյուրերի կողմից ամենահաճախ որոնված հարմարությունները։

Այս հոդվածում պարունակվող տեղեկությունները կարող են փոխված լինել հրապարակումից հետո։