Անցեք առաջ՝ առաջարկվող արդյունքներին ծանոթանալու համար

    Airbnb 2022 ձմեռային թողարկման լավագույն 10 դրույթները

    Տեղեկացեք այն 10 արդիացումների մասին, որոնք կատարել ենք հենց հյուրընկալողների համար։
    Հեղինակ՝ Airbnb, ամսաթիվ՝ 16 նոյ, 2022 թ.
    5 րոպե ընթերցում
    Թարմացվել է՝ 16 նոյ, 2022 թ.

    Որպես հյուրընկալողներ՝ անցած տարվա ընթացքում մեզ շատ արձագանքներ եք ուղարկել։ Ձեր արձագանքի հիման վրա փոփոխություններ ենք կատարել՝ հյուրընկալման փորձառությունը բարելավելու համար։

    Հյուրընկալողների AirCover

    1. Նույնիսկ ավելի շատ AirCover։ Հյուրընկալողների AirCover-ն այժմ ներառում է պաշտպանություն ձեր տանը կայանված ավտոմեքենաների և նավակների համար, ինչպես նաև՝ արվեստի գործերի և թանկարժեք իրերի ընդլայնված ծածկույթ։ Մենք մեծացնում ենք պաշտպանությունը գույքային վնասից՝ 1 միլիոն ԱՄՆ դոլարից դարձնելով 3 միլիոն ԱՄՆ դոլար։

    2. Հյուրերի ինքնության հաստատում։ Ինքնության հաստատման շրջանակն ընդլայնվել է բոլոր հյուրերի համար, որոնք ամրագրում են ուղևորություններ դեպի Airbnb-ի հիմնական 35 երկրներ և տարածաշրջաններ, ինչը կազմում է բոլոր ամրագրումների 90%-ը։ 2023 թվականի սկզբին այս պահանջը կներկայացնենք ամբողջ աշխարհում։

    3. Ամրագրման ստուգում։ Մենք մշակել ենք ամրագրման ստուգման տեխնոլոգիա, որը վերլուծում է մոտ հարյուր գործոն և զգուշացնում, եթե ամրագրումները կարող են հանգեցնել չարտոնված երեկույթների կազմակերպման կամ սեփականության վնասման։ Ավստրալիայում հաջող փորձարկումից հետո մեկնարկում ենք ամրագրման ստուգման տեխնոլոգիան ԱՄՆ-ում և Կանադայում, իսկ համաշխարհային մեկնարկը կտրվի 2023-ի սկզբին։

    4. Փոխհատուցման պարզեցված գործընթաց։ Փոխհատուցման հայտ կարող եք ներկայացնել ընդամենը մի քանի քայլով։

    Կարդալ Հյուրընկալողների AirCover-ի նորությունների մասին

    Հիմնական կանոններ հյուրերի համար

    5. Հյուրերի ավելի մեծ պատասխանատվություն։ Ներմուծում ենք հիմնական կանոններ հյուրերի համար։ Դա պարտադիր կիրառման ենթակա ստանդարտների նոր լրակազմ է, որի համաձայն՝ հյուրերը պետք է հարգեն ձեր տունը և հետևեն ձեր տան կանոններին։ Նախքան ամրագրում կատարելը յուրաքանչյուր հյուր պետք է համաձայնի այս հիմնական կանոններին։ Մենք հյուրերին կկրթենք ու կհիշեցնենք պատասխանատվության մասին, իսկ կանոնները խախտելու դեպքում ժամանակավորապես կկասեցնենք կամ, եթե պետք լինի, կհեռացնենք նրանց հաշիվները։

    Կարդալ հյուրերի համար սահմանված հիմնական կանոնների մասին

    Կարծիքների համակարգի բարելավումներ

    6. Հյուրերի մասին մանրամասն կարծիքներ։ Դուք կկարողանաք ավելի շատ մանրամասներ հայտնել, երբ ինչ-որ մեկը մնա ձեր տանը, և կարդալ այլ հյուրընկալողների թողած ավելի շատ տեղեկություններ հյուրերի մասին։ Ձեր կարծիքները կօգնեն հետևել հիմնական կանոնների կիրառմանը։

    7. Պաշտպանություն «պատժիչ» կարծիքներից։ Դուք կկարողանաք վիճարկել ցանկացած «պատժիչ» կարծիք՝ անկախ նրանից, թե որքան ժամանակ առաջ է այն հրապարակվել։ Դրանք ներառում են կարծիքներ հյուրերից, որոնք խստորեն խախտում են ձեր տան ստանդարտ կանոնները, երեկույթ են կազմակերպում ձեր տանը, վնասում են ձեր սեփականությունը կամ մնում են ամրագրված ժամկետից ավելի երկար։

    Կարծիքների համակարգի բարելավումների մասին

    Արագ վճարում

    8. Ավելի արագ վճարում։ Վերջնավճարի նոր եղանակը, որը կոչվում է Արագ վճարում, եկամուտները տեղ է հասցնում Airbnb-ի փոխանցումից հետո 30 րոպեի ընթացքում՝ նույնիսկ հանգստյան և տոն օրերին։ Այս տարի Արագ վճարումը հասանելի է ԱՄՆ-ում՝ 1,5% միջնորդավճարով, յուրաքանչյուր վերջնավճարի համար՝ առավելագույնը 15 ԱՄՆ դոլար։

    Կարդալ մանրամասներ Արագ վճարման մասին

    Airbnb կատեգորիաներ

    9. Կատեգորիայի գործիքներ։ Սկսած 2023 թվականի սկզբից՝ դուք կկարողանաք ստուգել, թե որ կատեգորիային է պատկանում ձեր տունը։ Նաև կկարողանաք ավելի շատ մանրամասներ ավելացնել տան առանձնահատկությունների մասին, որպեսզի ձեր տունը հայտնվի ճիշտ կատեգորիայում։

    10. Նոր կատեգորիաներ։ Ավելացնում ենք նոր կատեգորիաներ, որոնք հյուրերին կօգնեն ավելի շատ տներ բացահայտել։ Airbnb-ի ամենաթարմ կատեգորիաներն են՝ «Նոր», «Պահանջված», «Հանոկներ», «Աշխարհի գագաթին», «Հարմարեցված», «Զվարճանք» և «Առանձին սենյակներ»։

    Airbnb կատեգորիաներին առնչվող ինչ նորություններ կան

    Ունե՞ք ծանոթ, որը ցանկանում է հյուրընկալել։ Նրան պատմեք Airbnb Start-ի մասին. բոլորովին նոր, պարզ միջոց՝ Airbnb-ում որևէ սուպերտանտիրոջ անվճար անհատական խորհուրդներով մեկնարկելու համար։

    Եթե մտքեր ունեք վերջին թողարկման վերաբերյալ, սիրով կլսենք։ Խնդրում ենք ուղարկել ձեր կարծիքը։

    Կարդացեք Airbnb 2022 ձմեռային թողարկման մեր ուղեցույցը

    Այս հոդվածում պարունակվող տեղեկությունները կարող են փոխված լինել հրապարակումից հետո։

    Airbnb
    16 նոյ, 2022 թ.
    Հոդվածն օգտակա՞ր էր։

    Ուսումնասիրեք ավելի շատ թեմաներ