Հասանելիությունը Airbnb-ում

Airbnb-ն պարբերաբար փորձարկվում և օպտիմալացվում է՝ ապահովելու հետևյալ հատուկ հարմարությունները․

Էկրանի ընթերցիչներ

• VoiceOver
• VoiceOver էկրանի ընթերցիչ macOS համակարգով գործող համակարգիչներում․ կայքերի ստուգում Safari դիտարկչով
• VoiceOver էկրանի ընթերցիչ iOS համակարգով գործող շարժական սարքերում․ moWeb ստուգում Safari դիտարկչով
• VoiceOver էկրանի ընթերցիչ iOS համակարգով գործող շարժական սարքերում․ հիմնական հավելվածների փորձարկում
• TalkBack
• TalkBack գործառույթ Android համակարգով գործող շարժական սարքերում․ moWeb ստուգում Chrome դիտարկչով
• TalkBack գործառույթ Android համակարգով գործող շարժական սարքերում․ հիմնական հավելվածների փորձարկում
• JAWS էկրանի ընթերցիչ Microsoft Edge-ով
• NVDA էկրանի ընթերցիչ Mozilla Firefox-ով

Կառավարման տարրեր օգտատիրոջ համար

• Միայն ստեղնաշարով կատարվող հրամաններ
• Համացանց Windows-ով գործող համակարգիչներում
• Համացանց macOS-ով գործող համակարգիչներում

Կույր և թույլ տեսողություն ունեցող օգտատերերի համար

• Տառատեսակի խոշորացում․ Android օպերացիոն համակարգով աշխատող շարժական սարքեր
• Դինամիկ տառատեսակ․ iOS օպերացիոն համակարգով շարժական սարքեր
• Կարգավորելի տառաչափեր․ կայքերի դիտման համար հարմարեցվող տառաչափերը փորձարկվում են Chrome-ով՝ համակարգիչների դեպքում, և Safari-ով՝ iOS-ով գործող շարժական սարքերի դեպքում

Բջջային հեռախոսներում փորձարկվում են ավելի փոքր և ավելի մեծ էկրանները

• Փորձարկված iOS հեռախոսի ամենահին տարբերակը iPhone 7-ն է։
• Փորձարկման համար ընտրվել են Android-ով գործող սարքեր Google-ից և Samsung-ից։ Pixel 3 և Galaxy S8 հեռախոսները փորձարկման համար օգտագործվող ամենահին մոդելներն են։
• Եթե հին սարքի կամ ՕՀ-ի տարբերակում ծրագրային սխալ կա, մենք ստուգում ենք՝ արդյոք խնդիրն առկա է հավելվածի ընթացիկ տարբերակում, հետո առաջնահերթություն ենք տալիս խնդրին և լուծում այն։
• Եթե խնդիրն առկա չէ ընթացիկ տարբերակում, ապա, հետևանքների լրջության աստիճանից կախված, առաջնահերթություն է տրվում վերջերս հայտնաբերված խնդիրներին։

Չնայած Airbnb-ի հասանելիությունն ապահովելու մեր ջանքերին՝ կան որոշ սահմանափակումներ։ Ստորև ներկայացված են հայտնի սահմանափակումների նկարագրությունը և հնարավոր լուծումները։ Խնդրում ենք դիմել մեզ, եթե նկատեք ստորև չնշված որևէ խնդիր։

Հայտնի սահմանափակումներ Airbnb-ի համար․

Հաճախորդի կողմից վերբեռնված պատկերներ

• Հնարավոր է, որ տարածքի պատկերները, հաճախորդների պրոֆիլների լուսանկարները և վերբեռնված այլ պատկերներ նկարագրություններ չունենան։ Հյուրընկալողները վերբեռնում են տարածքների իրենց պատկերները և հնարավորություն ունեն տրամադրելու նկարագրություններ կայքի համակարգչային տարբերակում։ Airbnb-ն դա չի պահանջում։
• Մենք ուսումնասիրում ենք տարածքների պատկերների նկարագրություններն ավտոմատ ստեղծելու տարբերակներ։ Այս լուծումը հետագայում կարող է կիրառվել այլ վերբեռնված պատկերների համար։

Երրորդ կողմի ներդրված բովանդակություն

• Airbnb հարթակներում երրորդ կողմի մատակարարների միջոցով հայտնվող բովանդակությունը կարող է հասանելի չլինել հատուկ կարիքներով անձանց համար, քանի որ պարտադիր չէ, որ այդ մատակարարները համապատասխանեն հասանելիության վերաբերյալ մեր ստանդարտին։ Ամեն անգամ, երբ որակի ապահովման մեր ներքին գործընթացի միջոցով հասանելիության հետ կապված խնդիր է հայտնաբերվում, մենք այդ խնդրի հարցով դիմում ենք մատակարարին և խնդրում շտկել այն։
• Մատակարարների հետ կնքվող նոր պայմանագրերը ներառում են WCAG 2.1-ի AA մակարդակի աջակցություն, բայց սա հետադարձ ուժով չի վերաբերում նախորդ պայմանագրերին։

Պլանշետի փորձարկում

• Airbnb-ն պլանշետներում չի ստուգում մեր հարթակի համատեղելիությունը։ Փորձարկման այս բացը կարող է հանգեցնել տարօրինակ ընդհատումների և խաթարել պլանշետներ օգտագործողների աշխատանքը։

Ստեղնաշարի և Բրայլի գրատիպով ցուցադրման հասանելիություն հիմնկան բջջային հավելվածներում

• Airbnb-ն չի ստուգում մեր հարթակի համատեղելիությունը հիմնական բջջային հավելվածներում ստեղնաշարի կամ Բրայլի գրատիպով ցուցադրման հասանելիության հետ։ Փորձարկման այս բացը կարող է հանգեցնել ոչ օպտիմալ փորձառության այն հաճախորդների համար, որոնք օգտագործում են այս սարքերի համադրությունները մեր հիմնական հավելվածների հետ։
• Ներկայումս որակի ապահովման մեր գործընթացում ստեղնաշարի հասանելիության կամ Բրայլի գրատիպով ցուցադրման փորձարկում նախատեսված չէ։

Հասանելիության կարգավորումներ

• Համացանցից համակարգչով օգտվող հաճախորդները մուտք գործելուց հետո կկարողանան օգտվել հատուկ կարիքներով անձանց համար նախատեսված կարգավորումներից։ Հիմնական բջջային հավելվածներն օգտագործող հաճախորդները կարող են օգտվել հատուկ կարիքներով անձանց համար նախատեսված կարգավորումներից ինչպես մուտք գործած, այնպես էլ դուրս եկած կարգավիճակում։

Թեև գիտենք, որ հասանելիությունը դինամիկ գործընթաց է, ահա թե ինչ եղանակներով ենք աշխատել ենք Airbnb-ի հասանելիության բարելավման ուղղությամբ։

Տեսողական

• Էկրանի ընթերցիչի աջակցություն
• Նվազագույն գունային ցայտունություն
• Հարմարեցվող վեբ-դիզայն
• Տառատեսակի խոշորացում, դինամիկ տառատեսակ, կարգավորելի տառաչափ

Լսողական

• Բաց մակագրեր տեսաբովանդակության համար
• Պատկերների նկարագրություններ Airbnb-ի կողմից ստեղծված բովանդակության համար

Շարժունակություն

• Ստեղնային դյուրանցումներ համացանցում
• Քարտեզի մասշտաբի կառավարման տարրեր
• Քարտեզի տեղաշարժման կոճակներ

Ճանաչողական

• Շարժումների նվազեցման կարգավորումներ
• Տեսանյութի ավտոմատ վերարտադրման կանխում
• «Բեռնել ավելին» տարբերակ (անվերջ թերթելու փոխարեն)
• Ձայնի անջատում՝ ըստ կանխադրման

Մեր որոնման զտիչներով հեշտությամբ կգտնեք միայն այն հայտարարությունները, որոնք ունեն ձեզ անհրաժեշտ հատուկ հարմարությունները։ Իմացեք ավելին այն մասին, թե ինչպես որոնել հատուկ հարմարություններով տներ կամ հատուկ կարիքներով անձանց համար նախատեսված հարմարություններով փորձառություններ։

Տներում հյուրընկալողները պետք է ներկայացնեն հատուկ կարիքներով անձանց համար նախատեսված հարմարությունների լուսանկարներ, իսկ փորձառություններ հյուրընկալողները՝ գրավոր նկարագրություն։ Այնուհետև Airbnb-ի գործակալների մասնագիտացված թիմն անձամբ ստուգում է լուսանկարների ճշգրտությունն ու նկարագրության որակը։

Փորձառություններ հյուրընկալողները կարող են ուղեկիցներին թույլ տալ առանց լրացուցիչ վճարների միանալ այն հյուրերին, որոնց օգնում են։ Airbnb-ում մենք ուղեկից ենք համարում 18-ից բարձր տարիքի ցանկացած անձի, որը հաշմանդամություն, հոգեկան հիվանդություն կամ քրոնիկական հիվանդություն ունեցողին կանոնավորապես օգնում է իրականացնել իր ամենօրյա գործունեությունը։ Հյուրերի և հյուրընկալողների համար լրացուցիչ տեղեկություններ ուղեկիցների և փորձառություններին առնչվող մեր կանոնների մասին։

Մենք հասկանում ենք, որ ուղեկցող կենդանիները կենսական նշանակության դեր են կատարում իրենց տերերի համար։ Ահա թե ինչու հյուրերը պարտավոր չեն նախքան ամրագրելը հայտնել ուղեկցող կենդանու առկայության մասին, թեև մենք միշտ խրախուսում ենք թափանցիկ հաղորդակցությունը՝ թյուրըմբռնումներից խուսափելու համար։ Հյուրերի և հյուրընկալողների համար լրացուցիչ տեղեկություններ ուղեկցող կենդանիներին վերաբերող կանոնների մասին։

Հասանելիության նկատմամբ պահանջները տարբեր են՝ կախված տվյալ հյուրից։ Այդ իսկ պատճառով մենք ցուցումներ ենք տալիս հյուրընկալողներին, թե ինչպես հստակ, ճշգրիտ տեղեկատվություն տրամադրել իրենց տարածքների մասին, և նրանց հորդորում ենք շփվել հյուրերի հետ։ Լրացուցիչ տեղեկություններ հատուկ կարիքներ ունեցող հյուրեր ընդունելու մասին։ Լրացուցիչ տեղեկություններ հատուկ կարիքներ ունեցող հյուրերին ողջունելու մասին։

Հյուրընկալողի տարածքը կարող է ավելի շատ հարմարություններ ունենալ հատուկ կարիքներով անձանց համար, քան նա կարծում է։ Նա կարող է փոփոխել հայտարարությունն ըստ սենյակների և առնվազն մեկ հստակ լուսանկարով հաստատել հատուկ կարիքներով անձանց համար նախատեսված յուրաքանչյուր հարմարության առկայությունը։ Լրացուցիչ տեղեկություններ տների հայտարարություններում հատուկ հարմարությունների ավելացման մասին։ Լրացուցիչ տեղեկություններ փորձառությունների հայտարարություններում հատուկ կարիքներով անձանց համար նախատեսված հարմարությունների ավելացման մասին։