Առաջարկները կցուցադրվեն որոնման հարցումը մուտքագրելուց հետո։ Առաջարկներին ծանոթանալու համար օգտագործեք վեր և վար սլաքները։ Ընտրելու համար սեղմեք Enter։ Եթե ընտրել եք բառակապակցություն, ապա որոնման կներկայացվի այդ բառակապակցությունը։ Եթե առաջարկը հղում է, դիտարկիչում կբացվի այդ էջը։
Համայնքի քաղաքականությունը

Հարգելի պատճառների կիրառման քաղաքականություն և կորոնավիրուս (COVID-19)

Նշում. 2022 թ․ մայիսի 31-ից սկսած՝ մեր Հարգելի պատճառների կիրառման քաղաքականության մեջ թարմացվել է COVID-19-ին առնչվող ծածկույթի վերաբերյալ դրույթը․

• 2022 թ․ մայիսի 31-ին կամ դրանից հետո կատարված ամրագրումների դեպքում COVID-19-ին առնչվող ստորև նշված հանգամանքներն այլևս ընդգրկված չեն (բացառությամբ Հարավային Կորեայում կատարված տեղական ամրագրումների)։ Փոխարենը՝ սովորականի պես կկիրառվեն հյուրընկալողների չեղարկման կանոնները։

• Մինչև 2022 թվականի մայիսի 31-ը կատարված ամրագրումների դեպքում COVID-19-ին առնչվող ստորև նշված հանգամանքները կշարունակեն ընդգրկված լինել։

Թարմացման ամսաթիվը՝ Մայիսի 31, 2022 թ.

2020 թ․ մարտի 11-ին Առողջապահության համաշխարհային կազմակերպությունը (ԱՀԿ) COVID-19 կոչվող կորոնավիրուսի բռնկումը հայտարարեց համաշխարհային պանդեմիա։ Այդ պահից սկսած՝ բռնկման աշխարհագրությունն ընդլայնվել է, և բոլոր երկրների կառավարությունները ձեռնարկում են արագ գործողություններ՝ COVID-19-ի տարածումը դանդաղեցնելու համար։

Ի պատասխան դրան՝ Հարգելի պատճառների կիրառման քաղաքականության շրջանակներում տրամադրել ենք COVID-19-ի համար հետևյալ ծածկույթը՝ մեր համայնքի պաշտպանությունն ու հանգստությունն ապահովելու համար։

Խորհուրդ. եթե հյուր եք, «Ուղևորություններ» էջում ընտրեք ձեր ուղևորությունը և ծանոթացեք չեղարկման կանոններին ու գումարի վերադարձի տարբերակներին։ Իմացեք, թե ինչպես։ Եթե հյուրընկալող եք, տեղեկություններ կգտնեք ձեր հյուրընկալման կառավարման վահանակում։

Ամփոփ նկարագիր

2020 թ. մարտի 14-ին կամ ավելի շուտ ամրագրված այցերի և Airbnb փորձառությունների ամրագրումները, որոնց ժամանման ամսաթիվը նախատեսված է այսօրվանից սկսած 45 օրվա ընթացքում, դիտարկվում են քաղաքականության շրջանակում և կարող են չեղարկվել մինչև ժամանման պահը։ Ամրագրում չեղարկող հյուրերը կունենան չեղարկման և գումարի վերադարձի մի շարք տարբերակներ, իսկ հյուրընկալողները կկարողանան առանց տույժի չեղարկել ամրագրումները՝ չվտանգելով սուպերտանտիրոջ իրենց կարգավիճակը, եթե կարողանան ապացուցել, որ համապատասխանում են պահանջներին։ Airbnb-ն կվերադարձնի գումարը կամ կթողարկի բոնուս, որը ներառում է սպասարկման բոլոր վճարները քաղաքականությամբ սահմանված բոլոր չեղարկումների համար։ Քաղաքականության համաձայն չեղարկելու համար պետք է հաստատեք և (կամ) տրամադրեք հանգամանքը հաստատող փաստաթղթեր։

2020 թ. մարտի 14-ից հետո և 2022 թ. մայիսի 31-ից առաջ կատարված ամրագրումների նկատմամբ սովորականի պես կկիրառվեն հյուրընկալողների չեղարկման կանոնները՝ բացառությամբ այն դեպքի, երբ հյուրը կամ հյուրընկալողը հիվանդ է COVID-19-ով։

2022 թ․ մայիսի 31-ին կամ դրանից հետո կատարված ամրագրումների դեպքում կիրառվելու են հյուրընկալողի չեղարկման կանոնները։ COVID-19-ին առնչվող հանգամանքները հաշվի չեն առնվի՝ բացառությամբ Հարավային Կորեայում կատարված տեղական ամրագրումների, որտեղ հյուրը կամ հյուրընկալողը հիվանդ է COVID-19-ով։

Չեղարկումները կկատարվեն դրանք ներկայացնելու պահին գործող հարգելի պատճառների ծածկույթի համաձայն, իսկ արդեն չեղարկված ամրագրումները չեն վերանայվի։

Եթե ամրագրումն արդեն սկսվել է (ժամանումը տեղի է ունեցել), ապա այս հարգելի պատճառը կիրառելի չէ։

Այլ կանոններ են գործում մայրցամաքային Չինաստանում տեղական ամրագրումների և Luxe ամրագրումների նկատմամբ։


Ինչ ամրագրումներ են ընդգրկված

2020 թ. մարտի 14-ին կամ ավելի շուտ կատարված ամրագրումներ

2020 թ. մարտի 14-ին կամ ավելի շուտ ամրագրված այցերի և Airbnb փորձառությունների ամրագրումները, որոնց ժամանման ամսաթիվը նախատեսված է այսօրվանից սկսած 45 օրվա ընթացքում, կարող են չեղարկվել մինչև ժամանման պահը։ Դա նշանակում է, որ քաղաքականության շրջանակներում չեղարկող հյուրերին կվերադարձվի ամբողջ գումարը, կամ կտրվի ճամփորդական բոնուս՝ վճարված գումարի չափով (ճամփորդական բոնուսի հասանելիության դեպքում)։ Հյուրընկալողները կարող են քաղաքականության համաձայն չեղարկել առանց տույժերի՝ չվտանգելով սուպերտանտիրոջ իրենց կարգավիճակը, իսկ Airbnb-ն կվերադարձնի գումարը կամ կտրամադրի ճամփորդական բոնուս, որը կներառի սպասարկման բոլոր վճարները։

2020 թ. մարտի 14-ին կամ դրանից շուտ արված և այսօրվանից առնվազն 45 օր անց նախատեսված ժամանումով այցերի և Airbnb փորձառությունների դեպքում COVID-19-ին առնչվող հանգամանքներն այժմ հաշվի չեն առնվում։ Հյուրընկալողների չեղարկման կանոնները կկիրառվեն սովորականի պես։

Եթե ամրագրումն արդեն սկսվել է (ժամանումը տեղի է ունեցել), ապա այս հարգելի պատճառը կիրառելի չէ։

2020 թ. մարտի 14-ից հետո և 2022 թ. մայիսի 31-ից առաջ կատարված ամրագրումներ

Տների և Airbnb փորձառությունների՝ 2020 թ. մարտի 14-ից հետո և 2022 թ. մայիսի 31-ից առաջ կատարված ամրագրումների դեպքում սովորականի պես կկիրառվեն հյուրընկալողների չեղարկման կանոնները, և COVID-19-ին առնչվող հանգամանքները հաշվի չեն առնվի Հարգելի պատճառների կիրառման քաղաքականության շրջանակում՝ բացառությամբ այն դեպքերի, երբ հյուրը կամ հյուրընկալողը տվյալ պահին հիվանդ է COVID-19-ով։ COVID-19-ին առնչվող հանգամանքների մեջ ներառված չեն տրանսպորտային խափանումները և չեղարկումները, ճանապարհորդությունների վերաբերյալ նախազգուշացումները և սահմանափակումները, առողջապահական նախազգուշացումները և կարանտինները, գործող օրենսդրության փոփոխությունները և կառավարության այլ հրամաններ, օրինակ՝ տարհանման վերաբերյալ կարգադրությունները, սահմանների փակումը, կարճաժամկետ վարձակալության արգելքները և ապաստարանների տրամադրման պահանջները։

2022 թ․ մայիսի 31-ին կամ դրանից հետո կատարված ամրագրումներ

2022 թ․ մայիսի 31-ին կամ դրանից հետո ամրագրված տների և Airbnb փորձառությունների դեպքում կիրառվելու են հյուրընկալողի չեղարկման կանոնները։ COVID-19-ին առնչվող հանգամանքները հաշվի չեն առնվի Հարգելի պատճառների կիրառման քաղաքականության շրջանակում՝ բացառությամբ Հարավային Կորեայում կատարված տեղական ամրագրումների, որտեղ հյուրը կամ հյուրընկալողը հիվանդ է COVID-19-ով։

Հարգելի պատճառների կիրառման քաղաքականությունը նպատակ ունի պաշտպանելու հյուրերին և հյուրընկալողներին անկանխատեսելի հանգամանքներից, որոնք առաջանում են ամրագրումից հետո։ Առողջապահության համաշխարհային կազմակերպության կողմից COVID-19-ը համավարակ հռչակվելուց հետո Հարգելի պատճառների կիրառման քաղաքականությունն այլևս չի գործում, քանի որ COVID-19-ը և դրա հետևանքներն այլևս անկանխատեսելի կամ անսպասելի չեն։ Խնդրում ենք ամրագրում կատարելիս անպայման ուշադիր ուսումնասիրել հյուրընկալողի չեղարկման կանոնները և ընտրել անհրաժեշտ մակարդակի ճկունություն առաջարկող տարբերակ։

Ինչպես է դա աշխատում

Եթե հյուր եք, «Ուղևորություններ» էջում ընտրեք ձեր ուղևորությունը և ծանոթացեք չեղարկման կանոններին ու գումարի վերադարձի տարբերակներին։ Իմացեք, թե ինչպես։ Եթե հյուրընկալող եք, տեղեկություններ կգտնեք ձեր հյուրընկալման կառավարման վահանակում։

Կորոնավիրուսի վերաբերյալ նորություններ և ռեսուրսներ

Մենք Ռեսուրս կենտրոնում հավաքել ենք հոդվածներ, որոնք մեր համայնքին կօգնեն այս ժամանակաշրջանում։ Այնտեղ կգտնեք ամենաթարմ տեղեկություններն այն մասին, թե ինչպես ենք արձագանքում COVID-19-ի հետևանքով ստեղծված իրավիճակին՝ սկսած քաղաքականության փոփոխություններից մինչև հյուրընկալողների և հյուրերի համար պատրաստված ռեսուրսները։

Նաև կարող եք կարդալ Հարգելի պատճառների կիրառման քաղաքականությունը, որպեսզի իմանաք, թե COVID-19-ին չառնչվող ինչ հանգամանքներ են ընդգրկվում։

Համայնքի բոլոր անդամներին խնդրում ենք միմյանց հետ հաղորդակցվելիս դրսևորել հարգանք, անկանխակալ վերաբերմունք և կատարել Խտրականության դեմ քաղաքականության պահանջները։

Մենք կշարունակենք ստուգել այս քաղաքականության կիրառումը։ Թարմացումներին և նոր տեղեկություններին հետևեք այս էջում։

Այս հոդվածն օգնե՞ց

Առնչվող հոդվածներ

Օգնություն ստացեք ձեր ամրագրումների, հաշվի վերաբերյալ և այլ հարցերով։
Մուտք կամ գրանցում