Վերահսկեք, թե երբ և ինչպես հյուրընկալեք

Դուք կարող եք հյուրընկալել ամբողջ ժամանակ, սեզոնային հիմունքներով կամ պարզապես ճանապարհորդելու ընթացքում։ Airbnb հավելվածը հեշտացնում է հյուրընկալման ժամանակացույցի կառավարումը։ Ներկառուցված գործիքների միջոցով կարող եք կառավարել ձեր ազատ ամսաթվերը, ամրագրման նախապատվությունները և տան կանոնները։

Օգտվեք օրացույցից՝ ձեր ազատ ամսաթվերը սահմանելու և ճշգրտելու համար։

• Ավելացրեք ձեր ամսաթվերը։ Բացեք ձեր օրացույցը հաջորդ 3, 6, 9, 12 կամ 24 ամիսների համար, կամ նշեք, թե որ ամսաթվերին եք ցանկանում հյուրընկալել։ Դուք խոշոր միջոցառումները և տոն օրերը կտեսնեք անմիջապես ձեր օրացույցում։
• Որոշեք նախապատրաստման ժամանակը։ Ընտրեք, թե հյուրերի ժամանումից որքան առաջ եք ուզում ծանուցում ստանալ։ Թույլատրեք նույն օրը ամրագրումներ կատարելը կամ պահանջեք 1, 2, 3 կամ 7 օր առաջ ծանուցում, եթե նախընտրում եք ավելի շատ ժամանակ ունենալ։
• Սահմանեք ուղևորության տևողությունները։ Նշեք, թե նվազագույնը կամ առավելագույնը քանի գիշեր կարող են մնալ հյուրերը։ Օրինակ՝ կարող եք պահանջել առնվազն 2 գիշեր տևողությամբ այց։

Կարող եք անհատականացնել օրացույցը մի քանի պարզ կարգավորումով։

• Նշեք հյուրերի առավելագույն թիվը։ Որոշեք, թե քանի հյուր կարող է հարմարավետորեն մնալ ձեր տանը։
• Ընտրեք, թե ինչպես ամրագրեն հյուրերը։ Ակնթարթային ամրագրումը ձեր պահանջներին համապատասխանող և տան կանոններն ընդունող հյուրերին թույլ է տալիս ակնթարթորեն ամրագրել ազատ ամսաթվերը։ Եթե նախընտրում եք առանձին-առանձին ուսումնասիրել հայտերը, կարող եք անջատել ակնթարթային ամրագրումը։
• Ընտրեք ժամանման և մեկնման ժամեր։ Դուք եք որոշում, թե որքան շուտ կարող են ժամանել և որքան ուշ կարող են մեկնել հյուրերը։

Ամրագրում կատարող բոլոր հյուրերի ինքնությունն Airbnb-ից օգտվելու համար պետք է ստուգված լինի։ Դուք կարող եք դիտել յուրաքանչյուր հյուրի պրոֆիլը նախքան նրա ժամանումը։

Տան կանոնները հյուրերին հնարավորություն են տալիս նախքան ժամանումն իմանալու, թե ինչ է ակնկալվում իրենցից։

• Ընտրեք տան կանոնները։ Ընտրեք այն կանոններից, որոնք վերաբերում են ծխելուն, տնային կենդանիներին, միջոցառումներին, հանգստի ժամերին, հյուրերի առավելագույն թվին, ժամանման և մեկնման ժամերին, ինչպես նաև կոմերցիոն նպատակներով լուսանկարահանմանը կամ տեսանկարահանմանը։
• Ավելացրեք լրացուցիչ կանոններ։ Կարող եք գրել հատուկ խնդրանքներ ձեր տարածքի համար, եթե դրանք ողջամիտ են և համապատասխանում են Airbnb-ի կանոններին։

Եթե հյուրը խախտի ձեր կանոնները, դիմեք Airbnb-ի աջակցման թիմին։ Տան հստակ կանոններ ու ճիշտ կարգավորումներ ունենալով՝ կարող եք վստահորեն հյուրընկալել։

Այս հոդվածում պարունակվող տեղեկությունները կարող են փոխված լինել հրապարակումից հետո։