Ինչպես սահմանել տան օգտակար կանոններ

Պաշտպանեք ձեր տունը և ստեղծեք ավելի լավ պայմաններ հյուրերի համար։
Հեղինակ՝ Airbnb, ամսաթիվ՝ 1 դեկ, 2020 թ.
2 րոպե ընթերցում
Թարմացվել է՝ 9 մրտ, 2023 թ.

Տան կանոնները ակնկալիքներ են սահմանում հյուրերի համար և ծանոթացնում ձեր հյուրընկալման ոճին։ Բացի այդ, կանոնները հյուրերին օգնում են նախապես գնահատել՝ արդյոք ձեր տարածքը հարմար է իրենց։

Ինչպես ընտրել տան ստանդարտ կանոններ

Հյուրընկալողները կարող են ընտրել տան ստանդարտ կանոնների այս բաժինները՝

  • Տնային կենդանիներ
  • Միջոցառումներ
  • Սովորական և էլեկտրոնային սիգարետների օգտագործում
  • Հանգստի ժամեր
  • Ժամանման և մեկնման ժամեր
  • Հյուրերի առավելագույն թիվ
  • Կոմերցիոն նպատակներով լուսանկարահանում և տեսանկարահանում

Ձեր տան կանոններն այժմ ներկայացվում են չորս տեղում՝ հայտարարության էջում, հաստատման էկրանին, երբ հյուրերը ամրագրում են ձեր տարածքը, հյուրերի «Հավաքեք ձեր ճամպրուկները» էլեկտրոնային նամակում և ժամանման ուղեցույցում, որը հյուրերը ստանում են ուղևորությունից առաջ։

Ինչպես են տան կանոնները պաշտպանում ձեզ

Հյուրերի համար սահմանված հիմնական կանոնների միջոցով կարելի է կիրառել տան ստանդարտ կանոնների ցանկից ընտրված ցանկացած կանոն։ Եթե հյուրը խախտի տան կանոններից որևէ մեկը, կապվեք հյուրի հետ և փորձեք ուղղակիորեն լուծել խնդիրը։ Եթե համաձայնության չգաք, օգնության համար դիմեք համայնքի աջակցման թիմին։

Ինչպես գրել լրացուցիչ կանոններ

Եթե ունեք հատուկ պահանջներ, որոնք ներառված չեն տան ստանդարտ կանոնների մեջ, կարող եք դրանք գրել լրացուցիչ կանոնների բաժնում։ Խորհուրդ ենք տալիս խուսափել հյուրերին չափազանց շատ կանոններով ծանրաբեռնելուց, բայց կարող եք ավելացնել տեղական սովորույթներին կամ առողջությանն ու անվտանգությանը վերաբերող կարևոր տեղեկություններ։ Հյուրընկալողների առաջարկած մի քանի օրինակ․

  • «Մենք չունենք ասֆալտապատ տարածքներ, ամենուրեք ցեխ է, ուստի հյուրերին խնդրում ենք հանել կոշիկները, որովհետև տանը գորգեր կան»,-ասում է Ջուլիետը, որը Քենիայի Նայրոբի քաղաքում Հյուրընկալողների խորհրդի անդամ է։
  • «Խնդրում ենք փակել և կողպել բոլոր պատուհաններն ու դռները, երբ տնից դուրս գալու լինեք»,- ասում են Կանադայի Էդմոնտոն քաղաքում հյուրընկալող Դեյվն ու Դեբը։
  • «Խնդրում ենք ուտելիք չպահել ննջասենյակում»,- ասում է Հոնոլուլուում հյուրընկալող Մոմին։

Բոլոր լրացուցիչ կանոնները պետք է համապատասխանեն Airbnb-ի կանոններին և պայմաններին՝ ներառյալ մեր Ծառայությունների մատուցման պայմանները և Խտրականության դեմ քաղաքականությունը։

Այս հոդվածում պարունակվող տեղեկությունները կարող են փոխված լինել հրապարակումից հետո։

Airbnb
1 դեկ, 2020 թ.
Հոդվածն օգտակա՞ր էր։