Ինչպես օպտիմալացնել հյուրընկալման առօրյան

Հյուրընկալումը ժամանակ է խլում, բայց, երբ հունի մեջ ընկնեք, կարող եք օպտիմալացնել ձեր առօրյայի մեծ մասը։ Այդ կերպ կարող եք կենտրոնանալ ձեր հյուրերի համար հիշարժան այց ապահովելու վրա։

Մաքրման կանոններ սահմանելով՝ կհեշտացնեք հյուրերի հերթափոխման հետ կապված խնդիրները։

• Ճիշտ կլինի վարձել պրոֆեսիոնալ հավաքարարի։
• Ընտրեք նմանատիպ գույնի անկողնային պարագաներ և սրբիչներ, որպեսզի կարողանաք միասին լվանալ դրանք։
• Միշտ պատրաստ ունեցեք լրացուցիչ անկողնային պարագաներ ու սրբիչներ՝ իրար հաջորդող հյուրերի կացությունն արագ կազմակերպելու համար։
• Պլանավորեք կանոնավոր ու մանրազնին մաքրություն՝ այցերի միջակայքում մաքրման աշխատանքները հեշտացնելու համար։
• Պլանավորեք մաքրման միջոցների և այլ անհրաժեշտ պարագաների, օրինակ՝ զուգարանի թղթի և օճառի պարբերական պատվերներ, որպեսզի դրանք միշտ տեղում լինեն։

Հյուրերի հաղորդագրություններին պատասխանելը չպետք է ժամանակատար լինի։ Airbnb-ի գործիքներն օգնում են արագացնել գործընթացը։

• Ներբեռնեք Airbnb հավելվածը՝ արագ պատասխանելու համար։ Միացրեք ծանուցումները և սարքը պահեք ձեռքի տակ՝ ձայնը միացված վիճակում։
• Օգտագործեք արագ պատասխաններ, որպեսզի հաճախ տրվող հարցերին պատասխանեք է՛լ ավելի արագ։ Կարող եք փոփոխել Airbnb-ի ձևանմուշները կամ ստեղծել և պահել սեփական ձևանմուշները։
• Պլանավորեք արագ պատասխաններ, որոնք կարևոր պահերին ավտոմատ կուղարկվեն բոլոր հյուրերին (օրինակ՝ համոզվելու, որ նրանք ժամանման վերաբերյալ ցուցումները ստացել են իրենց այցից մեկ օր առաջ)։

Ժամանման պարզեցումը կօգնի, որ հյուրերն իրենց զգան ավելի լավ։

• Հայտարարությունների խմբագրիչում օգտագործեք Ժամանման ուղեցույցը, որպեսզի ավելացնեք կարևոր տեղեկություններ՝ ներառյալ ժամանման եղանակն ու ժամը, ուղղությունները, տան ուղեցույցը և Wi-Fi-ի տվյալները։
• Ավելացրեք ինքնուրույն ժամանման տարբերակ՝ օգտագործելով թվային կոդեր, սմարթ կողպեքներ կամ մինի սեյֆեր, ինչի շնորհիվ կխնայեք ձեր ժամանակն ու հյուրերին կտրամադրեք ավելի մեծ ճկունություն։
• Ավելացրեք համահյուրընկալողի, որը կօգնի կառավարել ձեր հայտարարություններն ու ամրագրումները։

Այս հոդվածում պարունակվող տեղեկությունները կարող են փոխված լինել հրապարակումից հետո։