Ինչու է այդքան կարևոր հյուրերին արագ պատասխանելը

Airbnb-ի գործիքները կօգնեն հեշտությամբ պատասխանել։
Հեղինակ՝ Airbnb, ամսաթիվ՝ 4 մյս, 2021 թ.
2 րոպե ընթերցում
Թարմացվել է՝ 9 մրտ, 2023 թ.

Ամենահաջողակ հյուրընկալողները հյուրերի հաղորդագրություններին պատասխանում են դրանք ստանալուն պես։ Փաստորեն, պատասխանների լավ հաճախականություն ունենալը կարող է նպաստել, որպեսզի ձեր տարածքն ավելի բարձր դիրք զբաղեցնի հյուրերի որոնումներում։

Արագ արձագանքը հատկապես կարևոր է ամրագրումից առաջ, երբ հյուրերին կարող են լրացուցիչ տեղեկություններ պետք լինել ամրագրում կատարելու համար, և ժամանման ու մեկնման ժամանակ, երբ հյուրերը կարող են հարցերին արագ պատասխան ստանալու կարիք ունենալ։ Մենք խնդրել ենք այն հյուրընկալողներին, որոնք ունեն կայծակնային արձագանքման հաճախականություն, կիսվել մի քանի խորհուրդներով։

Ինչպես արձագանքել ավելի արագ

«Համոզվեք, որ Airbnb հավելվածը, SMS-ն ու էլփոստի ծանուցումները միշտ ակտիվ են, որպեսզի ձեր շարժական սարքում երևա նոր հաղորդագրության ստացումը»,- ասում է Մեխիկոյում գործող սուպերտանտեր Օմարը։

Այդտեղից փորձեք Airbnb գործիքներով ավտոմատացնել ձեր պատասխանները։ Ավստրալիայի Օլբանի քաղաքում հյուրընկալող Քեթը սիրում է օգտագործել արագ պատասխաններ։ «Դրանք հսկայական ժամանակ են խնայում, և ես ստիպված չեմ լինում նույն բանը գրել նորից ու նորից»,- ասում է նա։

Պլանավորված հաղորդագրությունները նույնպես օգտակար են, հատկապես՝ ժամանման և մեկնման ժամանակ։ Հնդկաստանի Նյու Դելի քաղաքում Հյուրընկալողների խորհրդի անդամ Քեշավը յուրաքանչյուր ժամանումից 24 ժամ առաջ ուղարկում է պլանավորված հաղորդագրություն, որում նշված են լինում իր տարածք մուտք գործելու ցուցումներ և ժամանման վերաբերյալ այլ տեղեկություններ։

«Եթե ժամանման ժամին հյուրը դեռ եկած չի լինում, նրան մեկ այլ հաղորդագրություն եմ ուղարկում՝ հարցնելու. «Դուք ունե՞ք բոլոր անհրաժեշտ տեղեկությունները։ «Ամեն դեպքում նորից եմ ուղարկում դրանք, եթե փորձում եք գտնել տեղը»,- ասում է Քեշավը։

Ինչպես է հաշվարկվում պատասխանների հաճախականությունը

Պատասխանների հաճախականությունը վերջին 30 օրերին հյուրերի նոր հաղորդագրություններին 24 ժամվա ընթացքում ձեր ուղարկած պատասխանների տոկոսն է։

  • Սա ներառում է հյուրի կողմից նոր հարցմանը պատասխանելը և ամրագրման հայտ ընդունելը, նախապես հաստատելը կամ մերժելը։

  • 24 ժամից ավելի երկար ժամանակում պատասխանելու դեպքում կնվազի ձեր պատասխանների ընդհանուր հաճախականությունը, և կմեծանա արձագանքման միջին ժամանակը։

Հյուրընկալման համար կարևոր է ձեր Airbnb հաշվին միացած մնալն ու հաղորդագրություններին արագ պատասխանելը։ Դա կբարելավի ձեր պատասխանների հաճախականությունը և կնպաստի, որ ձեր տարածքն ավելի բարձր դիրք զբաղեցնի որոնման արդյունքներում։

Այս հոդվածում պարունակվող տեղեկությունները կարող են փոխված լինել հրապարակումից հետո։
Airbnb
4 մյս, 2021 թ.
Հոդվածն օգտակա՞ր էր։