Արագ պատասխանների օգտագործում ժամանակ խնայելու նպատակով

Հյուրընկալողները հաճախ պատասխանում են տարբեր հյուրերի նույն հարցերին, օրինակ՝ ձեր տունը հասանելի՞ է հունիսին։ Կարո՞ղ եք ուղղություններ ուղարկել ինձ։ Ո՞րն է Wi-Fi-ի գաղտնաբառը։

Կարող եք նույն պատասխանը կրկին օգտագործել և ամեն անգամ արագ արձագանքել՝ օգտագործելով արագ պատասխանները «Հաղորդագրություններ» ներդիրում։

Արագ պատասխանը կարճ, նախապես գրված հաղորդագրություն է, որը ձևանմուշի տեսքով պահվում է հաղորդագրման կարգավորումներում։

Մանրամասների տեղապահները (օրինակ՝ հյուրի անվան) անհատականացնում են յուրաքանչյուր հաղորդագրություն՝ լրացնելով հայտարարության կամ ամրագրման տեղեկությունները։

Ստեղծեք արագ պատասխաններ կամ փոփոխեք Airbnb-ի ձևանմուշները։ Օրինակ՝ եթե հաճախ եք պատասխանում բացօթյա մանղալի վերաբերյալ հարցերի, փորձեք ձեր ստանդարտ պատասխանը պահել արագ պատասխանի տեսքով։

Կարող եք արագ պատասխաններն ուղարկել անմիջապես կամ պլանավորել դրանց ավտոմատ ուղարկումն ավելի ուշ։

Հյուրին ակնթարթորեն արագ պատասխան ուղարկելու համար՝

• Բացեք «Հաղորդագրություններ» ներդիրը։
• Ընտրեք նամակագրությունը, որին ցանկանում եք պատասխանել։
• Գրել հաղորդագրություն կետի կողքին հպեք պլյուսի նշանին (+)։
• Ընտրեք Ուղարկել արագ պատասխան։
• Ընտրեք արագ պատասխան, որը հայտնվում է ձեր նամակագրությունում։
• Խմբագրեք հաղորդագրությունը կամ ուղարկեք այնպես, ինչպես կա։
• Հաղորդագրությունն ուղարկելու համար հպեք սլաքին (↑)։

«Հաղորդագրություններ» ներդիրում կան նաև առաջարկվող պատասխաններ, որոնք հյուրի հարցը հասկանալու համար օգտագործում են արհեստական բանականություն և դրան պատասխանելու համար առաջարկում ձեր արագ պատասխաններից մեկը։ Առաջարկը երևում է ձեր նամակագրությունում, որտեղ միայն դուք կարող եք տեսնել այն։ Նախքան ուղարկելը կարող եք փոփոխել առաջարկվող պատասխանը կամ գրել այլ պատասխան։

Բոլոր հյուրերին ավտոմատ կերպով արագ պատասխան ուղարկելու համար՝

• Բացեք «Հաղորդագրություններ» ներդիրը։
• Էկրանի վերին մասում հպեք կարգավորումների պատկերակին։
• Հպեք Կառավարել արագ պատասխանները։
• Ընտրեք այն արագ պատասխանը, որն ուզում եք պլանավորել, և հպեք Հաջորդ։
• Հպեք Պլանավորել և ընտրեք, թե երբ եք ուզում, որ հյուրերը ստանան հաղորդագրությունը, օրինակ՝ ամրագրումից 5 րոպե հետո կամ ժամանումից 1 օր առաջ՝ ժամը 10։00-ին։

Դուք հիշեցում կտեսնեք հյուրի հետ ձեր նամակագրությունում, երբ մոտենա պլանավորված արագ պատասխանի ժամանակը։ Ճշգրտեք կամ բաց թողեք հաղորդագրությունն ուղարկելը, եթե այն կրկնում է արդեն տրամադրված տեղեկություններ։

Արագ պատասխանն առավել արդյունավետ է, երբ այն հակիրճ է և կենտրոնացած է մեկ թեմայի վրա։ «Հաղորդագրություններ» ներդիրում կգտնեք նախապես գրված ձևանմուշներ նմանատիպ ընդհանուր թեմաների համար։

• Ազատ ամսաթվեր. տեղեկացրեք հյուրերին, որ կարող են ամրագրել ձեր օրացույցի ցանկացած ազատ օր։
• Քնելու հարմարություններ. հաստատեք ձեր տան ննջասենյակների, մահճակալների և լոգասենյակների քանակը։
• Վաղ ժամանում. ընդունեք հյուրի՝ ձեր սովորական ժամանման ժամից շուտ ժամանելու հայտը։
• Ուղղություններ և տրանսպորտ. հաստատեք տան հասցեն՝ այնտեղ հասնելու ցուցումներով։
• Wi-Fi. տրամադրեք ձեր տան կամ գտնվելու վայրի Wi-Fi-ի անունն ու գաղտնաբառը։
• Ուշ մեկնում. ընդունեք հյուրի՝ ձեր սովորական մեկնման ժամից ուշ մեկնելու հայտը։

Կարող եք անհատականացնել նախապես գրված ցանկացած ձևանմուշ նախքան այն ուղարկելը կամ ստեղծել սեփականը։ Փորձեք պլանավորել արագ պատասխաններ հետևյալ առանցքային պահերի համար.

• Ամրագրման հաստատում. ողջույնի երկտող ուղարկեք, երբ հյուրի ամրագրումը հաստատվի։
• Ժամանումից առաջ. հետևեք ժամանումից 24-ից 48 ժամ առաջ, երբ նրանց ուղևորության բոլոր մանրամասները հասանելի լինեն։ 
• Այցի առաջին գիշերվանից հետո. դիմեք և հարցրեք, թե արդյոք ինչ-որ բան հարկավոր է այցն ավելի հարմարավետ դարձնելու համար։ 
• Մեկնումից առաջ. տրամադրեք մեկնման ժամը և ցուցումները հյուրերի մեկնումից առաջ։
• Մեկնումից հետո. շնորհակալություն հայտնեք հյուրերին ձեզ մոտ մնալու համար և խնդրեք կարծիք թողնել մեկնումից հետո 24-ից 48 ժամվա ընթացքում։

Արագ պատասխաններին լուսանկարներ կամ տեսանյութեր ավելացնելը կօգնի ներկայացնել ձեզ և տրամադրել կարևոր մանրամասներ ձեր տան մասին։ Օրինակ՝ տեսանյութով ցուցումները կարող են հյուրերին օգնել ներս մտնել, կարգավորել օդորակիչը կամ ջեռուցումը, միացնել կամ անջատել ջակուզին։

Ամրագրումների հաստատումից հետո ցանկացած ժամանակ կարող եք ֆայլեր կցել հաղորդագրություններին։ Լուսանկարներն ուղարկեք PNG կամ JPG ձևաչափով (մինչև 50 ՄԲ), իսկ տեսանյութերը՝ MP4 կամ MOV ձևաչափով (մինչև 100 ՄԲ և 60 վայրկյան տևողությամբ)։

Գտնվելու վայրից կախված՝ օգտատիրոջ փորձառությունը կարող է տարբեր լինել։ Այս հոդվածում պարունակվող տեղեկությունները կարող են փոխված լինել հրապարակումից հետո։