Ինչպես է Airbnb-ն պաշտպանում հյուրընկալողներին
Երբ հաղորդակցման, ամրագրման և վճարման նպատակներով օգտվում եք Airbnb-ից, դուք պաշտպանված եք մեր կանոններով։
Հյուրընկալողների AirCover
Հյուրընկալողների AirCover-ը տրամադրում է անվճար ամբողջական պաշտպանություն ամեն անգամ հյուրեր ընդունելիս։ Այն ներառում է՝
- Հյուրընկալողի պաշտպանություն գույքային վնասից 3 միլիոն ԱՄՆ դոլարի չափով՝ ներառյալ թանկարժեք իրերի, կայանված մեքենաների և նավակների ապահովագրական ծածկույթը
- Հյուրընկալողի պատասխանատվության ապահովագրություն 1 միլիոն ԱՄՆ դոլարի չափով
- Հյուրի ինքնության հաստատում
- Ամրագրող հյուրերի կենսագրական տվյալների ստուգումներ՝ օրենքով թույլատրված դեպքերում
- Ամրագրումների ստուգման սեփական համակարգ՝ աղմկոտ հավաքույթների և գույքի վնասման հավանականությունը նվազեցնելու համար։
Հիմնական կանոններ հյուրերի համար
Airbnb-ն բոլոր հյուրերից պահանջում է նախքան ամրագրում կատարելը հետևել հիմնական կանոններին։ Նրանք պետք է՝
- Ձեր տանը վերաբերվեն ինչպես սեփականին։ Հյուրերը պարտավոր են ձեր տունը թողնել այնպիսի վիճակում, որը չի պահանջում չափից ավելի մաքրման աշխատանքներ, և հետևել աղբի և վնասի վերաբերյալ ցուցումներին։
- Հետևել ձեր տան կանոններին։ Սա ներառում է հյուրերի թույլատրելի քանակի, ժամանման և մեկնման ժամերի, ինչպես նաև հանգստի ժամերի պահպանումը։
Եթե հյուրերը չհետևեն այս կանոններին, կարող եք դիմել Airbnb-ի աջակցման թիմին և ձեր կարծիքում ներկայացնել ձեր փորձառությունը։ Տան կանոնները բազմիցս խախտող հյուրերի հաշիվները կարող են կասեցվել կամ հեռացվել Airbnb-ից։
Տան կանոններ
Տան կանոնները կիրառվում են Airbnb-ի հիմնական կանոնների համաձայն և օգնում են սահմանել, թե ինչ եք ակնկալում հյուրերից։ Տան կանոնների այս ցանկից կարող եք ընտրել հետևյալ բաժինները՝
- տնային կենդանիներ
- միջոցառումներ
- ծխախոտ՝ սովորական և էլեկտրոնային
- հանգստի ժամեր
- ժամանման և մեկնման ժամեր
- հյուրերի առավելագույն թիվ
- կոմերցիոն նպատակներով լուսանկարահանում և տեսանկարահանում
Կարող եք գրել հատուկ խնդրանքներ ձեր տարածքի համար, եթե դրանք ողջամիտ են և համապատասխանում են Airbnb-ի կանոններին։ Օրինակ՝ կարող եք խնդրել հյուրերին նախքան մեկնելը անջատել օդորակիչը։
Հյուրերի պրոֆիլներ և կարծիքներ
Հյուրերին խնդրում ենք լրացնել իրենց պրոֆիլը՝ ավելացնելով լուսանկար և անձնական տվյալներ, որպեսզի դուք կարողանաք ավելի լավ ճանաչել նրանց։
- Հյուրերի կարծիքները հիմնված են իրական շփումների վրա։ Հյուրընկալողները և հյուրերը միմյանց մասին կարծիք են հայտնում միայն այցի ավարտից հետո։
- Որոշեք, թե ինչպես եք ցանկանում, որ հյուրերը ամրագրեն։ Ակնթարթային ամրագրման դեպքում կարող եք ամրագրում թույլատրել միայն այն հյուրերին, որոնք ավարտել են առանց միջադեպերի կամ ցածր գնահատականների առնվազն մեկ այց։ Ըստ ցանկության կարող եք յուրաքանչյուր ամրագրման հայտ ուսումնասիրել ընդունելուց առաջ։
- Կառավարումը ձեր ձեռքում է։ Դուք կարող եք չեղարկել որևէ ամրագրում, որի ընթացքում, ըստ ձեր հիմնավոր ենթադրության, հյուրը կկազմակերպի երեկույթ՝ պայմանով, որ պահպանում եք Հյուրընկալողի չեղարկման կանոնները։ Եթե ձեզ անհանգստացնում է ամրագրման հայտը, կարող եք մերժել այն՝ պայմանով, որ հետևում եք Airbnb-ի Խտրականության դեմ քաղաքականությանը։
Airbnb-ի աջակցման թիմ
Airbnb-ն պատրաստ է 60-ից ավելի լեզվով աջակցելու ձեզ 24/7 ռեժիմով.
- Աջակցություն հեռախոսով և հաղորդագրությամբ։ Հրատապ խնդիրների դեպքում զանգահարեք մեզ։ Ոչ հրատապ խնդիրների, օրինակ՝ օրացույցի թարմացման կամ գների ճշգրտման դեպքում հաղորդագրություն ուղարկեք մեզ։
- Անվտանգության շուրջօրյա գիծ։ Եթե երբևէ վտանգ զգաք, Airbnb հավելվածը տրամադրում է անվտանգության հարցերով հատուկ պատրաստություն անցած գործակալների ծառայություններից մեկ հպումով օգտվելու հնարավորություն։
- Սուպերտանտերերի հարցերով զբաղվող աջակցման ծառայություն։ Սուպերտանտերերն Airbnb-ին դիմելիս ավտոմատ կերպով կապվում են թիմի մասնագետի հետ։
Հյուրընկալողների AirCover-ի շրջանակներում Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություններ և սերվիսներ հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տներ կամ փորձառություններ են առաջարկում Ճապոնիայում, որտեղ գործում են Ճապոնիայում հյուրընկալողների ապահովագրությունը և Ճապոնիայում Փորձառությունների պաշտպանության ապահովագրությունը, կամ այն հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Ծածկույթի բոլոր սահմանաչափերը ցուցադրվում են ԱՄՆ դոլարով։
Հյուրընկալողի պատասխանատվության ապահովագրությունն ու Փորձառություններ և սերվիսներ հյուրընկալողի պատասխանատվության ապահովագրությունը երաշխավորված են կողմնակի ապահովագրական ընկերությունների կողմից։
Եթե այցեր եք ընդունում տներում կամ փորձառություններ կամ սերվիսներ եք հյուրընկալում Միացյալ Թագավորությունում, ապա Հյուրընկալողի պատասխանատվության և Փորձառությունների և ծառայությունների պատասխանատվության ապահովագրական պոլիսները երաշխավորված են Zurich Insurance Company Ltd.-ի կողմից և Միացյալ Թագավորության հյուրընկալողների համար կազմակերպվում ու կնքվում են առանց լրացուցիչ ծախսերի՝ Airbnb UK Services Limited-ի կողմից, որը Ֆինանսական վերահսկողության վարչության (FCA) կողմից թույլատրված և կարգավորվող Aon UK Limited ընկերության նշանակված ներկայացուցիչն է։ Aon-ի FCA գրանցման համարն է՝ 310451։ Դա կարող եք ստուգել՝ այցելելով Ֆինանսական ծառայությունների ռեգիստր կամ կապվելով FCA-ի հետ 0800 111 6768 հեռախոսահամարով։ «Հյուրընկալողների AirCover» ծրագրի շրջանակներում Հյուրընկալողի պատասխանատվության և Փորձառություններ և սերվիսներ հյուրընկալողի պատասխանատվության ապահովագրական պոլիսները կարգավորվում են Ֆինանսական վերահսկողության վարչության կողմից։ Մնացած պրոդուկտներն ու ծառայությունները Airbnb UK Services Limited ընկերության (FPAFF609LC) կողմից տրամադրված կարգավորվող պրոդուկտներ չեն։
Եթե հյուրընկալում եք տներում, փորձառություններ կամ սերվիսներ եք հյուրընկալում Եվրոպական տնտեսական տարածքում (ԵՏՏ), ապա Հյուրընկալողի պատասխանատվության և Փորձառություններ և սերվիսներ հյուրընկալողի պատասխանատվության ապահովագրական պոլիսները երաշխավորված են Zurich Insurance Europe AG-ի՝ Իսպանիայում գործող մասնաճյուղի կողմից և ԵՏՏ-ում հյուրընկալողների համար առանց լրացուցիչ ծախսերի կազմակերպվում ու կնքվում են Airbnb Spain Insurance Agency S.L.U.-ի (ASIASL) կողմից, որը անկախ ապահովագրական գործակալություն է, վերահսկվում է Ապահովագրական և կենսաթոշակային ֆոնդերի գլխավոր տնօրինության (DGSFP) կողմից և գրանցված է Իսպանիայում՝ DGSFP-ի Ապահովագրական դիստրիբյուտորների ռեեստրում՝ AJ0364 համարի ներքո։ Կարող եք ստուգել այս գրանցումը՝ այցելելով DGSFP-ի Ապահովագրական դիստրիբյուտորների ռեեստր, իսկ ASIASL-ի բոլոր տվյալները կարող եք գտնել այստեղ։
Հյուրընկալողի պաշտպանությունը գույքային վնասից ապահովագրություն չէ և կապված չէ Հյուրընկալողի պատասխանատվության ապահովագրության հետ։ Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ Այն հյուրընկալողների համար, որոնց բնակության կամ գործունեության երկիրը Ճապոնիան չէ, գործում են «Հյուրընկալողի պաշտպանություն գույքային վնասից» ծրագրի այս պայմանները։
Այս հոդվածում պարունակվող տեղեկությունները կարող են փոխված լինել հրապարակումից հետո։