Որքա՞ն է Airbnb-ն գանձում հյուրընկալողներից

Սպասարկման վճարներն Airbnb-ին օգնում են աջակցել հյուրընկալողներին և փոխհատուցել վճարման մշակման, մարկետինգի, հաճախորդների աջակցման և այլ ծախսեր։ 

Դրանք կազմում են մեկ գիշերվա գնի տոկոս՝ գումարած ձեր ավելացրած բոլոր վճարները, օրինակ՝ մաքրման վճարը։ Սպասարկման վճարները հանվում են ձեր գնից՝ վերջնավճարը հաշվարկելու համար։ Airbnb-ում գործում են 2 տեսակի վճարներ՝ տրոհված վճար և միասնական վճար։

Հյուրընկալողներն ու հյուրերն առանձին են վճարում իրենց սպասարկման վճարները։ Ձեր գնից հանվում է հյուրընկալողի վճար 3%-ի չափով՝ վերջնավճարը հաշվարկելու համար։* Բացի այդ, հյուրերը վճարում են 14,1%-ից մինչև 16,5% սպասարկման վճար՝ ի հավելումն ձեր գնի։ Սա նշանակում է, որ դուք սահմանում եք մեկ գին, բայց հյուրերը տեսնում և վճարում են մեկ այլ գին։ Օրինակ՝ եթե գինը սահմանեք 100 ԱՄՆ դոլար, կվաստակեք 97 ԱՄՆ դոլար, իսկ հյուրերը կվճարեն մոտ 115 ԱՄՆ դոլար։

Ձեր գնից հանվում է սպասարկման միասնական վճար՝ վերջնավճարը հաշվարկելու համար։ Սովորաբար դա կազմում է 14-ից 16%։** Սա նշանակում է, որ դուք սահմանում եք այն գինը, որը տեսնում և վճարում են հյուրերը։ Օրինակ՝ 15,5% միասնական վճարի դեպքում, եթե գինը սահմանեք 115 ԱՄՆ դոլար, կվաստակեք 97,18 ԱՄՆ դոլար, իսկ հյուրերը կվճարեն 115 ԱՄՆ դոլար։

Միասնական վճարը պահանջվում է ավանդական հյուրընկալության տարածքների համար՝ ներառյալ հյուրանոցային տարածքների և սպասարկվող բնակարանների մեծ մասը։ Սեփականության կառավարման կամ ալիքների կառավարման ծրագրակազմ օգտագործող հյուրընկալողների մեծ մասը նույնպես կվճարի միասնական վճար։

Սպասարկման վճարներն Airbnb-ին օգնում են գործել սահունորեն և աջակցել հյուրընկալողներին։ Դրանք փոխհատուցում են այսպիսի ծախսեր՝

• հյուրերի վճարումների մշակում
• հայտարարությունների մարկետինգ հյուրերի համար
• հաճախորդների շուրջօրյա աջակցում

Գնի մանրամասները տեսնելու համար բացեք ցանկացած ամրագրում ձեր օրացույցում կամ ցանկացած գործարք ձեր եկամուտների վահանակում։ Սպասարկման վճարը կտեսնեք առանձին տողում։

Սպասարկման վճարների մասին ավելին իմացեք Օգնության կենտրոնում, որն ունի հոդվածներ հետևյալ թեմաներով՝

• Airbnb-ի սպասարկման վճարներ
• Ավելացված արժեքի հարկ (ԱԱՀ)
• Airbnb փորձառություններ և Airbnb սերվիսներ
• Հյուրերին վերադարձվող սպասարկման վճարներ

*Որոշ օգտատերեր, այդ թվում՝ Իտալիայում և Բրազիլիայում տարածքներ ունեցող հյուրընկալողները, ավելի շատ են վճարում։

** Չեղարկման շատ խիստ կանոններ ունեցող հյուրընկալողներից գանձվող վճարը կարող է լինել ավելի բարձր։

Որոշ երկրներում և տարածաշրջաններում հարկերը ներառված են ցուցադրված ընդհանուր գնի մեջ։ Ընդհանուր գինը՝ ներառյալ հարկերը, միշտ ցուցադրվում է նախքան մեկնումը։

Այս հոդվածում պարունակվող տեղեկությունները կարող են փոխված լինել հրապարակումից հետո։