Ինչպես մեկնարկել Airbnb-ում
Airbnb-ում ձեր տունն առաջարկելը հեշտ է։ Ստեղծեք հայտարարություն ընդամենը մի քանի քայլով, ցանկացած պահի թարմացրեք այն և նախապատրաստեք ձեր տարածքը ձեզ հարմար արագությամբ։
Ստեղծեք հայտարարություն
Airbnb-ն ձեզ կառաջնորդի ողջ գործընթացի ընթացքում։
- Պատմեք ձեր տարածքի մասին։ Ավելացրեք ձեր սեփականության տեսակը, տեղադրությունը, ննջասենյակների և լոգասենյակների քանակը և նշեք, թե քանի հյուր կարող եք հյուրընկալել։
- Ձեր հայտարարությունը դարձրեք գրավիչ։ Վերբեռնեք բարձրորակ լուսանկարներ, գրեք վերնագիր և նկարագրություն, որոնք ընդգծում են, թե ինչն է յուրահատուկ դարձնում ձեր տարածքը, և ընտրեք ձեր առաջարկած հարմարությունները։
- Ավարտեք և հրապարակեք հայտարարությունը։ Սահմանեք աշխատանքային և հանգստյան օրերի գները և որոշեք՝ արդյոք ավելացնել հատուկ առաջարկ նոր հայտարարության համար, որպեսզի գրավեք ձեր առաջին հյուրերին և ստանաք կարծիքներ։
Ավելացրեք բարձրորակ լուսանկարներ
Հիանալի լուսանկարները հյուրերին օգնում են իրենց պատկերացնել ձեր տանը և կարող են բարելավել ձեր հայտարարության տեսանելիությունը որոնման արդյունքներում։
- Կարգի բերեք տարածքը։ Հյուրերին գրավում են կոկիկ և գեղեցիկ ձևավորված սենյակները։ Լուսանկարեք այնպիսի դիրքերից, որոնք ցույց են տալիս ամբողջ տարածքը։
- Գտեք լավագույն լուսավորությունը։ Մեղմ, բնական լույսը ջերմ երանգ է հաղորդում լուսանկարներին։
- Վարձեք պրոֆեսիոնալի։ Airbnb-ի պրոֆեսիոնալ լուսանկարչության ծառայությունը հասանելի է աշխարհի մի շարք քաղաքներում։ Airbnb-ի պրոֆեսիոնալ լուսանկարչության ծառայությունն օգտագործած հյուրընկալողների եկամուտը հաջորդ տարվա ընթացքում ավելացել է միջինում 21%-ով՝ համեմատած նրանց հետ, ովքեր չեն օգտվել դրանից։*
Սահմանեք ձեր գինը
Մրցակցային գին ընտրելը կօգնի, որ ձեր հայտարարությունն աչքի ընկնի և գրավի ամրագրումներ։ Մեկ գիշերվա գինը դուք եք որոշում և ցանկացած պահի կարող եք ճշգրտել այն։
- Դիտեք գնանշման խորհուրդները։ Դուք կտեսնեք առաջարկվող գին, որը հիմնված է ձեր տարածքի տեղադրության, հարմարությունների և մոտակայքում գտնվող նմանատիպ տարածքների վրա։ Կարող եք այն օգտագործել որպես ելակետ կամ սահմանել ձեր սեփական գինը։
- Ստուգեք նմանատիպ հայտարարությունները։ Հայտարարությունը հրապարակելուց հետո Airbnb-ն առաջարկում է գործիքներ, որոնք կօգնեն հեշտությամբ համեմատել մոտակայքում գտնվող նմանատիպ տարածքների հետ։
- Ընտրեք վճարում ստանալու եղանակը։ Airbnb-ն հյուրերից վճարում է գանձում ժամանումից առաջ և սովորաբար ձեր վերջնավճարն ուղարկում է յուրաքանչյուր հյուրի նախատեսված ժամանումից մոտ 24 ժամ անց։ Ընտրեք վերջնավճարի նախընտրելի եղանակը, որը տարբեր է լինում ըստ տեղադրության, և ցանկացած պահի փոխեք այն։
Նախապատրաստեք ձեր տարածքը
Մի քանի հանգամանք հաշվի առնելով՝ դուք կարող եք հյուրերին օգնել ավելի լավ զգալ իրենց։
- Ապահովեք հիմնական պարագաների առկայությունը։ Տրամադրեք թարմ սպիտակեղեն, սրբիչներ, զուգարանի թուղթ, օճառ և շամպուն։
- Պարզեցրեք ժամանումը։ Կարող եք տեղադրել սմարթ կողպեք կամ հստակ ցուցանակներ, որպեսզի հյուրերը կարողանան հեշտությամբ ներս մտնել։
- Սահմանեք մաքրման կանոններ։ Որոշեք՝ արդյոք ինքներդ եք զբաղվելու մաքրությամբ, թե պրոֆեսիոնալ մաքրող եք հրավիրելու։ Մաքրությունը հյուրերի կարծիքներում ամենակարևոր գործոններից մեկն է։
- Պահեք արժեքավոր իրերը։ Ապահով պահելու համար ձեր զարդերը, անձնագրերը և այլ անձնական իրեր դրեք կողպվող պահարանում կամ պահեք տարածքից դուրս։
*Այս արժեքը հաշվարկվել է՝ գնահատելով 2024–2025 թվականներին 1 տարվա ընթացքում ամբողջ աշխարհում Airbnb-ի պրոֆեսիոնալ լուսանկարներով տների ավելի քան 14 700 հայտարարությունների հյուրընկալողների եկամուտների դոլարային արժեքի տարբերությունը՝ համեմատած առանց պրոֆեսիոնալ լուսանկարների հայտարարությունների հետ։
Այս հոդվածում պարունակվող տեղեկությունները կարող են փոխված լինել հրապարակումից հետո։