Ձևավորեք ակնկալիքներ՝ նշելով ճշգրիտ տեղադրությունը

Տան տեղադրությունը կարող է մեծ դեր խաղալ հյուրերի կողմից ամրագրման որոշում կայացնելու հարցում։ Ամրագրումից հետո նրանց անհրաժեշտ կլինի ճշգրիտ հասցեն և հստակ ցուցումները՝ առանց խնդիրների ժամանելու համար։

Կարևոր է, որ Airbnb-ի ձեր հայտարարության մեջ ցույց տաք ճշգրիտ տեղադրությունը։ Դա կօգնի պատասխանել հարցերին, սահմանել ակնկալիքներ և հյուրերին ավելի մեծ վստահություն հաղորդել ամրագրելու համար։ 

Նախ համոզվեք, որ փողոցի հասցեն ամբողջական և ճիշտ է։ Հասցեն փոփոխել կարելի է միայն մինչև առաջին ամրագրումն ընդունելը։ Դրանից հետո փոփոխություններ կատարելու համար պետք է դիմեք Airbnb-ի աջակցման թիմին։ Հյուրերը չեն իմանա հասցեն, քանի դեռ ամրագրումը հաստատված չէ։

Դուք կարող եք ընտրել, թե Airbnb-ի որոնման արդյունքներում ձեր գտնվելու վայրն ինչպես ցուցադրվի քարտեզի վրա։

• Գտնվելու մոտավոր վայրը։ Ձեր տարածքի քարտեզը ցույց է տալիս գտնվելու վայրի շրջակայքը՝ հասցեից մոտավորապես կես մղոն (1 կիլոմետրից պակաս) շառավղով։ Սա կանխադրված կարգավորումն է։
• Ճշգրիտ վայրը։ Քարտեզի վրա նշիչը ցույց է տալիս մոտակա խաչմերուկը՝ առանց ճշգրիտ տեղը նշելու։ Կարող եք քարտեզը քաշել այնպես, որ նշիչը ճիշտ տեղում հայտնվի։

Ընտրեք այն տարբերակը, որը լավագույնս է համապատասխանում ձեր իրավիճակին։ Գտնվելու ճշգրիտ վայրը կարող է ձեր տարածքն ավելի գրավիչ դարձնել այն հյուրերի համար, որոնք, օրինակ, ցանկանում են իմանալ հեռավորությունը մինչև մոտակա ավտոբուսի կանգառը կամ լողափը։ Գտնվելու մոտավոր վայրը կարող է օգնել ձեզ վերահսկել գաղտնիությանը կամ անվտանգությանը վերաբերող հարցերը։

Կարող եք ուղղություններ և այլ մանրամասներ ավելացնել Հայտարարությունների ներդիրում։ Այդ տեղեկությունները և քարտեզը կօգնեն հեշտացնել ժամանումը։

• Ժամանման ուղեցույց։ Տրամադրեք ուղղություններ և խորհուրդներ մեքենայով կամ հասարակական տրանսպորտով ճանապարհորդող հյուրերի համար։ Ներառեք կայանման տարբերակներ։ Ժամանման ուղեցույցն ավտոմատ կտրամադրվի հյուրերին, երբ ամրագրումը հաստատվի։
• Թաղամասի նկարագրություն։ Կիսվեք թաղամասի առանձնահատկություններով, օրինակ՝ արդյոք այն մարդաշատ է, թե խաղաղ, կամ ունի մայթեր՝ եզրաքարերի թեքահարթակներով կամ առանց դրանց։
• Տրանսպորտ։ Տեղեկացրեք հյուրերին տեղական տրանսպորտի և կայանատեղիի տարբերակների մասին։

Մանրամասները երբեք ավելորդ չեն, երբ խոսքը վերաբերում է ուղղություններին։ Քենիայի Նայրոբի քաղաքում սուպերտանտեր Ջուլիետը հյուրերին տրամադրում է իր տարածքի GPS կոորդինատները, ինչպես նաև նշում է դարպասի գույնը և դրա վրա գրվածը։

Ուղղորդումը հեշտացնելու այլ հնարքներ են շքամուտքին տան համարները մեծ տառերով գրելը և մերձատար ճանապարհի երկայնքով ավելի լավ լուսավորություն տեղադրելը։

Հնդկաստանի Նյու Դելի քաղաքում Հյուրընկալողների խորհրդի անդամ Քեշավը ավելի ստեղծագործական մոտեցում է ցուցաբերում, որպեսզի հյուրերին օգնի գտնել իրենց ճանապարհը։ «Մեր հողածեփ տները դժվար է գտնել»,– ասում է նա։ «Մենք սկսեցինք մտածել, թե ինչպես կարող ենք ցուցանակ տեղադրել գլխավոր փողոցում»։

Այս հոդվածում պարունակվող տեղեկությունները կարող են փոխված լինել հրապարակումից հետո։