Արդիացումներ, որոնք կօգնեն կառավարել և զարգացնել ձեր բիզնեսը

Այժմ, առավել քան երբևէ, ավելի հեշտ է մնալ մրցունակ, գներ սահմանել ավելի խելամտորեն և արդյունավետորեն հաղորդակցվել Airbnb-ի հյուրընկալման գործիքների ամենավերջին արդիացված տարբերակների միջոցով։ Նաև ներկայացնում ենք գործառույթներ, որոնք հյուրերին կօգնեն գտնել հայտարարություններ, որոնք այլապես կարող էին բաց թողնել, և թույլ կտան ամրագրել 0 ԱՄՆ դոլարով՝ առանց լրացուցիչ ծախսերի։* Այս արդիացումները կտեսնեք ձեր հավելվածում՝ այս պահից սկսած, իսկ մյուսները հասանելի կլինեն հաջորդ տարվա սկզբին։

Այս գործիքներն օգնում են առավելագույնի հասցնել եկամուտը և խուսափել վերջին պահին չեղարկումներից։ 

Չեղարկման դինամիկ կանոններ. սահմանեք չեղարկման տարբեր կանոններ կոնկրետ ամսաթվերի համար, օրինակ՝ տոն օրերի կամ ոչ պիկ սեզոնների։ Կարող եք հյուրերին գրավելու համար ավելի ճկուն կանոններ առաջարկել ցածր պահանջարկ ունեցող ամիսներին, բայց պիկ սեզոնի ընթացքում պահել ձեր ստանդարտ գնային քաղաքականությունը։**

Բարելավված գնանշման խորհուրդներ. ստացեք գնանշման խորհուրդներ ամսաթվերի համար նախապես մինչև մեկ տարի առաջ և ընդամենը մեկ հպումով ընդունեք բոլոր խորհուրդները։ Գնանշման խորհուրդներում հաշվի են առնվում ձեր տան հատկանիշները, այդ թվում՝ տեղադրությունը, հարմարությունները և նախկին ամրագրումները, ինչպես նաև ձեր տարածաշրջանում այլ տների ամենավերջին գները։**

Ուղևորության գնի նախադիտում. մեկ կամ մի քանի գիշերվա համար մեկ գիշերվա գինը փոփոխելիս տեսեք հյուրերի վճարելիք գումարը և ձեր մոտավոր եկամուտը։

Շփվեք հյուրերի հետ՝ ուղարկելով նոր տեսահաղորդագրություններ և հյուրընկալողների խորհուրդներ։

Տեսահաղորդագրություններ․ հյուրերին օգնեք պատկերացնել ձեր տարածքը՝ տեսանյութեր ուղարկելով հաղորդագրությունների միջոցով։ Կարող եք հյուրերի ժամանումից առաջ ուղարկել սեփականության տարածքում շրջայցի տեսանյութ կամ ձեր ողջույնի հաղորդագրության մեջ ավելացնել մանղալի օգտագործման ձեռնարկ։ 

Հյուրընկալողների խորհուրդներ․ հեշտությամբ ուղարկեք թվային բացիկ՝ ձեր ուղեցույցը, Airbnb փորձառությունը կամ սերվիսն ընդամենը մի քանի հպումով ներկայացնելով անմիջապես ձեր հաղորդագրություններում։ Կարող եք ավելացնել նաև փորձառության կամ սերվիսի հղում, և ձեր հյուրերը կտեսնեն առաջարկությունը ներկայացնող քարտ։

Հաջորդ տարվանից սկսած՝ ձեր եկամուտների վահանակում կտեսնեք հեշտ ընթեռնելի գրաֆիկներ, որոնք կօգնեն ավելի լավ հասկանալ հայտարարության վիճակագրությունը։

Եկամուտների թարմացված վահանակ․ դիտեք եկամուտների միտումները տարեկան համեմատությամբ և սեզոնային վիճակագրությունը համեմատեք բոլորովին նոր ներդիրում։ Օրինակ՝ տեսեք, թե ինչպես են անցյալ տարվա նոյեմբեր ամսվա ձեր եկամուտները համեմատվում այս տարվա նոյեմբեր ամսվա ակնկալվող եկամուտների հետ։***

Օրացույցի երկու արդիացման միջոցով կկարողանաք վերահսկել ձեր ժամանակացույցը։

Նշումներ արգելափակված գիշերների վերաբերյալ. այժմ կարող եք հիշեցումներ ավելացնել արգելափակված գիշերների համար և հետագայում հեշտությամբ տեսնել, թե ինչու եք արգելափակել այդ ժամանակահատվածը։ 

Արժույթի կրճատ ցուցադրում. մեկ գիշերվա՝ երկար գրությամբ գները կրճատ տեսքով կգրվեն ձեր օրացույցում։ Օրինակ՝ 35 103,42 կոլումբիական պեսոն կցուցադրվի 35,1 հզր տեսքով։ 

Հյուրերն այժմ կարող են օգտվել վճարման ավելի շատ եղանակներից և որոնել ավելի խելացիորեն։

Ամրագրեք հիմա, վճարեք ավելի ուշ. հյուրերը հնարավորություն ունեն ամրագրելու պահանջներին համապատասխանող տուն և ամրագրման պահին վճարելու 0 ԱՄՆ դոլար։ Սա չի ազդի ձեր վերջնավճարի ժամանակացույցի վրա։ Շնորհիվ հյուրերի համար ավելի ճկուն տարբերակների՝ հյուրընկալողները կարող են ունենալ ավելի շատ ամրագրումներ։ Հյուրերի ավելի քան 60%-ը նախընտրել է պահանջներին համապատասխանող ամրագրումների համար վճարելիս օգտագործել վճարման այս տարբերակը։****

Ավելի խելամիտ որոնում. տուն որոնելիս հյուրերը, իրենց որոնման չափանիշներին համապատասխանողներից բացի, տեսնում են տների նաև այլ տարբերակներ։ Օրինակ՝ կցուցադրենք նմանատիպ գներով կամ տարբեր հարմարություններով տներ կամ ավելի էժան տներ մոտակա քաղաքներում՝ այդպիսով օգնելով հյուրերին գտնել հիանալի տարբերակներ, որոնք այլապես կարող էին բաց թողնել։

Բարելավված քարտեզներ. քարտեզներն այժմ հյուրերին հնարավորություն են տալիս դիտելու մոտակայքում գտնվող տեսարժան վայրերը, հետաքրքիր վայրերը, ռեստորանները և այլն։ Հյուրերը կարող են հպել կարևոր տեսարժան վայրերին և տեսնել դրանց վերաբերյալ ամփոփ տեղեկություններն ու հեռավորությունն այն տնից, որը դիտում են կամ արդեն ամրագրել են։ Այս տարվա երկրորդ կեսից սկսած՝ հյուրերը կկարողանան ըստ իրենց նախասիրության ընտրել քարտեզի տարբեր դիտակերպեր, այդ թվում՝ արբանյակային, փողոցային և տրանսպորտային։

*«Ամրագրեք հիմա, վճարեք ավելի ուշ» տարբերակը հասանելի է ԱՄՆ-ում գտնվող հյուրերին և այսօրվանից հասանելի կդառնա որոշակի հյուրերի ամբողջ աշխարհում, իսկ ավելի լայն շրջանակների համար հասանելիությունն ակնկալվում է հաջորդ տարվա սկզբին։ Բրազիլական ռեալով (BRL), հնդկական ռուփիով (INR) կամ թուրքական լիրայով (TRY) վճարված ամրագրումները չեն համապատասխանում պահանջներին։

**Չեղարկման դինամիկ կանոնները և բարելավված գնանշման խորհուրդները սահմանափակ թվով հյուրընկալողների համար հասանելի կդառնան նոյեմբերին, իսկ ավելի լայն շրջանակների համար հասանելիությունն ակնկալվում է 2026 թվականի սկզբին։

***Նոր «Վիճակագրություն» ներդիրը հյուրընկալողների համար հասանելի կլինի 2026 թվականի սկզբին։

****Հաշվարկը հիմնված է Airbnb-ի՝ 2025 թ․ ապրիլ-հունիս ամիսների ներքին տվյալների վրա, որոնք ստացվել են տարվա առաջին կիսամյակում ԱՄՆ-ում անցկացված «Ամրագրեք հիմա, վճարեք ավելի ուշ» տարբերակի փորձարկումներից։ 

Գները ցուցադրված են ԱՄՆ դոլարով։ Գտնվելու վայրից կախված՝ օգտատիրոջ փորձառությունը կարող է տարբեր լինել։

Այս հոդվածում պարունակվող տեղեկությունները կարող են փոխված լինել հրապարակումից հետո։