Հյուրընկալման նոր գործիքներ, որոնք կօգնեն զարգացնել ձեր բիզնեսը
Մենք վերափոխել ենք հավելվածը՝ ներառելով այն ամենը, ինչ անհրաժեշտ է ձեր տունը կառավարելու համար։ Այժմ ավելի հեշտ է հետևել ամրագրումներին և թարմացնել ազատ ամսաթվերն ու գները։
Բոլոր գործիքները կգտնեք այս 5 ներդիրներում, երբ մուտք գործեք որպես հյուրընկալող։
Այսօր
Բացելով հավելվածը՝ կտեսնեք նոր՝ «Այսօր» ներդիրը։ Կարող եք մեկ հայացքով դիտել ամրագրման մանրամասները, որոնք կօգնեն պլանավորել ձեր օրը և ապահովել բացառիկ հյուրընկալություն։
- Անցում կատարեք ընթացիկ ամրագրումների դիտումից առաջիկային և հակառակը, որպեսզի իմանաք, թե ում և երբ եք հյուրընկալում։
- Ամրագրումների ժամանակ նշումներ ավելացրեք, օրինակ՝ հիշեցումներ հատուկ առիթների կամ խնդրանքների մասին։
- Խորհուրդներ ստացեք, թե ինչ անել յուրաքանչյուր ամրագրման համար, օրինակ՝ հարցնել հյուրերին, թե ինչպես են գործերը, կամ կարծիք կարդալ։
Օրացույց
Վերափոխված օրացույցը հեշտացնում է ազատ ամսաթվերի և գնանշման ստուգումը և փոփոխումը։
- Հասանելի դարձրեք ավելի շատ ամսաթվեր, որպեսզի հյուրերն ամրագրեն, և արգելափակեք այն գիշերները, երբ չեք կարող հյուրընկալել։
- Ազատ ամսաթվերի և գնանշման կարգավորումները, օրինակ՝ գիշերների նվազագույն քանակն ու զեղչերը, ճշգրտեք անմիջապես ձեր օրացույցում։
- Դիտեք մեկ գիշերվա գնանշման նոր՝ անհատականացված խորհուրդները՝ հիմնված տարածքի տեղադրության և հարմարությունների, նախորդ ամրագրումների և ձեր տարածաշրջանում վերջին գների վրա։
Հայտարարություններ
«Հայտարարություններ» ներդիրն առաջարկում է ձեր հայտարարության մանրամասները կառավարելու ավելի շատ միջոցներ։ Օգտագործեք այս գործիքները, որպեսզի հյուրերն առավելագույնս ճշգրիտ և ամբողջական պատկերացում կազմեն ձեր տարածքի մասին։
- Թարմացրեք հայտարարությունը՝ ավելացնելով ժամանման մանրամասն ուղեցույց և բարձրորակ լուսանկարներ՝ ուշադրություն գրավելու համար։
- Ավելի շատ ամրագրումներ ստանալու համար ավելացրեք ձեր առաջարկած բոլոր, այդ թվում՝ հատուկ հարմարությունները։
- Դիտեք ձեր հայտարարությունը և տեսեք, թե ինչպես է այն երևում հյուրերին։
Հաղորդագրություններ
«Հաղորդագրություններ» ներդիրն օգնում է կապ հաստատել հյուրերի հետ նրանց այցից առաջ, այցի ընթացքում և այցից հետո։
- Օգտագործեք արագ պատասխանների նոր խմբագրիչը, որպեսզի անհատականացնեք հաճախ տրվող հարցերի պատասխանները և պլանավորեք կարևոր պահերին ուղարկվող հաղորդագրությունները։
- Ներկայանալու և կարևոր մանրամասներ ընդգծելու համար լուսանկարներ ավելացրեք։
- Ամրագրման հայտերն ավելի ակնառու են ցուցադրվում։ Դրանցում ներառված են ուղևորության ամսաթվերը և հյուրերի թիվը։
Ընտրացանկ
Ընտրացանկը ձեզ համար հասանելի է դարձնում եկամուտները, գաղափարները և այլ կարգավորումներ։ Դուք կստանաք անհատականացված խորհուրդներ և ավելի շատ ռեսուրսներ, որոնք կօգնեն զարգացնել ձեր հյուրընկալման բիզնեսը։
- Դիտեք ձեր եկամուտները և ստեղծեք անհատականացված հաշվետվություններ եկամուտների վահանակում։
- Ուսումնասիրեք հյուրերի գնահատականներն ու կարծիքները «Գաղափարներ» բաժնում։
- Կառավարեք ձեր հաշվի կարգավորումները և գտեք հյուրընկալման ռեսուրսներ։
Հյուրընկալման նոր գործիքներն օգտագործելու համար հիմա ստացեք վաղ հասանելիություն։
Այս հոդվածում պարունակվող տեղեկությունները կարող են փոխված լինել հրապարակումից հետո։