Նորացրեք ձեր հայտարարությունը

Հինգ աստղանի հյուրընկալումը սկսվում է հայտարարության էջում հստակ ակնկալիքներ սահմանելուց։ Հյուրերն ուզում են, որ տարածքը լինի գերազանց վիճակում և համապատասխանի լուսանկարներում պատկերվածին։ Նրանք նաև ուզում են հեշտությամբ գտնել և օգտագործեն նշված բոլոր հարմարությունները։

Երբ տրամադրեք ավելի շատ մանրամասներ, հազիվ թե հյուրերը կասկածներ ունենան կամ սխալ կարծիք կազմեն ձեր տարածքի մասին։ Հայտարարությունների ներդիրում կգտնեք տարածքի մասին մանրամասները թարմացնելու համար անհրաժեշտ գործիքները։

Օգնեք հյուրերին պատկերացում կազմել ձեր տան դասավորության մասին՝ օգտագործելով ֆոտոշրջայցը, որը տարածքի լուսանկարներն ավտոմատ տեսակավորում է ըստ սենյակների։

Սկսեք՝ ներառելով յուրաքանչյուր սենյակի և համօգտագործվող տարածքի արդիական պատկերներ։

• Օգտագործեք բարձրորակ լուսանկարներ։ Լուսանկարեք հորիզոնական դիրքով՝ լավ լուսավորության պայմաններում։ Վերբեռնեք ամենամեծ չափի ֆայլ՝ առնվազն 1024 x 683 պիքսել լուծաչափով։ Մտածեք պրոֆեսիոնալ լուսանկարիչ վարձելու մասին։
• Վերբեռնեք յուրաքանչյուր սենյակի մի քանի նկար։ Առաջարկեք լայնանկյուն, միջին և խոշոր պլաններով լուսանկարների ամբողջություն։ Մեծացրեք օգտակար մանրամասները, օրինակ՝ հեռախոսի ունիվերսալ լիցքավորիչը կողասեղանի վրա կամ սուրճ և թեյ պատրաստելու սարքերը խոհանոցում։
• Ընդգծեք առանձնահատկություններն ու հարմարությունները։ Տրամադրեք քնելու հարմարությունների, բացօթյա տարածքների և տնային կենդանիների, երեխաներ ունեցող ընտանիքների կամ հեռավար աշխատողների համար նախատեսված հատուկ հարմարությունների լուսանկարներ։
• Ներառեք հարմարություններ հատուկ կարիքներով անձանց համար։ Ցույց տվեք, թե ինչպես կարող եք ձեր տարածքում ընդունել սահմանափակ շարժունակությամբ մարդկանց։ Անպայման կարդացեք Airbnb-ի՝ հատուկ հարմարություններ լուսանկարելու վերաբերյալ ուղեցույցը։

Այնուհետև կատարեք այս քայլերը՝ շրջայցն ավելացնելու համար։

1. Ընտրեք Ստեղծել ֆոտոշրջայց։ Airbnb-ի հատուկ ԱԲ ալգորիթմն ակնթարթորեն խմբավորում է հայտարարության լուսանկարները ըստ 19 տեսակի սենյակների և տարածքների։ Լուսանկարները, որոնք այն չի ճանաչում, ընդգրկվում են Լրացուցիչ լուսանկարներ բաժնում։

2. Վերանայեք ֆոտոշրջայցը։ Անպայման ներառեք ձեր տան յուրաքանչյուր սենյակի առնվազն մեկ լուսանկար։ Կարող եք տեղափոխել, ավելացնել կամ ջնջել լուսանկարներ։

3. Ավելացրեք բոլոր լուսանկարների հստակ նկարագրություններ, որոնք բացատրում են, թե ինչ է առաջարկվում յուրաքանչյուր սենյակում կամ տարածքում։ 

4. Ձեր հայտարարությունում լուսանկարների ցուցադրումը նախադիտելու համար գնացեք Ձեր տարածքը և հպեք Դիտել կոճակը։

«Շատ մարդիկ նախընտրում են տեսողական նյութեր և կարող են ավելի շատ ժամանակ ծախսել լուսանկարների վրա, քան՝ տարածքի նկարագրության»,- ասում է Նյու Մեքսիկո նահանգի Սանտա Ֆե քաղաքում գործող սուպերտանտեր Սադին։

Հյուրերն ուզում են, որ Airbnb-ում առաջարկվող տները համապատասխանեն տարածքների նկարագրություններին։ Հայտարարությունների բարձրորակ էջերում ճշգրտորեն նկարագրվում է, թե հյուրերն ինչ կարող են ակնկալել իրենց այցի ընթացքում տեսնել, լսել և զգալ տարածքում։

1. Համոզվեք, որ ձեր Հայտարարության վերնագիրը ներկայացնում է ուրույն մանրամասներ ձեր տան և շրջակայքի մասին։ Օրինակ՝ «Խաղաղ ստուդիա Ուֆֆիցիի մոտակայքում» արտահայտությունը մի քանի բառով հաղորդում է այն միտքը, որ տարածքը բնակարան է Իտալիայի Ֆլորենցիա քաղաքի կենտրոնում։

2. Տարածքի նկարագրություն բաժնում ներկայացրեք հյուրերին, թե ինչ եք առաջարկում ձեր տարածքում։ Տրամադրեք օգտակար տեղեկություններ տարածքի տեղադրության, ձևավորման կամ ձեր հյուրընկալության մասին։ Օրինակ՝ կարող եք բացատրել, որ տախտակամածից երևում է կիրճը մայրամուտին, կամ որ ձեր տունը գտնվում է սրճարանի վերևում, որը գործում է առավոտյան ժամը 6:00-ից մինչև երեկոյան 22:00-ն։

3. Ձեր սեփականությունը բաժնում ներկայացրեք սենյակների և տարածքների ընդհանուր նկարագրությունը։ Այս մասն օգտագործեք գործնական նշանակություն ունեցող այն մանրամասներն ընդգծելու համար, որոնց մասին կարող են հարցնել հյուրերը։ Օրինակ՝ կարող եք հայտնել, որ բակը ցանկապատված է, կա երեխաների և տնային կենդանիների համար նախատեսված մեծ տարածք։ 

4. Տեղադրության մասին տվյալների տրամադրում բաժնում կարող եք նաև նշել ձեր սեփականության ստույգ տեղը, որպեսզի հյուրերին օգնեք պատկերացնել շրջակա տարածքը։ Այլապես, նրանք մինչ ամրագրումը կտեսնեն միայն գտնվելու մոտավոր վայրը։

Հստակ, անկեղծ նկարագրությունները, որպես կանոն, լավագույն տարբերակն են։ Ձեր առաջարկի գերագնահատումը կամ չափազանցումը կարող է հանգեցնել հիասթափության և բացասական կարծիքների։

Հայտարարությունների խմբագրիչն է՛լ ավելի է հեշտացնում հարմարությունների ավելացումը։

1. Հարմարություններ բաժնում հպեք պլյուս նշանին (+)։ Կարող եք դիտել մոտ 150 հարմարություն՝ ըստ կատեգորիաների կամ այբբենական կարգով, կամ որոնել ըստ անվան։

2. Ընտրեք տանն առկա հարմարության կողքի պլյուս նշանը։

3. Հպեք Դիտել կոճակը, որպեսզի տեսնեք, թե ձեր հայտարարության էջը փոփոխություններից հետո ինչպիսին կերևա հյուրերի աչքին։

Կարևոր է ավելացնել բոլոր հարմարությունները և ամեն ինչ պահել սարքին վիճակում։ Հյուրերը կարող են զտել իրենց որոնումներն ըստ առավել պահանջված առանձնահատկությունների և հարմարությունների, այն է՝ օդորակիչ, անվճար կայանատեղի, լվացքի մեքենա կամ չորանոց և այլն։

Այս հոդվածում պարունակվող տեղեկությունները կարող են փոխված լինել հրապարակումից հետո։