Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Հատուկ կարիքներով անձանց համար հարմարություններ լուսանկարելու ուղեցույց

Հայտարարության գերազանց լուսանկարներն օգնում են ձևավորել հատուկ կարիքներ ունեցող հյուրերի ակնկալիքները։
Հեղինակ՝ Airbnb, ամսաթիվ՝ 22 սեպ, 2020 թ.
4 րոպե տևողությամբ տեսանյութ
Թարմացվել է՝ 8 մրտ, 2024 թ.

Առանձնահատկություններ

Հատուկ կարիքներ ունեցող հյուրերը ցանկանում են իմանալ, թե ինչ ակնկալեն ձեր տարածքը մտնելիս։ Ձեր հայտարարության «Հարմարություններ հատուկ կարիքներով անձանց համար» բաժնում բեռնելով նախամուտքից մինչև ինտերիերի լուսանկարներ՝ կօգնեք հյուրերին որոշել՝ արդյոք կարող են անվտանգ կերպով և հարմարավետորեն տեղաշարժվել ձեր տարածքում։

Որպես հյուրընկալող՝ դուք եք պատասխանատու ձեր տարածքի նկարագրության և լուսանկարների արդիականության ու հավաստիության ապահովման համար։ Ու թեև հնարավոր չէ կանխատեսել բոլոր հյուրերի կարիքները, պարզ և հստակ լուսանկարների օգնությամբ հյուրերը կորոշեն՝ արդյոք տարածքը հարմար է իրենց։

Airbnb-ն ստուգում է հատուկ կարիքներով անձանց համար նախատեսված հարմարությունները՝ նախքան դրանք ձեր հայտարարության մեջ ավելացնելը։ Եթե որևէ պատկեր հստակորեն ցույց չի տալիս հարմարությունը, ինչպես պահանջում են մեր ուղեցույցները, մենք կարող ենք խնդրել ձեզ վերբեռնել նորը կամ հեռացնել հարմարությունը ձեր հայտարարությունից։

Եթե ուզում եք թարմացնել ձեր հայտարարությունը, նկատի ունեցեք հետևյալը.

  • Կարող եք նշել, որ միայն որոշ սենյակներում կան հարմարություններ հատուկ կարիքներով անձանց համար։ Օրինակ՝ միայն մեկ լոգասենյակ ունի առանց աստիճանների մուտք։
  • Պրոֆեսիոնալ լուսանկարներ տրամադրելու կարիք չկա․ կարող եք պարզապես լուսանկարել հեռախոսով։ Այս լուսանկարները կցուցադրվեն ձեր հայտարարության էջի «Հարմարություններ հատուկ կարիքներով անձանց համար» բաժնում, որն առանձնացված է հայտարարության պատկերասրահից։ Անհրաժեշտ է ներառել հատուկ կարիքներով անձանց համար ամեն մի ընտրված հարմարության առնվազն մեկ լուսանկար։
  • Օգտագործեք չափիչ ժապավեն՝ հյուրերին ցույց տալու համար, որ ունեք լայն դռներ (սա լուսանկարների նկատմամբ կիրառվող մեր չափանիշներից է), որոնցով կարող են անցնել անվասայլակներ կամ տեղաշարժման համար նախատեսված այլ սարքեր։
  • Վերբեռնելով յուրաքանչյուր հարմարության՝ տարբեր անկյուններից և ռակուրսներից նկարահանված մի քանի լուսանկարներ՝ հյուրերին կօգնեք կողմնորոշվել։ Օրինակ, եթե ցույց եք տալիս առանց աստիճանների մուտք, լուսանկարեք շեմի երկու կողմից, որպեսզի հյուրը կարողանա տեսնել դեպի տարածքը տանող ամբողջ անցուղին։

Ինչպես ցույց տալ, որ մուտքի անցուղին առանց աստիճանների է

Կարո՞ղ են հյուրերը ձեր շքամուտքին հասնել մայթից կամ մոտակա կայանատեղիից՝ առանց աստիճանների կամ սանդուղքի հանդիպելու։ Ի՞նչ մակերևույթներ պետք է հաղթահարեն՝ այնտեղ հասնելու համար։ Հստակորեն լուսանկարեք այն անցուղին, որը տանում է դրսից դեպի ձեր տարածքի մուտքը։

Ինչպես լուսանկարել մուտքը.
1. Կանգնեք շենքի մուտքից դուրս առնվազն 20 ֆուտ (6 մետր) հեռավորության վրա գտնվող մայթին կամ մոտակա կայանատեղիում, որպեսզի հնարավորինս շատ ցույց տաք անցուղին, և տեսախցիկը մի փոքր թեքեք դեպի ներքև՝ ճանապարհի մակերևույթը ցույց տալու համար։ Եթե ձեր տարածքը գտնվում է բազմաբնակարան շենքում կամ հյուրանոցում, պարտադիր ներառեք շենքի մուտքից դեպի նախասրահ և ձեր հարկաբաժնի մուտքը տանող անցուղին։ Անհրաժեշտության դեպքում կարևոր է նաև տրամադրել բոլոր վերելակների և թեքահարթակների լուսանկարներ։

      2. Ցույց տվեք անցուղու վերջում գտնվող շենքի մուտքը։

      Ինչպես ցույց տալ ձեր տարածքում առանց աստիճանների մուտքերը

      Ցույց տվեք ձեր հյուրերին, որ նրանք կարող են անցնել շքամուտքով, մտնել ննջասենյակ, լոգասենյակ, ցնցուղարան և ընդհանուր տարածքներ և ստիպված չեն լինի բարձրանալ սանդուղքով, աստիճաններով, եզրաքարերի կամ բարձր շեմերի վրայով (5 սանտիմետրը գերազանցող)։

      Ինչպես լուսանկարել նախամուտքերը.
      1. Բացեք այն մուտքի դուռը, որը ցանկանում եք ցուցադրել, և տեսախցիկը մի փոքր թեքեք դեպի հատակը, որպեսզի պարզ նկարեք շեմի երկու կողմերում գտնվող հարթ ճանապարհը։

          2. Մուտքից հետ գնացեք առնվազն 5 ֆուտ (1,5 մետր), որպեսզի ցույց տաք դռնանցքի երկու կողմը, և, եթե տարածքը մի քանի մուտք ունի, անպայման լուսանկարեք բոլոր մուտքերը։

          3. Եթե դուք նշում եք, որ որևէ սենյակ (ննջասենյակ, լոգասենյակ, հյուրասենյակ և այլն) ունի հարթ մուտք, դուք հաստատում եք, որ սենյակը կամ ստորին հարկում է, կամ հասանելի է վերելակով կամ թեքահարթակի միջոցով։ Ներառեք մեկից ավելի լուսանկարներ, որոնք ցույց են տալիս մուտքի դռնից դեպի այդ սենյակ ընկած անցուղին։

            4. Եթե ունեք հարթ հատակով ցնցուղարան, բացեք ցնցուղարանի վարագույրը կամ դռները և տեսախցիկը մի քիչ թեքեք դեպի մուտքի հատակը՝ ցույց տալու համար, որ մոտավորապես 2,5 սանտիմետրը գերազանցող աստիճաններ կամ եզրաշուրթեր չկան։

            Խորհուրդ. ձեր սմարթֆոնով հիանալի լուսանկարներ ստանալու ավելի շատ եղանակներ ներկայացված են մեր լուսանկարչության ձեռնարկում։

            Ինչպես լուսանկարել լայն մուտքերը

            Տեղաշարժման համար նախատեսված սարքեր, օրինակ՝ անվասայլակներ, օգտագործող հյուրերի համար կարևոր է իմանալ դռնանցքերի լայնությունը, որպեսզի որոշեն՝ արդյոք կկարողանան տեղաշարժվել ձեր տարածքում։ Airbnb-ում ընդունված է լայն համարել այն մուտքը, որի բացվածքը առնվազն 81 սանտիմետր է։

            Բացեք դուռը և չափիչ ժապավենով ցույց տվեք դռան շրջանակի լայնությունը։ Դուք կարող եք երկու լուսանկար անել. մեկը ցույց տա ամբողջ չափիչ ժապավենը, իսկ երկրորդը ավելի մոտիկից լինի, որպեսզի հյուրը կարողանա կարդալ չափումները։

              Ինչպես ցուցադրել հատուկ կարիքներով անձանց համար այլ հարմարությունները

              Կան շատ այլ հարմարություններ, որոնք կարող են հյուրերին օգնել հարմարավետորեն մուտք գործել և տեղաշարժվել ձեր տարածքում։ Եթե ունեք այդպիսի որևէ հարմարություն, անպայման լուսանկարեք այն և ավելացրեք ձեր հայտարարության մեջ, որպեսզի հյուրերն իմանան, թե ինչ ակնկալել։

              1. Հնարավորինս շատ ցույց տվեք յուրաքանչյուր հարմարություն ձեր լուսանկարներում։

              2. Փորձեք ներառել նաև շրջակա տարածքը, որպեսզի հյուրը կարողանա պատկերացնել հարմարության տեղադրությունը կամ մեծությունը։ Օրինակ՝ ցնցուղի աթոռակ ցուցադրելիս անպայման ցույց տվեք, որ այն գտնվում է ցնցուղարանում։

                Հատուկ կարիքներով անձանց համար յուրաքանչյուր հարմարության օրինակներ

                Ցնցուղարանի կամ զուգարանի ամրացված բռնաձողեր. պատին հեղույսներով հուսալիորեն ամրացված բռնաձողեր, որոնք կարող են կրել մարդկանց քաշի ծանրությունը և նախատեսված են հավասարակշռություն պահելու համար։ Դրանք չեն կարող լինել սրբիչի կախիչներ, սրբիչի չորացուցիչներ կամ ցնցուղարանի դռան մաս։

                Ցնցուղի կամ լոգարանի աթոռակ․ սովորաբար, նստարան կամ առանձին նստատեղ, որը նախատեսված է սահմանափակ շարժունակություն ունեցող մարդկանց լոգանքի համար։ Դա կարող է լինել նաև պատի մեջ ներկառուցված նստատեղ, բայց չի կարող լինել լոգանքի համար չնախատեսված կահույք (օրինակ՝ պատիոյի կահույք կամ պլաստմասսայե ծալովի աթոռներ, որոնք կարող են սահել թաց մակերևույթի վրա)։

                Առաստաղի կամ շարժական ամբարձիչ. առաստաղին կամ հատակադիր սարքին ամրացվող ամբարձիչ, որը մարդկանց օգնում է նստել անվասայլակ և դուրս գալ անվասայլակից։

                Հատուկ կարիքներով անձանց համար հարմարություններ ունեցող կայանատեղ. հանրային կայանատեղ, որը նախատեսված է հաշմանդամություն ունեցող անձանց համար, կամ մեկ մեքենայի համար առնվազն 3,5 մետր տեղ ունեցող մասնավոր ավտոկայանատեղի ձեր տարածքում։ Լուսանկարում ցույց տվեք հանրային կայանատեղը՝ կայանման հատուկ ցուցանակով, կամ մասնավոր ավտոկայանատեղին՝ հյուրերի համար նախատեսված կայանատեղի մոտ կայանված մեքենայով։ Լայնությունը ցույց տալու համար կարող եք լուսանկարելիս օգտագործել նաև չափիչ ժապավեն։

                Լողավազանի ամբարձիչ. այս սարքը մարդուն բարձրացնում և իջեցնում է լողավազանի կամ ջակուզիի մեջ կամ հանում է այնտեղից։

                Լավ լուսավորված ուղի դեպի մուտք. մերձատար ճանապարհից կամ արահետից մինչև ձեր տարածքի մուտքը տանող արտաքին ուղի, որը լուսավորված է փողոցային լամպերով, լանդշաֆտային լույսերով կամ արհեստական լույսի այլ աղբյուրներով։ Փորձեք ճանապարհը լուսանկարել գիշերը կամ վաղ առավոտյան, որպեսզի հյուրերը տեսնեն լուսավորության տեղադրությունն ու պայծառությունը։

                Կարող եք նաև մտածել հատուկ կարիքներ ունեցող հյուրերին աջակցելու այլ միջոցներ։ Հստակ շփման, ձեր տարածքում և հայտարարության մեջ մի քանի փոփոխությունների միջոցով կարող եք բազմաթիվ հյուրերի համար ստեղծել աշխարհը նորովի բացահայտելու հնարավորություններ։

                Ջեյքը՝ սահմանափակ շարժունակությամբ մի հյուր, ամփոփում է գեղեցիկ ձևակերպմամբ. «Նախապես ճշգրիտ տեղեկատվություն ունենալու դեպքում հաշմանդամը կարող է դառնալ իսկական հետազոտող»։

                *Ըստ Airbnb-ի՝ 2019 թվականի հունվարից մինչև մայիս հավաքված տվյալների

                Առանձնահատկություններ

                Airbnb
                22 սեպ, 2020 թ.
                Հոդվածն օգտակա՞ր էր։