Անցեք առաջ՝ առաջարկվող արդյունքներին ծանոթանալու համար
    Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

    Հատուկ կարիքներ ունեցող հյուրեր ընդունելու վերաբերյալ խորհուրդներ

    Ընդունեք ավելի շատ հյուրերի՝ ցուցադրելով ձեր սեփականության հարմարությունները հատուկ կարիքներով անձանց համար։
    Հեղինակ՝ Airbnb, ամսաթիվ՝ 7 ապր, 2021 թ.
    5 րոպե տևողությամբ տեսանյութ
    Թարմացվել է՝ 14 հնս, 2022 թ.

    Առանձնահատկություններ

    • Հյուրերը հաճախ են որոնում հարմարություններ հատուկ կարիքներով անձանց համար, օրինակ՝ առանց աստիճանների մուտքեր

    • Հատուկ կարիքներով անձանց համար հարմարություններ ավելացնելու շնորհիվ՝ ձեր հայտարարությունը կարող է երևալ Airbnb-ում արվող որոնումների ավելի շատ արդյունքներում

    • Իմացեք, թե ինչ հարմարություններ կարող են ձեր տարածքը հասանելի դարձնել սահմանափակ շարժունակությամբ հյուրերի համար

    Airbnb-ի շատ հյուրեր, այդ թվում՝ տարեցների հետ ճանապարհորդող ընտանիքներ, մանկասայլակներով երեխաներ և սահմանափակ շարժունակությամբ այլ սիրելի անձինք, ունեն ուրույն հատուկ կարիքներ։

    Քանի որ շատ հյուրեր որոնումները հատկապես զտում են ըստ հասանելի միջավայրի տարրերի, տարածքի հնարավորությունների ցուցադրումը կարող է նպաստել, որպեսզի ձեր հայտարարությունը հայտնվի որոնման ավելի շատ արդյունքներում, ինչը կարող է մեծացնել ամրագրման հավանականությունը։

    Ահա որոշ ցուցումներ, թե ինչպես ստեղծել գրավիչ տարածք, որը կարող են վստահորեն ամրագրել ամենատարբեր կարիքներ ունեցող հյուրեր։

    Հայտարարության մեջ ավելացրեք հարմարություններ հատուկ կարիքներով անձանց համար

    Ձեր հայտարարության մեջ հատուկ կարիքներով անձանց համար հետևյալ հարմարությունների ցուցադրումը կօգնի գրավել հյուրերի ուշադրությունը՝

    • առանց աստիճանների ուղի դեպի հյուրերի շքամուտք
    • հյուրերի հարթ շքամուտք
    • առանց աստիճանների մուտքեր դեպի սենյակներ
    • հատուկ կարիքներով անձանց համար հարմարություններ ունեցող կայանատեղ
    • դեպի տարածք տանող հարթ տեղանք (առանց կտրուկ թեքությունների)
    • դեպի տարածքի մուտք տանող անցուղիների լուսավորություն
    • լայն մուտքեր՝ ներս մտնելու և սենյակներ մուտք գործելու համար
    • հարթ հատակով ցնցուղարան
    • զուգարանի և (կամ) ցնցուղարանի բռնաձողեր
    • ցնցուղարանի կամ լոգարանի աթոռ
    • առաստաղի կամ շարժական ամբարձիչներ
    • լողավազանի ամբարձիչ

    Ինչպես հայտարարության մեջ ավելացնել հարմարություններ հատուկ կարիքներով անձանց համար

    Օգտագործեք լուսանկարներ՝ ձեր տարածքի հասանելիությունն ընդգծելու համար

    «Որպես ճանապարհորդությունների մեծ սիրահար, որը տառապում է ողնաշարի մկանային ատրոֆիայով, ես գիտեմ պատկերների կարևորությունը՝ գնահատելու համար, թե տունը որքանով հարմար կլինի ինձ»,- ասում է Սրին Մադիպալին՝ Airbnb-ի խորհրդատուն հատուկ կարիքներով անձանց համար հարմարությունների հարցերով։

    Որպեսզի վստահ լինենք, որ հատուկ կարիքներով անձանց համար հարմարություններ ունեցող տարածքներն իսկապես կծառայեն իրենց նպատակին, մենք հյուրընկալողներից պահանջում ենք յուրաքանչյուր հարմարության լուսանկարները ներկայացնել մեր հաստատմանը։ Կարող եք նշել, որ միայն որոշ սենյակներում կան հարմարություններ հատուկ կարիքներով անձանց համար։ Օրինակ՝ միայն մեկ լոգասենյակ ունի ամրացված բռնաձողեր։ Airbnb-ի՝ հատուկ կարիքներով անձանց համար հարմարությունների վերաբերյալ կանոններին ծանոթանալու համար այցելեք Օգնության կենտրոն։

    Բարեբախտաբար, հատուկ կարիքներով անձանց համար նախատեսված ձեր հարմարությունները ցուցադրելու համար պրոֆեսիոնալ լուսանկարչի ծառայություններին դիմելու կարիք չկա։ Սմարթֆոնով կարող եք արագ լուսանկարել հարթ հատակով ցնցուղարան, թեքահարթակներ և այլն։ Տարբեր անկյուններից արված լուսանկարները հյուրերին կօգնեն հասկանալ՝ արդյոք ձեր տարածքը համապատասխանում է իրենց կարիքներին։ Օրինակ, եթե ունեք հատուկ կարիքներով անձանց համար հարմարություններով ավտոկայանատեղի, գուցե ցանկանաք ստանալ այնպիսի լուսանկարներ, որոնցում հստակորեն երևում է դրա դիրքը տարածքի մնացած մասի նկատմամբ։

    Airbnb-ն ստուգում է հատուկ կարիքներով անձանց համար բոլոր հարմարությունների համապատասխանությունը լուսանկարչական ուղեցույցներին՝ նախքան հարմարությունները ձեր հայտարարության մեջ ավելացնելը։ Եթե լուսանկարը հստակորեն ցույց չի տալիս հարմարությունը, ինչպես պահանջում են մեր ուղեցույցները, մենք կարող ենք խնդրել ձեզ վերբեռնել նոր լուսանկար կամ հեռացնել հարմարությունը ձեր հայտարարությունից։

    Ահա օգտակար ուղեցույց, թե ինչպես լուսանկարել հարմարություններ հատուկ կարիքներով անձանց համար։

    Հյուրերի հետ շփվեք ազնվորեն և անկեղծորեն

    Պոտենցիալ հյուրերին ամրագրումից առաջ մի քանի հարց տալով՝ միասին կկարողանաք որոշել՝ արդյոք ձեր տարածքը հարմար է նրանց։

    Զրույց սկսելու օգտակար օրինակներ․ «Տարածքի վերաբերյալ կոնկրետ հարցեր ունե՞ք» և «Ինչպե՞ս կարող եմ ավելի հարմարավետ դարձնել ձեր այցը»։

    Մի քանի ընկերական հարցեր կարող են հյուրերի մոտ հարմարավետության զգացում և վստահություն առաջացնել ձեր տարածքն ամրագրելու որոշում կայացնելիս։

    Խելամտորեն պատրաստեք ձեր տարածքը

    Նախքան հատուկ կարիքներ ունեցող հյուրի ժամանումը մտածեք, թե էլ ինչ կարող եք անել ձեր տարածքում տեղաշարժվելը հեշտացնելու համար։ Ահա որոշ գաղափարներ՝

    • տեղափոխեք կահույքը, օրինակ՝ աթոռները, սեղանները և անթիկունք բազմոցները, որպեսզի տեղաշարժման համար ավելի ընդարձակ տարածքներ ստեղծեք բնակելի մակերեսներում
    • ապահովեք վարդակների հասանելիությունը
    • կենցաղային իրերը՝ սրբիչներ, սպասք և այլն, դրեք հեշտ հասանելի տեղերում

    Ինչպես ավելի հասանելի դարձնել տարածքը

    Ստեղծեք անկանխակալ և գրավիչ ուղեցույց

    Ուղեցույցը ձեր հնարավորությունն է՝ հյուրերին տալու խորհուրդներ, որոնք ներկայացնում են ձեր հյուրընկալությունը և քաղաքը։ Ռեստորանների, տեսարժան վայրերի և բացօթյա միջոցառումների վերաբերյալ առաջարկություններ ավելացնելիս փորձեք մտածել հատուկ կարիքներ ունեցող ճանապարհորդի պես։

    Օրինակ՝ պարզեք, թե որ ռեստորաններն ունեն թեքահարթակներ, նշեք սալարկված հետիոտնային արահետները և այն թանգարանները, որոնք բավականաչափ կայանատեղեր ունեն մուտքի մոտ։

    Հյուրընկալման գործում այս խորհուրդները կիրառելով՝ դուք կարող եք ձեր տարածքը գրավիչ դարձնել ավելի մեծ լսարանի համար և ստեղծել մի աշխարհ, որտեղ բոլորը կարող են իրենց զգալ ինչպես տանը։

    Այս հոդվածում պարունակվող տեղեկությունները կարող են փոխված լինել հրապարակումից հետո։

    Առանձնահատկություններ

    • Հյուրերը հաճախ են որոնում հարմարություններ հատուկ կարիքներով անձանց համար, օրինակ՝ առանց աստիճանների մուտքեր

    • Հատուկ կարիքներով անձանց համար հարմարություններ ավելացնելու շնորհիվ՝ ձեր հայտարարությունը կարող է երևալ Airbnb-ում արվող որոնումների ավելի շատ արդյունքներում

    • Իմացեք, թե ինչ հարմարություններ կարող են ձեր տարածքը հասանելի դարձնել սահմանափակ շարժունակությամբ հյուրերի համար

    Airbnb
    7 ապր, 2021 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ