Արագ պատասխանեք հյուրերին

Հստակ և ժամանակին շփումը կարևոր է 5 աստղանի հյուրընկալման համար։ Հյուրերն ասում են, որ օգտակար ցուցումներ և արագ պատասխաններ ստանալը շատ կարևոր է։ Ձգտեք տրամադրել հյուրերին անհրաժեշտ տեղեկություններն այն ժամանակ, երբ նրանք ունեն դրանց կարիքը։

Մարդիկ հազար ու մի մտածմունք ունեն ճանապարհորդելիս։ Փորձեք օգտակար տեղեկություններ տրամադրել՝ առանց հյուրերին ծանրաբեռնելու ավելորդ տեղեկություններով։

• Պլանավորեք արագ պատասխաններ։ Արագ պատասխանները կարճ, նախապես գրված հաղորդագրություններ են, որոնք կարող եք կարգավորել, որպեսզի կարևոր պահերին ավտոմատ կերպով մանրամասներ ուղարկեք հյուրերին։ Օրինակ՝ շատ հյուրընկալողներ ժամանումից մեկ օր առաջ պլանավորված ողջույնի հաղորդագրության մեջ նշում են, թե ինչպես կարելի է հասնել իրենց տարածք։

• Գրեք տան մանրակրկիտ ուղեցույց։ Ներառեք հստակ տեղեկություններ, թե որտեղ կարելի է գտնել կարևոր իրերը, և քայլ առ քայլ ցուցումներ սարքերի և սարքավորումների վերաբերյալ։

• Օգտակար տեղեկություններ թողեք մեկից ավելի տեղերում։ Կարող եք օգտագործման ցուցումները թողնել թերմոստատի, բացօթյա գրիլի մոտակայքում և ձեր տան ուղեցույցում։ Հյուրերը պետք է կարողանան գտնել անհրաժեշտ մանրամասները՝ առանց դրանք որոնելու։

Հյուրերն արագ պատասխան են ակնկալում ձեզնից՝ հատկապես ժամանման օրը կամ այցի ընթացքում խնդիրների առաջացման դեպքում։ Ոչ հրատապ հարցերի դեպքում խելամիտ է պատասխանել 12 ժամվա ընթացքում, թեև ավելի լավ է պատասխանել հնարավորինս շուտ։ Հրատապ հարցերի համար, օրինակ՝ եթե բացակայում է ներս մտնելու բանալին, պետք է պատասխանեք մեկ ժամվա ընթացքում։

• Կարգավորեք ծանուցումները։ Օգտագործեք Airbnb հավելվածը՝ հյուրերի հաղորդագրություններին հետևելու համար։ Միացրեք ծանուցումները հավելվածում ու ձեր սարքի կարգավորումներում, սարքը պահեք ձեռքի տակ՝ ձայնը միացված վիճակում, և այցերի ընթացքում պարբերաբար ստուգեք հաղորդագրությունները։

• Ունեցեք պահեստային պլան։ Օգնություն կազմակերպեք, երբ հասանելի չեք։ Գտեք համահյուրընկալողի կամ այլ աջակցող անձի և հյուրերի հետ կիսվեք տվյալ անձի կոնտակտային տվյալներով։

• Օգտագործեք արագ պատասխաններ։ Դրանք թույլ են տալիս ավելի արագ պատասխանել որոշ հարցերի՝ պատասխանները նախապես գրելով։ Կարող եք փոփոխել Airbnb-ի ձևանմուշները կամ ստեղծել սեփականը։ Օրինակ՝ կարող եք ստեղծել արագ պատասխան, որը կթվարկի մոտակայքում գտնվող ձեր նախընտրած ռեստորանները, որպեսզի ուղարկեք այն, երբ հյուրերը նման խորհուրդ հարցնեն։

Փորձեք ամեն իրավիճակի նայել հյուրի տեսանկյունից, հատկապես այն պահերին, երբ ոչ ամեն ինչ է ընթանում նախատեսվածի պես։ «Լավ շփումն օգնում է հյուրերին զգալ, որ իրենց մասին հոգ են տանում, ինչը և հյուրընկալման հիմքն է»,– ասում է Նյու Մեքսիկո նահանգի Սանտա Ֆե քաղաքում գործող սուպերտանտեր Սադին։

• Պահպանեք հանգստությունը։ Անսպասելի խնդիրները կարող են մարտահրավեր դառնալ յուրաքանչյուրի համար։ Կենտրոնացեք առկա խնդիրը լուծելու վրա։
• Թափանցիկ եղեք։ Տեղեկացրեք հյուրերին, որ ստացել եք նրանց հայտը և աշխատում եք այդ ուղղությամբ։ Բացատրեք, թե երբ եք ակնկալում լուծում գտնել, և ինչպես եք նրանց տեղյակ պահելու։
• Պատասխանեք ապրումակցմամբ։ Ձեզ պատկերացրեք հյուրի տեղում։ Նույնիսկ փոքր բաները կարող են մեծ նշանակություն ունենալ, երբ մարդը հեռու է իր տնից։

Այս հոդվածում պարունակվող տեղեկությունները կարող են փոխված լինել հրապարակումից հետո։