Հայտարարության վերաակտիվացում
Երբեմն հայտարարությունները պետք է ապաակտիվացվեն՝ սպասարկման խնդիրների, վերանորոգման, կասեցման կամ այլ պատճառով։ Դուք կարող եք հեշտությամբ վերաակտիվացնել հայտարարությունը։
Հայտարարության վերաակտիվացման նախապատրաստում
Ստուգեք ձեր հայտարարությունը՝ համոզվելու, որ այն ճշգրիտ է։ Եթե հայտարարությունն ապաակտիվացվել է որակի հետ կապված խնդրի պատճառով, վերաակտիվացնելուց առաջ կատարեք համապատասխան շտկումները։
Եվս մեկ անգամ ստուգեք այս գործոնները։
- Գներ․ ձեր մեկ գիշերվա գինը համեմատեք մոտակայքում գտնվող նմանատիպ տարածքների միջին գների հետ՝ ընթացիկ շուկայական գներին համապատասխանեցնելու համար։
- Ազատ ամսաթվեր․ ձեր օրացույցը պահեք թարմացված՝ ամրագրումների չեղարկումից խուսափելու համար։
- Լուսանկարներ․ արեք նոր և բարձր որակի լուսանկարներ, որոնք արտացոլում են ձեր տարածքի ընթացիկ կարգավիճակը։
- Հարմարություններ․ նշեք նոր հարմարություններն ու ավելացրեք հյուրերի կողմից պահանջված հարմարություններ։
- Հայտարարության վերնագիր. օգտագործեք կարճ, հեշտ ընթերցվող վերնագիր, որպեսզի ձեր տարածքն աչքի ընկնի որոնման արդյունքներում։
- Տարածքի նկարագրություն․ սահմանեք հստակ, պարզ և ճշգրիտ մանրամասներով ակնկալիքներ։
- Ժամանում և մեկնում. համոզվեք, որ ձեր ժամանման և մեկնման վերաբերյալ ցուցումները ճիշտ են։
- Պահանջներ մեկնումից առաջ․ ստուգեք հիմնական առաջադրանքները, որոնք հյուրերը պետք է կատարեն մեկնելուց առաջ, օրինակ՝ անջատել լույսերը կամ կողպել դուռը։
Հայտարարության վերաակտիվացում
Հայտարարության վերաակտիվացման գործընթացը պարզ է։ Կատարեք հետևյալ քայլերը՝
- Գնացեք Հայտարարություններ և ընտրեք անհրաժեշտ հայտարարությունը, որն ուզում եք վերաակտիվացնել։
- Հիմնական տեղեկություններ տարածքի մասին բաժնում բացեք Հայտարարության կարգավիճակը։
- Փոխեք Հայտարարության կարգավիճակը և դարձրեք Հրապարակված է։
- Սեղմեք կամ հպեք Պահել։
Կարգավիճակը Հրապարակված է դարձնելուց հետո ձեր հայտարարությունը 24 ժամվա ընթացքում կցուցադրվի հյուրերին, սակայն դա կարող է տևել մինչև 72 ժամ։
Եթե օգտագործում եք API-ով միացված ծրագրակազմ, դուք կարող եք օգտագործել այս գործառույթները ձեր ծրագրակազմում, եթե ձեր մատակարարը համակցել է դրանք։ Հակառակ դեպքում կապվեք ձեր մատակարարի հետ և պարզեք, թե երբ են դրանք հասանելի լինելու։
Այս հոդվածում պարունակվող տեղեկությունները կարող են փոխված լինել հրապարակումից հետո։