Գների կառավարում
Ըստ մեր տվյալների՝ գները առնվազն չորս անգամ թարմացրած հյուրընկալողների տարածքներում 30%-ով ավելի շատ գիշերներ են ամրագրվել, քան չթարմացրածների տարածքներում։*
Մեկից ավելի հայտարարություններ ունեցող որոշ հյուրընկալողներ նշում են, որ հաճախակի չեն թարմացնում իրենց գները, քանի որ դա ժամանակատար է։ Զեղչերը մեկ գիշերվա գինը որոշակի հանգամանքներում փոփոխելու պարզ միջոց են։ Կանոնների խմբերն օգնում են արդյունավետորեն հարմարեցնել գնանշման ռազմավարությունը։
Զեղչերի ընտրություն
Դիտարկեք յուրաքանչյուր զեղչի առավելությունները, որպեսզի որոշեք, թե որոնք են ճիշտ ձեր հայտարարությունների համար։
- Երկարաժամկետ ամրագրման զեղչ. նվազեցրեք ձեր գինը երկու օրից մինչև 12 շաբաթ տևողությամբ այցերի համար։ Սա կարող է երկարացնել ձեր տարածքների ամրագրման միջին տևողությունը, կրճատել հերթափոխումները և բարելավել ձեր հայտարարության դիրքը Airbnb-ի որոնման արդյունքներում։
- Վերջին պահի զեղչ․ որքան մոտենում է ժամանման ամսաթիվը, նվազեցրեք մեկ գիշերվա գինը։ Սա օգնում է լրացնել չամրագրված գիշերները և ավելացնել եկամուտը։
- Վաղ ամրագրման զեղչ. ավելացրեք զեղչ ժամանումից մեկից մինչև 24 ամիս առաջ կատարված ամրագրումների դեպքում և ստեղծեք ամրագրումների ամուր հիմք առաջիկա սեզոնների համար։
- Նոր հայտարարության ակցիա․ նոր հայտարարություններ տեղադրելու դեպքում առաջարկեք 20% չեղչ առաջին 3 ամրագրումների համար։ Այդպես ձեր տարածքներն ավելի արագ կամրագրվեն և կստանան կարծիքներ։
Հյուրերին զեղչերի ցուցադրումը կախված է զեղչի տոկոսից։
- 1% կամ ավելի․ հյուրերը ստանում են զեղչի մանրամասները ձեր հայտարարություններում (եթե նրանց մոտ ընդհանուր գինը միացված չէ) և վճարման ժամանակ։
- 10% կամ ավելի․ հյուրերը որոնման արդյունքներում տեսնում են ջնջված գինը, ինչպես նաև վերը նշված տվյալները։
- 20% կամ ավելի․ հյուրերը, որոնք վերջերս տարածքներ են փնտրել ձեր տարածաշրջանում, կարող են տեսնել ձեր հայտարարությունները Airbnb-ի էլեկտրոնային նամակներում, ինչպես նաև վերը նշված տվյալները։
2023 թվականի նոյեմբերի դրությամբ երկարաժամկետ ամրագրումների մոտ քառորդ մասը կազմել են երեք ամիս կամ ավելի երկար տևողությամբ ուղևորությունները։ Երկարաժամկետ այցերով հետաքրքրված հյուրերը սովորաբար որոնում են զեղչված գներով տարածքներ։
Գների և ազատ ամսաթվերի կանոնների խմբեր
Եթե չեք ցանկանում զեղչ ավելացնել բոլոր ազատ ամսաթվերին, ապա կանոնների խմբերը թույլ են տալիս կարգավորել ձեր մեկ գիշերվա գինը և օրացույցի կարգավորումները՝ կախված որոշակի գործոններից։ Կարող եք ձեր կանոնների խմբերը կիրառել մեկից ավելի հայտարարությունների կամ մեկ հայտարարության նկատմամբ։
Հիշեք նաև տարվա եղանակի մասին, երբ որոշեք, թե ինչպես օգտագործել կանոնների խմբերը։ Ենթադրենք՝ ձեր տարածաշրջանում պահանջարկը փոխվում է տարվա եղանակների հետ։ Կարող եք ստեղծել կանոնների խումբ, որը հարմարեցնում է ձեր կարգավորումներն այն ժամանակ, երբ ամրագրումները սովորաբար նվազում են։ Կարող եք ներառել վաղ ամրագրման և երկարաժամկետ ամրագրման զեղչեր, մեծացնել այցի առավելագույն տևողությունը և ավելացնել ամրագրում ժամանման օրը, որպեսզի հյուրերին խրախուսեք ամրագրել ձեր ազատ ամսաթվերին։
Զեղչերի հետ միասին ազատ ամսաթվերի այս կարգավորումները կարող եք փոփոխել կանոնների խմբում։
- Ուղևորության տևողության պահանջներ. սահմանեք այցի նվազագույն և առավելագույն տևողությունը, որը կարող եք հարմարեցնել ըստ օրերի։
- Ժամանման և մեկնման վերաբերյալ պահանջներ. ընտրեք հյուրերի ժամանման և մեկնման օրերը։
Կանոնների խմբերի կարգավորում
Կանոնների խմբերն օգտագործելու համար օգտվեքպրոֆեսիոնալ հյուրընկալման գործիքներից։ Եթե ունեք վեց կամ ավելի հայտարարություն, ապա գործիքներն ավտոմատ կերպով հասանելի են ձեզ։ Այս գործիքները հասանելի են միայն համակարգիչների համար։
Կանոնների խումբ ստեղծելու համար՝
- Բացեք ձեր միասնական օրացույցը։
- Ընտրեք ամսաթվերը, որոնց համար ցանկանում եք կանոնների խումբ կիրառել։
- Վահանակում ընտրեք կանոնները։
- Սեղմեք Ստեղծել նոր կանոնների խումբ։
- Անվանեք ձեր կանոնների խումբը (օրինակ՝ «Պիկ սեզոն»)։
- Այն կանոնի կողքին, որն ուզում եք ավելացնել, սեղմեք Հարմարեցնել։
- Նշեք գների և ազատ ամսաթվերի կանոնները։
- Սեղմեք Պահել։
- Որևէ կանոն հեռացնելու համար սեղմեք Չեղարկել։
Առկա կանոնների խումբ փոփոխելու համար՝
- Բացեք ձեր միասնական օրացույցը։
- Սեղմեք կանոնների խմբեր։
- Անցեք այն կանոնների խմբին, որը ցանկանում եք կարգավորել, հետո սեղմեք Փոփոխել։
Ձեր մեկ գիշերվա գնի կանոնների խմբերը կկիրառվեն նախքան զեղչերի կանոնների խմբերի կիրառումը։ Կանոնների խմբերը կկիրառվեն, նույնիսկ եթե Խելացի գնանշումը միացված է։
*Հաշվարկը հիմնված է Airbnb-ի՝ 2022 թվականի հուլիս ամսվա ակտիվ հայտարարությունների տվյալների վրա
Եթե օգտագործում եք API-ով միացված ծրագրակազմ, դուք կարող եք օգտագործել այս գործառույթները ձեր ծրագրակազմում, եթե ձեր մատակարարը համակցել է դրանք։ Հակառակ դեպքում կապվեք ձեր մատակարարի հետ և պարզեք, թե երբ են դրանք հասանելի լինելու։
Այս հոդվածում պարունակվող տեղեկությունները կարող են փոխված լինել հրապարակումից հետո։