Ինչու մեկ գիշերվա գինը կարող է տարբեր լինել
Առանձնահատկություններ
Մենք փորձարկում ենք գները Airbnb-ի որոնման արդյունքներում ցուցադրելու նոր եղանակներ
Նպատակն է պարզել՝ արդյոք այլ ձևաչափեր կարող են խթանել ամրագրումները
Փորձարկումը որևէ կերպ չի ազդում հյուրերի վճարման գումարների կամ հյուրընկալողի վերջնավճարների վրա
Սեպտեմբերի վերջից սկսած՝ մենք փորձարկելու ենք տարբեր եղանակներ՝ հայտարարության որոնման արդյունքներում ցուցադրելու տների գները՝ ներառյալ բոլոր վճարները։ Նպատակը՝ հյուրերի համար ստեղծել ամրագրման ավելի հեշտ, արագ և պարզ փորձառություն։ Ահա թե ինչ պետք է իմանաք գնանշման այս փորձարկման և այն մասին, թե ինչպես հայտնել կարծիք։
Ինչպե՞ս է աշխատում գնանշման այս փորձարկումը
Փորձարկման ժամանակ պատահական կարգով ընտրվում է, թե ինչպես գների մասին տեղեկությունները տարբեր ձևաչափերով ներկայացնել հյուրերին։ Ձևաչափերը որոնման արդյունքներում ցույց են տալիս մեկ գիշերվա գները կամ ուղևորության ընդհանուր արժեքը՝ ներառյալ մաքրման վճարները և Airbnb-ի սպասարկման վճարները։ Հարկերը որպես առանձին ծախսային հոդված են հայտնվում վճարման էջում։
Փորձարկումը վերաբերում է այն հյուրերին, որոնք փնտրում են տներ աշխարհի որոշակի վայրերում։ Փորձարկման ընթացքում տարբեր չափերի ազդերիզներ կարող են հայտնվել հայտարարություններում՝ հյուրերին ծանուցելով փոփոխության մասին։
Գնանշման այս փորձարկումն ազդո՞ւմ է իմ վերջնավճարի վրա
Ոչ։ Հյուրի վճարած գումարը և հյուրընկալողի վերջնավճարները որևէ կերպ ազդեցություն չեն կրի։
Դուք միշտ վերահսկում եք ձեր տարածքի համար սահմանած գինը։ Փորձարկման ընթացքում դուք առաջվա պես կարող եք ձեր տարածքի մանրամասների «Գնանշում և ազատ ամսաթվեր» բաժնում ճշգրտել մեկ գիշերվա գինը։
Ինչո՞ւ մեկ գիշերվա գները պետք է տարբեր լինեն
Մենք մեր ծառայությունն այնպես ենք նախատեսել, որ տարանջատվեն տարբեր վճարներ ու հարկեր, որպեսզի հյուրերը նախքան վճարելը լիովին հասկանան հնարավոր գանձումները։ Անցած տարվա ընթացքում մենք Airbnb-ում տեսանք ճանապարհորդությունների նշանակալի վերելք և, չնայած կարծում ենք, որ մեր ներկայիս ձևաչափը լավ է գործում, անընդհատ ձգտում ենք բարելավել բոլորի փորձառությունը։
Փորձարկելով հայտարարությունների գների ցուցադրման տարբեր եղանակներ՝ հույս ունենք պարզել, թե արդյոք նոր ձևաչափը կարող է խթանել հյուրընկալողի ամրագրումներն ու ավելի լավ ծառայել մեր համաշխարհային համայնքին։
Ի՞նչ կարող եմ անել այս փորձարկմանը աջակցելու համար
Անկախ այն բանից՝ ձեր տարածքը գտնվում է փորձարկման մեջ ներգրավված վայրում, թե ոչ, դուք միշտ կարող եք թարմացնել տարածքի նկարագրությունը, որպեսզի ներկայացնեք ձեր և տարածքի յուրահատկությունն ու ցուցադրեք առաջարկվող գին/որակ հարաբերակցությունը։
Մենք ողջունում ենք ձեր արձագանքն այն ամենի մասին, ինչ մենք անում ենք, այդ թվում՝ ինչպես են գները ցուցադրվում հայտարարության որոնման արդյունքներում։
Առանձնահատկություններ
Մենք փորձարկում ենք գները Airbnb-ի որոնման արդյունքներում ցուցադրելու նոր եղանակներ
Նպատակն է պարզել՝ արդյոք այլ ձևաչափեր կարող են խթանել ամրագրումները
Փորձարկումը որևէ կերպ չի ազդում հյուրերի վճարման գումարների կամ հյուրընկալողի վերջնավճարների վրա