Ինչպես սահմանել մաքրման վճար

Մենք հասկանում ենք, որ գնի սահմանումը հյուրընկալման ամենադժվար խնդիրներից է։ Մեկ գիշերվա գինը և ցանկացած լրացուցիչ վճար պետք է միաժամանակ ծածկեն ձեր հյուրընկալման ծախսերը և գնի ու որակի լավագույն հարաբերակցությունն առաջարկեն հյուրերին։

Տարածքի մաքրությունը գերակա առաջնահերթություն է հյուրերի համար։ Մաքրման վճարը կօգնի վճարել մաքրման պարագաների կամ պրոֆեսիոնալ մաքրման ծառայության համար։ 

Մաքրման վճար սահմանելիս նկատի ունեցեք, որ այն բարձրացնում է այցի ընդհանուր գինը։ Կարճաժամկետ այցերի դեպքում վճարը կազմում է ընդհանուր գնի ավելի մեծ տոկոս, քան երկարաժամկետ այցերի դեպքում։

Ավելի շատ ամրագրումներ ստանալու համար աշխատեք մրցունակ պահել ձեր ընդհանուր գինը։ Օրացույցում կարող եք օգտագործել գնանշման գործիքներ, որպեսզի տեսնեք ձեր տարածքի ընդհանուր արժեքը տարբեր ամսաթվերի և ուղևորությունների տեսակների համար։ Մաքրման բարձր վճարները կարող են հյուրերին հետ պահել ձեր տարածքի ամրագրումից։

Ահա մի քանի տարբերակ, որոնցից կարող եք ընտրել.

• Ավելացնել մաքրման մեկ ստանդարտ վճար բոլոր հյուրերի համար՝ անկախ նրանց այցի տևողությունից։
• Ավելացնել մաքրման ավելի ցածր վճար ընդամենը մեկ կամ երկու գիշեր տևողությամբ այցերի համար և պահպանել մաքրման ստանդարտ վճարը մնացած բոլոր այցերի համար։
• Մաքրման ծախսերն ամբողջությամբ կամ մասամբ ներառել մեկ գիշերվա գնի մեջ՝ մրցունակ մնալու համար։

Կարևոր է բացատրել, թե ինչն է մտնում մաքրման վճարի մեջ։ Հյուրերը մեզ ասել են, որ չեն ցանկանում կատարել անմիտ տնային գործեր, օրինակ՝ հանել անկողնային սպիտակեղենը, լվացք անել և փոշեկուլով մաքրել տարածքը։

Ողջամիտ է խնդրել հյուրերին մեկնելիս անել պարզ գործողություններ, օրինակ՝ անջատել լույսերը, սնունդը նետել աղբարկղը և փակել դռներն ու պատուհանները։

Եթե մտածում եք մաքրման վճար ավելացնելու մասին, ահա որոշ լավագույն գործելակերպեր.

• Վճարը համարեք ոչ թե լրացուցիչ գումար վաստակելու, այլ փաստացի մաքրման ծախսերը ծածկելու միջոց։
• Սահմանեք մեկ գիշերվա գնից ցածր վճար։
• Մտածեք՝ արդյոք կա մաքրման ծախսերը փոխհատուցելու այլ եղանակ, օրինակ՝ հարկերի նվազեցում։
• Փորձեք մաքրման պարագաներ գնել մեծ քանակությամբ, ինչը երկարաժամկետ կտրվածքով կնշանակի ավելի քիչ ծախս։
• Եթե նոր եք սկսել հյուրընկալել, միանգամից մի ավելացրեք մաքրման վճար․ նախ ստացեք մի քանի լավ կարծիք, որպեսզի ավելի գրավիչ դարձնեք ձեր տարածքը։

Հյուրընկալողների AirCover-ի շրջանակներում իրականացվող «Հյուրընկալողի պաշտպանություն գույքային վնասից» ծրագիրը կարող է փոխհատուցել մինչև 3 միլիոն ԱՄՆ դոլարի ծախսեր այն հազվագյուտ դեպքում, երբ հյուրն Airbnb այցի ընթացքում վնասում է ձեր տարածքը կամ իրերը։ Որոշ դեպքերում այն նաև վճարում է մաքրման լրացուցիչ ծառայությունների, այդ թվում՝ բծերի և ծխի հոտի հեռացման համար։ 

Դուք կարող եք փոխհատուցում պահանջել մեր Խնդիրների լուծման կենտրոնի միջոցով։

Հյուրընկալողների AirCover-ի Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տարածքներ կամ փորձառություններ են առաջարկում Ճապոնիայում, որտեղ գործում են Ճապոնիայում հյուրընկալողի ապահովագրությունը և Ճապոնիայում Փորձառությունների պաշտպանության ապահովագրությունը, կամ այն հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Այն հյուրընկալողների համար, որոնք տարածքներ կամ փորձառություններ են առաջարկել մայրցամաքային Չինաստանում, գործում է Չինաստանում հյուրընկալողների պաշտպանության պլանը։ Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով։

Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ Հյուրընկալողի պաշտպանությունը գույքային վնասից առնչություն չունի Հյուրընկալողի պատասխանատվության ապահովագրության հետ։ «Հյուրընկալողի պաշտպանություն գույքային վնասից» ծրագիրը փոխհատուցում է հյուրերի կողմից տանը և իրերին հասցված որոշ վնասներ, եթե հյուրը չի փոխհատուցում այդ վնասները։ 

Այն հյուրընկալողների համար, որոնց բնակության կամ գործունեության երկիրը Ավստրալիան չէ, hյուրընկալողի պաշտպանությունը գույքային վնասից կարգավորվում է դրույթներով, պայմաններով և սահմանափակումներով։ Այն հյուրընկալողների համար, որոնց բնակության կամ գործունեության երկիրը Ավստրալիան է, hյուրընկալողի պաշտպանությունը գույքային վնասից կարգավորվում է այս դրույթներով, պայմաններով և սահմանափակումներով։

Այս հոդվածում պարունակվող տեղեկությունները կարող են փոխված լինել հրապարակումից հետո։