Սահմանեք գնանշման ռազմավարություն

Գնի պարբերաբար վերանայումը կօգնի մնալ մրցունակ։ Գնանշման ռազմավարությունը մշակելիս հաշվի առեք հետևյալ խորհուրդները։

Որոշեք՝ որքան հաճախ եք ուզում ստուգել և վերանայել գինը։ Ահա մի քանի բան, որ պետք է անեք ձեզ հարմար ժամանակացույցով։

• Բացեք ավելի շատ գիշերներ։ Օրացույցում արգելահանեք հյուրընկալման համար հասանելի բոլոր գիշերները։ Այդ դեպքում ձեր հայտարարությունը կհայտնվի որոնման ավելի շատ արդյունքներում, և եկամուտը կմեծանա։
• Անհատականացրեք ուղևորության տևողությունները։ Փնտրեք օրացույցում բացեր ամրագրումների միջև։ Եթե բացերն ուղևորության նվազագույն տևողությունից ավելի կարճ են, հնարավոր չի լինի ամրագրել այդ գիշերները։ Որոշակի ամսաթվերի համար այցի ավելի կարճ նվազագույն տևողություն սահմանելով՝ կկարողանաք լրացնել ձեր օրացույցը։
• Համեմատեք նմանատիպ տարածքները։ Ձեր տարածաշրջանում ամրագրված և չամրագրված տների գները ստուգելով՝ կկարողանաք սահմանել մրցունակ գին։

«Ես սիրում եմ նայել նմանատիպ հայտարարություններ, որպեսզի կարողանամ համեմատել իմ գները, համոզվել, որ դրանք շատ բարձր կամ ցածր չեն, և պարզապես գտնել իդեալական «ոսկե միջինը»»,- ասում է Կարենը՝ սուպերտանտեր Կանադայի Նելսոն քաղաքում։

Կարող եք նաև ցանկացած պահի միացնել Խելացի գնանշումը՝ ձեր գինը տեղական պահանջարկի հիման վրա ավտոմատ ճշգրտելու համար։ Այս գործիքը հատկապես օգտակար է, եթե ցանկանում եք օպտիմալացնել գինը՝ առանց այն մշտապես վերահսկելու անհրաժեշտության։

Նույնիսկ ամենասիրված տարածքները կարող են ունենալ հանգիստ ժամանակահատվածներ՝ ավելի քիչ ամրագրումներով։ Ահա մի քանի եղանակ, որոնք կօգնեն առանձնացնել ձեր հայտարարությունը՝ պատրաստվելով ցածր պահանջարկով ժամանակահատվածների։

• Առաջարկեք զեղչեր։ Նվազագույնը մեկ շաբաթ կամ մեկ ամիս տևողությամբ այցերի համար զեղչերը կօգնեն լրացնել օրացույցը և կրճատել այցերի միջև ընկած ժամանակահատվածը։ Վերջին պահի զեղչ ավելացնելը կարող է գրավիչ լինել ժամանումից 1-ից 28 օր առաջ ամրագրող հյուրերի համար։
• Կրճատեք նախնական ծանուցման ժամանակը։ Հյուրերին թույլատրեք ամրագրել ժամանմանը մոտ, ինչը կօգնի ստանալ ավելի շատ ամրագրումներ։ Ընտրեք ամրագրումից մինչև ժամանում ընկած ժամանակահատված՝ ընդհուպ մինչև նույն օրը՝ նայած, թե որքան ժամանակ է անհրաժեշտ ամրագրման հաստատման և հյուրի ժամանման միջև։
• Թույլատրեք կարճաժամկետ այցեր։ Այցի նվազագույն տևողությունը կրճատելով՝ կկարողանաք գրավել կարճաժամկետ այցեր ամրագրող հյուրերի։ Դուք ունեք ուղևորության նվազագույն տևողությունն ըստ շաբաթվա օրերի հարմարեցնելու հնարավորություն։

«Ես որոշակիորեն տեսնում եմ ավելի շատ դեպքեր, երբ այցերի տևողությունն ավելի կարճ է լինում»,- ասում է Ջիմին՝ սուպերտանտեր Կալիֆոռնիայի Փալմ Սփրինգս քաղաքում։ «Դրանք վերջին պահին ամրագրված այցեր են, որոնք մարդիկ ոչ միշտ են նախապես պլանավորում․ պարզապես մտածում են, որ կարելի է երկու օր լավ հանգստանալ։ Ճկունությունը գրավիչ է»։

Airbnb-ի մի քանի գործիքներ կօգնեն առավելագույնս շահել բարձր պահանջարկի պայմաններում։ Ահա մի քանի մարտավարական հնարքներ, որոնք կարելի է հաշվի առնել։

• Ավելացրեք վաղ ամրագրման զեղչ։ Ժամանումից 1-ից 24 ամիս առաջ կատարված ամրագրումների համար վաղ ամրագրման զեղչ առաջարկելով՝ կկարողանաք գրավել նախօրոք պլանավորող հյուրերի։ 3% կամ ավելի մեծ զեղչերի դեպքում հյուրերը որոնման արդյունքներում և ձեր հայտարարության էջում կտեսնեն հատուկ նշան։ Զեղչված գինը հայտնվում է սկզբնականի կողքին, որը վրագծված է։
• Ստեղծեք անհատականացված հատուկ առաջարկ։ Ակցիաներ առաջարկելը որոշակի ժամանակահատվածներում ավելի շատ ամրագրումներ ստանալու հիանալի միջոց է։ Երբ առաջարկում եք 15% կամ ավելի մեծ զեղչեր, հյուրերը ձեր հայտարարության էջում և որոնման արդյունքներում տեսնում են հատուկ նշան։ Ակցիա իրականացնելու համար կան որոշակի պահանջներ, օրինակ՝ ունենալ առնվազն մեկ ամրագրում նախորդ տարվա ընթացքում։
• Մեծացրեք ազատ ամսաթվերի պատուհանը։ Հնարավոր է օրացույցն ամրագրումների համար բաց պահել մինչև երկու տարվա կտրվածքով։ Ձեր հայտարարությունը կհայտնվի որոնման ավելի շատ արդյունքներում, և արդյունքների ցանկն էլ ավելի կարճ կլինի, եթե տվյալ ժամանակահատվածի համար լինեն ավելի քիչ թվով ազատ տարածքներ։

«Երբեմն ես մարդկանց թույլատրում եմ ամրագրել իրենց ամառային արձակուրդներից մեկ տարի կամ Սուրբ Ծննդյան տոներից վեց ամիս առաջ»,- ասում է Էննը՝ սուպերտանտեր Իսպանիայի Տառագոնա քաղաքում։ «Նախօրոք ամրագրելու հակված մարդիկ, որպես կանոն, չեն չեղարկում։ Դա նույնպես կարևոր է, քանի որ այդ դեպքում կիմանաք, թե ինչ սպասումներ ունենալ»։

Դուք եք միշտ վերահսկում գնանշումը և մյուս կարգավորումները։ Արդյունքները կարող են տարբեր լինել։

Հյուրընկալողները վճարվել են հարցազրույցներին մասնակցելու համար։

Այս հոդվածում պարունակվող տեղեկությունները կարող են փոխված լինել հրապարակումից հետո։