Ինչպես հասկանալ գներն Airbnb-ում

Airbnb-ում կան 3 տեսակի գներ՝ հիմնական, հանգստյան օրերի և հատուկ։ Դրանք միասին կնպաստեն, որպեսզի ձեր հայտարարությունն աչքի ընկնի ամբողջ տարվա ընթացքում, և դուք վաստակեք ձեր նպատակային եկամուտը։

Airbnb-ն առաջարկում է գնանշման անհատականացված խորհուրդներ բոլոր 3 տեսակի գների համար։ Դրանք հիմնվում են մի շարք գործոնների վրա՝ ներառյալ գտնվելու վայրը, հարմարությունները, ձեր նախորդ ամրագրումները և տվյալ տարածքի վերջին գները։

Հիմնական գինը ձեր օրացույցի բոլոր գիշերների կանխադրված գինն է։ Դուք նախ այս գինն ընտրում եք Airbnb Start-ում և ցանկացած պահի կարող եք այն փոխել ձեր գնի կարգավորումներում։

Մուտքագրված թվի տակ հայտնվում է հիմնական գնի վերաբերյալ խորհուրդ՝ առաջարկվող գնի հետ միասին։ Եթե ցանկանում եք սահմանել այլ գին, փորձեք հավասարակշռել ձեր ծախսերը այն գումարի հետ, որը հյուրերը պատրաստ են վճարելու։ Ահա մի քանի բան, որ պետք է հաշվի առնել։

• Ձեր հյուրընկալման ծախսերը։ Հաշվի առեք այնպիսի ծախսեր, ինչպիսիք են հիպոտեկը, կոմունալ վճարները, տեխնիկական սպասարկման ծախսերը և հարկերը։
• Առաջարկվող գին/որակ հարաբերակցությունը։ Դիտարկեք ձեր տարածքն առանձնացնելու եղանակները՝ ընդգծելով պահանջարկ ունեցող հարմարությունները, հատուկ հարմարությունները և մոտակա տեսարժան վայրերը։
• Նմանատիպ տարածքներ։ Օգտվեք գնանշման այս գործիքից՝ ձեր տարածաշրջանի քարտեզի վրա ամրագրված և չամրագրված տների միջին գինը համեմատելու համար։ Նմանատիպ հայտարարություններ չեն ցուցադրվի, եթե օգտագործում եք Խելացի գնանշում։
• Ընդհանուր գինը, որը վճարում են հյուրերը։ Ցանկացած ավելացվող վճար, օրինակ՝ մաքրման վճարը, ազդում է ընդհանուր գնի վրա։

Ավելի ցածր հիմնական գնից սկսելը կօգնի գրավել ձեր առաջին հյուրերին և ստանալ կարծիքներ, ինչի շնորհիվ կկարողանաք վաստակել ձեր նպատակային եկամուտները։

Դուք կարող եք հավելավճար ավելացնել հանգստյան օրերի (ուրբաթ և շաբաթ գիշերների) համար։ Գինն ըստ գիշերվա փոփոխելը կօգնի առավելագույնի հասցնել ամրագրումները։

Հանգստյան օրերի համար գնանշման խորհուրդը հայտնվում է մուտքագրված թվի տակ և ներկայացնում է հիմնական գնի տոկոսային աճ։ Եթե հանգստյան օրերի համար գին չեք սահմանում, հիմնական գինը կիրառվում է շաբաթվա յուրաքանչյուր օրվա նկատմամբ։

Դուք կարող եք սահմանել հատուկ գին ցանկացած գիշերվա համար։ Սա գերակա է ձեր հիմնական կամ հանգստյան օրերի գնի նկատմամբ՝ ձեր ընտրած գիշերների համար։

Օրացույցի յուրաքանչյուր օրվա համար մեկ գիշերվա գնանշման խորհուրդները հայտնվում են ձեր հատուկ գնից ներքև, որպեսզի կարողանաք գին սահմանել տարբեր օրերի, տարվա եղանակների և հատուկ իրադարձությունների համար։

Եթե չեք տեսնում գնանշման խորհուրդները, դա կարող է պայմանավորված լինել հետևյալ պատճառներով՝

• Խելացի գնանշումը միացված է
• Գինը առաջարկվող միջակայքում է
• Զեղչեր կամ ակցիաներ արդեն կիրառվել են այդ գիշերների համար
• Գնանշման խորհուրդներ ստեղծելու համար բավարար տվյալներ չկան

Եթե ուզում եք ավտոմատ ճշգրտել գինը, միացրեք Խելացի գնանշումը։

Դուք եք միշտ վերահսկում գնանշումը և մյուս կարգավորումները։ Հնարավոր է՝ դրանք տարբերվեն մյուս հյուրընկալողների գներից և կարգավորումներից։

Այս հոդվածում պարունակվող տեղեկությունները կարող են փոխված լինել հրապարակումից հետո։