Զեղչերի և կանոնների խմբերի համադրում
Մի քանի գործոններ են որոշում մեկ գիշերվա գնի հաշվարկման կարգը, երբ առաջարկում եք մի քանի զեղչ, միավորում եք զեղչերն ու կանոնների խմբերը կամ առաջարկում եք անհատականացված ակցիա։
Ինչպես է սահմանվում զեղչերի առաջնահերթությունը
Եթե նույն ժամանակահատվածի համար սահմանեք մի քանի զեղչ, մեկ գիշերվա համար կկիրառվի միայն մեկը։ Միշտ կգործի ամենաբարձր առաջնահերթությամբ զեղչը, որը կգերակայի մյուսների նկատմամբ։
Զեղչերին առաջնահերթություն է տրվել հետևյալ կարգով.
- Հատուկ առաջարկ նոր հայտարարության համար
- Անհատականացված հատուկ առաջարկ
- Երկարաժամկետ ամրագրման զեղչ
- Վաղ ամրագրման զեղչ
- Վերջին պահի զեղչ
Օրինակ՝
- Ըստ հուլիս ամսվա համար անհատականացված հատուկ առաջարկի՝ 20% զեղչվում է մեկ գիշերվա 120 ԱՄՆ դոլար գնից։
- Ամսական երկարաժամկետ ամրագրման զեղչն առաջարկում է մեկ գիշերվա 120 ԱՄՆ դոլար գնից 30% զեղչ։
- Ամբողջ հուլիս ամիսն ամրագրող հյուրը կստանա ձեր անհատականացված հատուկ առաջարկը կամ 20% զեղչ, քանի որ հատուկ առաջարկն ավելի առաջնահերթ է, քան ամսական երկարաժամկետ ամրագրման զեղչը։
- Ձեր հյուրը մեկ գիշերվա համար վճարում է 96 ԱՄՆ դոլար։
Զեղչերի և կանոնների խմբերի համադրում
Միշտ առաջինը կիրառվում է կանոնների խումբ։ Ցանկացած լրացուցիչ զեղչ հաշվարկվում է ձեր կանոնների խմբի սահմանած գնի հիման վրա։
Օրինակ՝
- Ըստ ձեր կանոնների խմբի՝ հուլիսին մեկ գիշերվա գինը 100 ԱՄՆ դոլար է՝ 120 ԱՄՆ դոլարի փոխարեն։
- Ձեր անհատականացված հատուկ առաջարկը տալիս է 20% զեղչ։
- Հյուրը կստանա 20% զեղչ 100 ԱՄՆ դոլար մեկ գիշերվա համար, քանի որ ձեր կանոնների խումբը գործում է անհատականացված հատուկ առաջարկից առաջ։
- Ձեր հյուրը մեկ գիշերվա համար վճարում է 80 ԱՄՆ դոլար։
Ինչպես ավելացնել առանց գումարի վերադարձի զեղչ
Առանց գումարի վերադարձի 10% զեղչը կիրառվում է մեկ գիշերվա գնի նկատմամբ՝ մնացած բոլոր զեղչերը հաշվարկելուց հետո։
Օրինակ՝
- Ըստ ձեր կանոնների խմբի՝ հուլիսին մեկ գիշերվա գինը 100 ԱՄՆ դոլար է՝ 120 ԱՄՆ դոլարի փոխարեն։
- Անհատականացված հատուկ առաջարկը նախատեսում է 20% զեղչ կանոնների խմբի սահմանած գնից կամ 80 ԱՄՆ դոլար մեկ գիշերվա համար։
- Ձեր հյուրը որոշում է ընդունել առանց գումարի վերադարձի տարբերակը և ստանում է 10% զեղչ ձեր զեղչված 80 ԱՄՆ դոլար գնից։
- Ձեր հյուրը մեկ գիշերվա համար վճարում է 72 ԱՄՆ դոլար։
Ինչպես են հաշվարկվում անհատականացված հատուկ առաջարկները
Անհատականացված հատուկ առաջարկ սահմանելիս մեկ գիշերվա գինը հիմնված է 60 օրվա գների միջնարժեքի վրա։ Հատուկ առաջարկի ժամանակահատվածի համար ձեր սահմանած մեկ գիշերվա բոլոր գները շարվում են ամենացածրից մինչև ամենաբարձրը, և այն գինը, որը գտնվում է շարքի մեջտեղում, հենց միջնարժեքն է։
Օրինակ՝
- Ձեր տարածքի գինն անցած 60 օրվա ընթացքում 30 օր եղել է 100 ԱՄՆ դոլար, իսկ մյուս 30 օրը՝ 125 ԱՄՆ դոլար։
- Airbnb-ն հաշվարկում է այդ երկու գների միջինը, որպեսզի ստանա ձեր գների միջնարժեքը՝ 112,50 ԱՄՆ դոլար։
- Ձեր հատուկ առաջարկը տրամադրում է 20% զեղչ գների միջնարժեքից (112,50 ԱՄՆ դոլար)։
- Ձեր հյուրը մեկ գիշերվա համար վճարում է 90 ԱՄՆ դոլար։
Եթե մեկ գիշերվա համար չկա 60 օրվա միջնարժեք, ապա այն չի համապատասխանի անհատականացված հատուկ առաջարկի կամ վերջին պահի զեղչի պահանջներին։ Ամսաթիվը պետք է լինի՝
- ներկայումս արգելահանված
- անցած 60 օրերից 28-ի ընթացքում արգելահանված
- ոչ ավելի, քան 90 օր առաջ
Հնարավոր է՝ մերչենդայզինգի որոշ գործառույթներ, օրինակ՝ վրագծման ոճը, չցուցադրվեն որոշ աշխարհագրական շրջաններում հատուկ առաջարկների դեպքում։ Զեղչի առաջնահերթությունը չի տարածվում այն հայտարարությունների վրա, որոնք օգտագործում են այցերի տևողության վրա հիմնված և API ծրագրակազմի միջոցով կապված գնանշման մոդելը։
Այս հոդվածում պարունակվող տեղեկությունները կարող են փոխված լինել հրապարակումից հետո։