Վերանայեք ձեր գինը
Դուք Airbnb Start-ում սահմանում եք ձեր նախնական հիմնական գինը։ Ավելի ցածր գնից սկսելը կօգնի գրավել ձեր առաջին հյուրերին և ստանալ կարծիքներ, ինչի շնորհիվ կկարողանաք վաստակել ձեր նպատակային եկամուտները։ Մրցունակ մնալու համար պարբերաբար վերանայեք ձեր գինը։
Ինչպես հասկանալ տեղական պահանջարկը
Եթե ձեր տարածքը գնահատեք ավելի բարձր, քան մոտակայքում գտնվող նմանատիպ տարածքների գներն են, հնարավոր է, որ ամրագրումներ կորցնեք։ Airbnb-ի գնանշման գործիքներից օգտվելով՝ կկարողանաք արձագանքել պահանջարկի փոփոխություններին։ Դրանք են․
- Մեկ գիշերվա գնանշման խորհուրդներ։ Անհատականացված խորհուրդներն օգնում են գին սահմանել տարբեր օրերի, տարվա եղանակների և հատուկ իրադարձությունների համար։ Այս խորհուրդներում հաշվի են առնվում մի շարք գործոններ, օրինակ՝ տարածքի տեղադրությունը և հարմարությունները, նախորդ ամրագրումները և ձեր տարածաշրջանում գործող վերջին գները։ Դրանք ցույց տալու կամ թաքցնելու համար հպեք ձեր օրացույցի վերևում գտնվող կախարդական փայտիկին։
- Նմանատիպ տարածքներ։ Այս գործիքը թույլ է տալիս ձեր տարածաշրջանի քարտեզի վրա համեմատել ամրագրված և չամրագրված տների միջին գները։ Նմանատիպ հայտարարություններ դիտելու համար օրացույցում հպեք ցանկացած ամսաթվի կամ բացեք հիմնական գինը ձեր գների կարգավորումներում։
- Խելացի գնանշում։ Այս գործիքն օգտագործում է նույն գործոնները, ինչ գնանշման խորհուրդները՝ գինն ըստ պահանջարկի ավտոմատ թարմացնելու համար։ Դուք եք սահմանում գնային միջակայքը և կարող եք բացել գնային կարգավորումները, որպեսզի միացնեք և անջատեք գինը ցանկացած ամսաթվի համար։ Եթե օգտագործում եք Խելացի գնանշում, ապա չեք տեսնի գնանշման խորհուրդները։
«Իմ տարածաշրջանում իրավիճակին տեղյակ լինելով՝ ես ավելի վստահորեն եմ սահմանում գները»,- ասում է Ավստրալիայի Նոր Հարավային Ուելս նահանգում սուպերտանտեր Ֆելիսիթին։ «Ես իմանում եմ՝ արդյո՞ք գինը շահավետ է, և կարելի է շարունակել նույն կերպ, թե՞ պետք է իջեցնեմ գինը»։
Առաջնահերթ դարձրեք գին/որակ հարաբերակցությունը
Հյուրերը փնտրում են բացառիկ գին/որակ հարաբերակցությամբ տներ։ Գինը վերանայելիս նկատի ունեցեք՝
- Ընդհանուր գինը, որը վճարելու են հյուրերը։ Հասկանալով, թե որքան են վճարելու հյուրերը՝ կարող եք սահմանել մրցունակ գին։ Օրացույցում ընտրեք ամսաթվեր, որպեսզի տեսնեք գնի մանրամասները՝ ներառյալ Airbnb-ի սպասարկման վճարները։ Հիշեք, որ ցանկացած ավելացվող վճար, օրինակ՝ մաքրման վճարը, ազդում է ընդհանուր գնի վրա։
- Հյուրերի կարծիքներ։ Օգտվեք հյուրերի կարծիքներից, որպեսզի իմանաք, թե ինչն է ճիշտ, և ինչը կարող եք բարելավել։ Խորհուրդ ենք տալիս մի քանի լավ կարծիք ստանալուց հետո վերանայել գինը։
- Ինչ եք առաջարկում ձեր տարածքում։ Թարմացումներ անելով, օրինակ՝ մեծ պահանջարկ ունեցող հարմարություններ և հատուկ կարիքներով անձանց համար հարմարություններ ավելացնելով՝ կկարողանաք գրավել ավելի շատ հյուրերի։
«Դիզայնն ու հարմարությունները գինը բարձրացնելու և ամրագրումներն ավելացնելու հիանալի միջոց են»,- ասում է Քեթի Քեյը, որը Հյուրընկալողների խորհրդի անդամ և սուպերտանտեր է Կալիֆոռնիայի Լեյք Էռոուհեդ քաղաքում։
Ավելացրեք զեղչեր
Ակցիաներն ու զեղչերը կարող են բարելավել հայտարարության դիրքը որոնման արդյունքներում և գրավել հյուրերի։ Տարբերակներն են՝
- Հատուկ առաջարկ նոր հայտարարության համար։ Առաջարկեք 20% զեղչ ձեր առաջին 3 ամրագրման համար, ինչը կօգնի ունենալ ձեր առաջին հյուրերն ու կարծիքները։
- Վաղ ամրագրման զեղչ։ Իջեցրեք գինը 1-ից մինչև 24 ամիս առաջ կատարված ամրագրումների համար, որպեսզի գրավեք նախօրոք պլանավորող հյուրերի։
- Վերջին պահի զեղչ։ Օրացույցի ազատ օրերը զբաղեցնելու համար ժամանումից 1-ից մինչև 28 օր առաջ կատարված ամրագրումների համար իջեցրեք գինը։
- Շաբաթական և ամսական զեղչեր։ Առաջարկեք զեղչեր երկարաժամկետ այցերի համար, ինչի շնորհիվ ավելի արագ կլրացնեք օրացույցը և կկրճատեք այցերի միջև ընկած ժամանակահատվածները։
«Ես ավելի երկար տևողությամբ այցերի ամրագրումներ եմ ստանում՝ առաջարկելով շաբաթական և ամսական զեղչեր»,- ասում է Իսպանիայի Կանարյան կղզիներում սուպերտանտեր Դանիելը։ «Սովորաբար հյուրերն ամրագրում են մեկ շաբաթ, և դա փոքրիկ հաղթանակ է»։
Նոր հայտարարության համար հատուկ առաջարկի և շաբաթական ու ամսական 10% կամ ավելի մեծ զեղչերի դեպքում հյուրերը որոնման արդյունքներում և ձեր հայտարարության էջում կտեսնեն հատուկ նշան։
Դուք եք միշտ վերահսկում գնանշումը և մյուս կարգավորումները։ Հնարավոր է՝ դրանք տարբերվեն մյուս հյուրընկալողների գներից և կարգավորումներից։
Հյուրընկալողները վճարվել են հարցազրույցներին մասնակցելու համար։
Այս հոդվածում պարունակվող տեղեկությունները կարող են փոխված լինել հրապարակումից հետո։