Հաղորդակցվեք արդյունավետորեն

Հյուրերի հետ արդյունավետ շփումը կարող է լավ այցը վերածել հիանալիի։ Օգտագործեք Airbnb-ի հաղորդագրությունների գործառույթները՝ կարևոր մանրամասներով և հիշեցումներով կիսվելու, հարցերին արագ պատասխանելու և ջերմ ընդունելություն առաջարկելու համար։

Այցի որակն էապես որոշվում է այն հանգամանքով, թե ինչպես եք հայտնում տեղեկությունները։ Ձգտեք․

• Լինել հասանելի։ Միացրեք ծանուցումները՝ հյուրերի հաղորդագրությունները ստանալու և դրանց արագ պատասխանելու համար։ Սան Ֆրանցիսկոյում հյուրընկալող Անետն ասում է, որ հյուրերին խնդրում է նույնիսկ աննշան խնդրի դեպքում անմիջապես կապվել իրենց հետ, որպեսզի հոգան դրա մասին։

• Լինել թափանցիկ։ Ճշգրտորեն ներկայացրեք, թե ինչ պետք է ակնկալեն հյուրերը։ «Այն, ինչ նշում եք որպես ձեր հյուրերին հասանելի, և այն, ինչ նրանք փաստացի ստանում են ժամանելիս, պետք է համապատասխանեն իրար»,– ասում է Սան Ֆրանցիսկոյում հյուրընկալող Դանիելը։

• Լինել սրտաբաց։ Հյուրերին հարցրեք, թե ինչ կարող եք անել, որպեսզի իրենց զգան ինչպես տանը։ «Կան բաներ, որոնք մենք չենք կանխատեսում»,– ասում է Նյու Մեքսիկո նահանգի Սանտա Ֆե քաղաքում հյուրընկալող Սադին։

• Լինել հոգատար։ Այն, թե ինչպես եք արձագանքում որևէ խնդրի, կարող է թողնել անջնջելի տպավորություն։ «Կարող եք բարդ իրավիճակը վերածել մեկ այլ ամրագրման, եթե այն ճիշտ կարգավորեք՝ դրսևորելով ապրումակցում և աշխատելով արագ լուծել այն»,– ասում է Ավստրալիայի Նոր Հարավային Ուելս նահանգում սուպերտանտեր Ֆելիսիթին։

Նախապես որոշեք, թե ինչ պետք է իմանան հյուրերը պլանավորման և ճանապարհորդության ընթացքում, որպեսզի հարցերը նվազագույնի հասցնեք։ Մտածեք հետևյալ առանցքային պահերին հաղորդագրություններ ուղարկելու մասին․

• Ամրագրման հարցում կամ հայտ։ Պատասխանների լավ հաճախականություն ունենալն այն որոշիչ գործոններից է, որոնք կարող են նպաստել, որպեսզի ձեր տարածքն ավելի բարձր դիրք զբաղեցնի Airbnb-ում հյուրերի կատարած որոնման արդյունքներում։

• Ամրագրման հաստատում։ Ուղարկեք «Շնորհակալություն ամրագրման համար» բովանդակությամբ հաղորդագրություն, որպեսզի կապվեք հյուրերի հետ և տեղեկացնեք նրանց, որ պատրաստ եք պատասխանելու հարցերի։

• Ժամանում։ Հիշեցրեք հյուրերին ժամանումից մեկ-երկու օր առաջ, որ «Ուղևորություններ» ներդիրում կարող են գտնել մանրամասներն ու ուղղությունները, և տրամադրեք ներս մտնելու վերաբերյալ կարևոր նշումներ։

• Այցի ընթացքում։ Ժամանումից անմիջապես հետո հարցրեք հյուրերին, թե արդյոք նրանք ունեն իրենց հանգիստը հարմարավետ դարձնելու համար անհրաժեշտ ամեն ինչ։ Կարող եք խորհուրդ տալ ձեր սիրած տեղական խանութները, ռեստորանները և զբաղմունքները։

• Մեկնում։ Մեկնումից անմիջապես հետո ուղարկեք գրություն՝ շնորհակալություն հայտնելով հյուրերին և խնդրելով կարծիք հայտնել։ Հնարավորինս շուտ կարծիք գրեք հյուրերի մասին։

Կարող եք օգտագործել արագ պատասխանները «Հաղորդագրություններ» ներդիրում, որպեսզի արագ արձագանքեք, կամ պլանավորել դրանց ավտոմատ ուղարկումն ավելի ուշ։

Արագ պատասխանը կարճ, նախապես գրված հաղորդագրություն է, որը ձևանմուշի տեսքով պահվում է հաղորդագրման կարգավորումներում։ Մանրամասների տեղապահները (օրինակ՝ հյուրի անվան) անհատականացնում են յուրաքանչյուր հաղորդագրություն՝ լրացնելով հայտարարության կամ ամրագրման տվյալները։

Կարող եք ստեղծել արագ պատասխաններ կամ փոփոխել Airbnb-ի ձևանմուշները։ Օրինակ՝ եթե նախքան հյուրերի ամրագրումները հաճախ եք պատասխանում նմանատիպ հարցերի, փորձեք ձեր ստանդարտ պատասխանը պահել արագ պատասխանի տեսքով։

Այս հոդվածում պարունակվող տեղեկությունները կարող են փոխված լինել հրապարակումից հետո։