Ապահովեք 5 աստղանի այց
Լավ մտածված նախապատրաստությունը հինգ աստղանի այցի հիմքն է։ Սկսելու համար օգտվեք այս հնգափուլ ուղեցույցից։
Քայլ 1. Ձևավորեք ակնկալիքներ
Ձեր հայտարարությունը դարձրեք գրավիչ՝ միևնույն ժամանակ ազնվորեն ներկայացնելով այն, ինչ առաջարկում եք։
Անկեղծորեն նկարագրեք, թե ինչ են ունենալու հյուրերը։ Մանրամասնորեն պատմեք ձեր թաղամասի և հարմարությունների մասին, որպեսզի հյուրերը կարողանան որոշել, թե արդյոք ձեր տարածքը հարմար է իրենց։
Թարմացրեք հայտարարությունը, երբ փոփոխություններ են լինում։ Թարմացումը ներառում է նոր հարմարությունների ավելացում և արդիական լուսանկարների տեղադրում։ Որոշ հյուրընկալողներ նույնիսկ թարմացնում են իրենց լուսանկարները՝ ըստ սեզոնի։
«Ներառեք ձեր սեփականության արտասովոր կողմերի ազնիվ և հստակ նկարագրությունը»,- ասում է Սան Ֆրանցիսկոյում գործող սուպերտանտեր Նիկին։ «Դա իսկական ապրումակցման դրսևորում է։ Նկարագրությունը պետք է լինի բավականաչափ թափանցիկ, որպեսզի հյուրերը կարողանան ընտրել իրենց ուզած սեփականությունը»։
Քայլ 2. Ապահովեք սահուն ժամանում և մեկնում
Հյուրերն ակնկալում են առանց խնդիրների ժամանում և մեկնում։
Գրեք ժամանման վերաբերյալ հստակ ցուցումներ։ Բացատրեք գործընթացը քայլ առ քայլ և ներառեք մանրամասներ, որոնք կարող են օգտակար լինել, օրինակ՝ լուսանկարներ կամ սլաքներով քարտեզ։
Նվազագույնի հասցրեք մեկնումից առաջ կատարելիք առաջադրանքները։ Ցուցումներին հետևելը չպետք է ջանքեր պահանջի։ Հայտնեք հյուրերին, թե ինչպես փակել դուռը։
«Մենք մեկնման գործընթացը դարձնում ենք հնարավորինս պարզ»,- ասում է Քեշավը, որը Հյուրընկալողների խորհրդի անդամ և սուպերտանտեր է Նյու Դելիում։ «Հավաքարարը գալիս և անում է ամեն ինչ, որպեսզի հյուրերը չանհանգստանան որևէ բանի համար»։
Քայլ 3. Կազմակերպեք ջերմ ընդունելություն
Մտածեք, թե ինչ կզգան հյուրերը, երբ մտնեն ձեր տարածքը, և ինչ կհիշեն հեռանալուց հետո։
Աշխատեք ստեղծել հարմարավետություն։ Ներառեք առօրյա գործածության իրեր, օրինակ՝ բարձեր և վերմակներ։ Հյուրերի համար տարածքներ հատկացրեք՝ իրենց իրերը պահելու համար։
Ներկայացրեք ձեր համայնքը։ Մտածեք տարածքը տեղական արվեստի գործերով ձևավորելու կամ տարածաշրջանին բնորոշ նրբախորտիկներ թողնելու մասին։ Ուղեցույցում պատմեք ձեր սիրած վայրերի մասին։
Եղեք հասանելի։ Տեղեկացրեք հյուրերին, որ ցանկացած պահի կարող են կապվել ձեզ հետ։ Կարգավորեք ծանուցումները, որոնք կտեղեկացնեն ձեզ, երբ հյուրերը հաղորդագրություններ ուղարկեն։
«Ամենակարևորն այն է, որ հյուրերն զգան, որ տարածքն իրենցն է»,- ասում է Քեթրինը, որը սուպերտանտեր է Օհայո նահանգի Կոլումբուս քաղաքում։ Ժամանակ հատկացրեք և հավաքեք այն ամենը, ինչի պատճառով հյուրերը կարող են ունենալ ուրիշի տանը գտնվելու զգացողություն»։
Քայլ 4. Պատրաստ եղեք չնախատեսված իրավիճակներին
Մտածեք, թե ինչպես կարգավորել մի շարք խնդիրներ, որոնք կարող են ի հայտ գալ հյուրի այցի ընթացքում։
Պահեստավորեք արտակարգ իրավիճակների համար անհրաժեշտ պարագաներ։ Տարածքում ունեցեք կրակմարիչ, առաջին օգնության դեղարկղ և լապտեր։ Տրամադրեք արտակարգ իրավիճակների հեռախոսահամարներ այն դեպքերի համար, երբ հյուրերին կարող է օգնություն պետք լինել։
Իմացեք, թե ինչպես եք պաշտպանված։ Հյուրընկալողների AirCover-ը տրամադրում է ամբողջական պաշտպանություն, որը միշտ ներառված է և անվճար է։
- Ստեղծեք աջակցման թիմ։ Զարգացրեք հարաբերություններ տեխնիկական սպասարկման անձնակազմի հետ։ Ավելացրեք համահյուրընկալողի, որպեսզի միշտ ինչ-որ մեկը պատրաստ լինի պատասխանելու հյուրերին։
Քայլ 5. Կարծիքներ հայտնեք և ստացեք
Գնահատականներն ու կարծիքները կարող են օգնել ձեզ բարելավել առաջարկը և վստահություն ձևավորել հյուրերի շրջանում։
- Կարծիք հայտնեք հյուրերի մասին։ Սա հնարավորություն է երախտագիտություն արտահայտելու, կարծիքով կիսվելու և հյուրերին հիշեցնելու, որ կարծիք հայտնեն ձեր մասին։ Հյուրընկալողները և հյուրերը կարող են մեկնումից հետո 14 օրվա ընթացքում կարծիք հայտնել միմյանց մասին։
- Ուշադրություն դարձրեք գնահատականներին։ Հյուրերը կարող են գնահատել իրենց այցն ինչպես ընդհանուր առմամբ, այնպես էլ գնահատականներ նշանակել մաքրության, ճշգրտության, ժամանման, շփման, տեղադրության և գին/որակ հարաբերակցության համար։
- Արձագանքեք կարծիքներին։ Օգտվեք այս հնարավորությունից՝ ցույց տալու, որ պատրաստ եք կատարելագործվելու։ Եթե պատասխանեք հյուրի հրապարակային կարծիքին, ձեր պատասխանը կերևա անմիջապես դրա տակ։
«Կարծիքները կարևոր են՝ խորհելու և դրանք նկատի ունենալու համար»,- ասում է Նյու Մեքսիկո նահանգի Սանտա Ֆե քաղաքում գործող սուպերտանտեր Սադին։ «Հյուրերն իսկապես հինգ աստղ ստանալու ձեր ուղեցույցն են»։
Եթե դեռ չեք ստացել ձեր առաջին ամրագրումը, կարող եք անհատական ցուցումներ ստանալ սուպերտանտիրոջից։ Նրանք ամենաբարձր վարկանիշ ունեցող և ամենափորձառու հյուրընկալողներն են Airbnb-ում։
Այս հոդվածում պարունակվող տեղեկությունները կարող են փոխված լինել հրապարակումից հետո։