Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Ինչպես դիմավորել առաջին հյուրերին

Ամեն անգամ հյուրերի համար ստեղծեք հիշարժան ուղևորություն։
Հեղինակ՝ Airbnb, ամսաթիվ՝ 20 նոյ, 2019 թ.
2 րոպե ընթերցում
Թարմացվել է՝ 4 հոկ, 2022 թ.

Առանձնահատկություններ

Հնարավոր է, որ մի փոքր անհանգիստ լինեք առաջին հյուրերի ժամանումից առաջ։ Բայց մենք միշտ պատրաստ ենք ձեզ օգնելու։ Ուզո՞ւմ եք անմոռանալի այց ապահովել ձեր հյուրերի համար։ Ծանոթացեք այս հնգաքայլ ուղեցույցին։

Քայլ 1. Շփումը պետք է լինի սկզբից և հաճախ

Հյուրերին դիմավորելը սկսվում է նախքան նրանց ժամանումը։ Հյուրերի հաղորդագրություններին արագ պատասխանելով՝ ցույց եք տալիս, որ անտարբեր չեք նրանց կարիքների հանդեպ։

Հյուրերի հետ շփումը նախքան նրանց ժամանումը հիանալի հնարավորություն է նաև ձեր ակնկալիքները սահմանելու համար։ Մի քանի օգտակար խորհուրդներ.

  • Ազնիվ եղեք։ Հնարավոր է, որ հյուրերը հայտարարության նկարագրության մեջ կարևոր մանրամասներ բաց թողած լինեն։ Լավ կլինի նրանց հիշեցնել, եթե դուք, ձեր ընտանիքը, այլ հյուրեր կամ տնային կենդանիներ պետք է որևէ տարածք կիսեք նրանց հետ։
  • Հետաքրքրություն ցուցաբերեք։ Անցեք ներառական հյուրընկալության՝ պարզապես հարցնելով հյուրերին, թե ինչ է նրանց պետք, որպեսզի ձեր տարածքում հարմարավետ զգան իրենց։
  • Պատասխանեք հարմար տարբերակով։ Կարող եք հաղորդագրություններ ուղարկել Airbnb-ի միջոցով կամ օգտվել հավելվածից, որպեսզի հյուրերին պատասխանեք ինչպես տնից, այնպես էլ հընթացս։
  • Նախօրոք մտածեք։ Եթե նախատեսում եք նույնանման տեղեկություն ուղարկել մի քանի հյուրի, խնայեք ժամանակը՝ օգտագործելով մեր հաղորդագրման գործիքները։

Քայլ 2. Պարզեցրեք ժամանումը

Հյուրերի սահուն ժամանում ապահովելու համար պատասխանեք ընդհանուր հարցերի՝ լրացնելով Տեղեկություններ հյուրերի համար բաժինը ձեր Հայտարարությունների ներդիրում, նշելով տարածք հասնելու ուղղությունները, ժամանման վերաբերյալ ցուցումները և Wi-Fi-ի տվյալները։ Այդ տեղեկությունները կցուցադրվեն հյուրերի «Ուղևորություններ» ներդիրում՝ ժամանումից 48 ժամ առաջ։

Հյուրերը, հատկապես նրանք, ովքեր պատմականորեն մարգինալացված համայնքներից են, ասել են, որ ինքնուրույն ժամանումը իրենց համար ավելի հարմարավետ կլինի։ Բայց եթե մոտակայքում եք, կարող եք նաև հարցնել հյուրերին՝ արդյոք կնախընտրեին, որ դուք ներկա լինեք ժամանման պահին։

Ուսումնասիրել ներառական հյուրընկալման ուղեցույցը

Քայլ 3. Տարածքը պահեք մաքուր և կոկիկ

Երբ հյուրերն ամրագրում են Airbnb-ում, նրանք ակնկալում են մտնել մաքուր տարածք։ Եթե հյուրերը ննջարանում փոշի կամ խոհանոցում փշուրներ են նկատում, նրանց հիշողության մեջ միայն դրանք են մնում ձեր տարածքի մասին։

Սարսափելի տհաճ են թափված մազերը, այնպես որ ուշադիր եղեք այն հատվածներին, որտեղ մազերն ավելի հաճախ են հավաքվում՝ սավաններին, սրբիչներին, հատակին և լոգարանին։ Չափազանց շատ անձնական իրերի առկայությունը թափթփված տպավորություն է ստեղծում, ուստի փորձեք որոշ իրեր պահել պահարանում կամ առանձին վայրում

Քայլ 4. Մտածեք՝ ինչի կարիք կունենան հյուրերը

Յուրաքանչյուր հյուր տարբեր է, բայց մեծ մասն ակնկալում է, որ իրենց անմիջապես հասանելի կլինեն որոշակի իրեր և տեղեկություններ։ Դուք կարող եք․

  • տարածքը համալրել հիմնական պարագաներով, այդ թվում՝ սրբիչներով, սպիտակեղենով, օճառով և զուգարանի թղթով․
  • թարմացնել տան ուղեցույցը, որպեսզի հյուրերին կարևոր տեղեկություններ տրամադրեք չներառված տարածքների, Wi-Fi-ին առնչվող ցուցումների և այլնի վերաբերյալ․
  • ստեղծել ուղեցույց՝ նշելով ձեր նախընտրած ռեստորանները, մթերային խանութները, սրճարանները և այլն․
  • հասանելի լինել SMS-ի, հեռախոսի կամ էլփոստի միջոցով, որպեսզի անհրաժեշտության դեպքում կապվեն ձեզ հետ․
  • ձեռքի տակ ունենալ ջրմուղագործի, նորոգման բանվորի, ինտերնետի և մալուխային հեռուստաընկերության մատակարարների կամ հարևանների հեռախոսահամարները։

Քայլ 5. Գրեք և ստացեք կարծիքներ

Մեկնելուց հետո հյուրերը հնարավորություն կունենան կարծիք հայտնելու ձեր տարածքի մասին։ Առաջին կարծիքները վճռորոշ են Airbnb-ում հաջողության հասնելու համար։ Ձեր միջին գնահատականը հայտարարության մեջ կհայտնվի երեք կարծիք ստանալուց հետո և կազդի որոնման արդյունքներում ձեր վարկանիշի վրա։

Դուք նույնպես կունենաք հյուրերի մասին կարծիք հայտնելու հնարավորություն։ Կարծիքներն ամրապնդում են հյուրերի և հյուրընկալողների միջև վստահությունը, ինչը կարևոր է ամբողջ Airbnb համայնքի համար։ Եղեք անկեղծ ու հարգալից և բոլոր հյուրերին գնահատեքմիևնույն չափանիշներով։

Առանձնահատկություններ

Airbnb
20 նոյ, 2019 թ.
Հոդվածն օգտակա՞ր էր։