Անցեք առաջ՝ առաջարկվող արդյունքներին ծանոթանալու համար
    Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

    Ինչպես սկսել Airbnb-ում

    Իմացեք, թե ինչպես սկսել հյուրընկալումը՝ հայտարարություն ստեղծելուց մինչև տարածքի նախապատրաստում։
    Հեղինակ՝ Airbnb, ամսաթիվ՝ 18 դեկ, 2019 թ.
    2 րոպե ընթերցում
    Թարմացվել է՝ 2 սեպ, 2021 թ.

    Առանձնահատկություններ

    • Ծանոթացեք համակեցության վերաբերյալ տեղական կանոնակարգերին

    • Սահմանեք ձեր մեկ գիշերվա գինը և կարգավորեք օրացույցը

    • Նշեք ձեր տարածքի եզակի և արտասովոր առանձնահատկությունները

    • Կարգի բերեք տարածքը, համալրեք հիմնական պարագաներով և տրամադրեք տան հստակ կանոններ

    Ստեղծեք ձեր հայտարարությունը

    Հայտարարությունը համարեք ձեր տարածքի գովազդ։ Պետք է հնարավորինս համոզիչ դարձնեք այն, բայց, միևնույն ժամանակ, ազնվորեն ներկայացնեք ցանկացած արտասովոր առանձնահատկություն։

    • Սկսեք հիմնական տեղեկություններից։ Մուտքագրեք մանրամասներ, օրինակ՝ ձեր տարածքի գտնվելու վայրը, ինչ տեսակի սեփականություն եք առաջարկում, հյուրերին հասանելի ննջասենյակների և լոգասենյակների թիվը։
    • Լուսանկարեք տարածքը։ Հյուրերը սիրում են տարածք ընտրելիս աչքի անցկացնել լուսանկարները։ Լավ լուսանկարներ ստանալու համար նախապես կարգի բերեք ձեր տարածքը։ Լուսանկարեք բոլոր սենյակները՝ հնարավորության դեպքում օգտվելով բնական լույսից և տեսախցիկը պահելով հորիզոնական դիրքով։
    • Նշեք ուրույն մանրամասները։ Ձեր տարածքի վերնագիրն ու նկարագիրը գրելիս հաշվի առեք, թե ինչն է այն առանձնահատուկ դարձնում, օրինակ՝ որևէ տեսարան կամ լողավազան։ Նկարագրության մեջ նշեք նաև այն, ինչը հյուրերը պետք է իմանան նախքան ամրագրելը, օրինակ՝ աստիճանների կամ կայանատեղի առկայությունը։

    Զբաղվեք կազմակերպչական հարցերով

    Հաջորդիվ՝ տեսակավորեք ձեր տարածքին առնչվող կազմակերպչական հարցերը՝ հյուրընկալման գործընթացի անխափանությունն ապահովելու համար։

    Նախապատրաստեք ձեր տարածքը

    Սպասելիս լինեք ձեր առաջին, թե 100-րդ հյուրին՝ սրանք այն քայլերն են, որոնք պետք է ձեռնարկեք ձեր տարածքը նախապատրաստելու համար։

    • Կարգի բերեք տարածքը։ Մաքրեք յուրաքանչյուր սենյակ, որտեղ հյուրերը կարող են մուտք գործել, հատկապես՝ ննջասենյակները, լոգասենյակները և խոհանոցը։ Ստուգեք և համոզվեք, որ մակերեսների և հատակների վրա մազեր, փոշի կամ բորբոս չկա։ Անկողիններին թարմ սպիտակեղեն գցեք։
    • Պահեք ձեր արժեքավոր իրերը։ Եթե ունեք զարդեր, անձնագրեր կամ այլ արժեքավոր իրեր, խորհուրդ ենք տալիս պահել կողպվող սենյակում, պահարանում, սեյֆում կամ պահեստում։ Կարող եք դրանք թողնել ընտանիքի կամ ընկերների մոտ։
    • Պահեստավորեք առաջին անհրաժեշտության իրերը։ Որպեսզի հյուրերն իրենց զգան ինչպես տանը, տրամադրեք այնպիսի հարմարություններ, ինչպիսիք են օճառը, շամպունը, զուգարանի թուղթը, անկողնային սպիտակեղենը և սրբիչները։ Ցանկալի է ձեռքի տակ ունենալ անհրաժեշտ իրերի լրացուցիչ քանակություն։
    • Տրամադրեք ժամանման մանրամասները։ Պատրաստ եղեք կազմակերպելու հյուրերի ժամանումն ու մեկնումը կամ խնդրեք ընկերներին կամ ընտանիքի անդամներին օգնել այդ հարցում։ Եթե որևէ մեկը չկարողանա օգնել, միշտ կարող եք օգտվել մինի-սեյֆից կամ էլեկտրոնային կողպեքից և հյուրերին ժամանման ցուցումներ տրամադրել Airbnb հավելվածում։
    • Ավելացրեք վերջին շտրիխները։ Հյուրերը սիրում են մտածված մանրուքներ։ Ցուցումներ և խորհուրդներ պարունակող տան ուղեցույցը կարող է կողմնորոշել հյուրերին։ Մի շիշ գինին կամ փոքրիկ նվերը կարող է հյուրերի համար է՛լ ավելի հաճելի դարձնել այցը, բայց, իհարկե, դա պարտադիր չէ։

    Երբ կարգավորեք ձեր հայտարարությունն ու տարածքը, պատրաստ կլինեք հյուրընկալելու և եկամուտ վաստակելու։

    Առանձնահատկություններ

    • Ծանոթացեք համակեցության վերաբերյալ տեղական կանոնակարգերին

    • Սահմանեք ձեր մեկ գիշերվա գինը և կարգավորեք օրացույցը

    • Նշեք ձեր տարածքի եզակի և արտասովոր առանձնահատկությունները

    • Կարգի բերեք տարածքը, համալրեք հիմնական պարագաներով և տրամադրեք տան հստակ կանոններ

    Airbnb
    18 դեկ, 2019 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ