Airbnb 2022 ձմեռային թողարկման լավագույն 10 նորույթները

Խմբագրի նշում. այս հոդվածը հրապարակվել է Airbnb 2022 ձմեռային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր վերջին պրոդուկտի թողարկման մասին։

Հյուրընկալողներն անցած տարվա ընթացքում շատ կարծիքներ ու մեկնաբանություններ են ուղարկել մեզ։ Հաշվի առնելով այդ կարծիքները՝ փոփոխություններ ենք կատարել հյուրընկալման փորձառությունը բարելավելու նպատակով։

1. Նույնիսկ ավելի շատ AirCover։ Հյուրընկալողների AirCover-ն այժմ ներառում է պաշտպանություն ձեր տանը կայանված ավտոմեքենաների և նավակների համար, ինչպես նաև՝ արվեստի գործերի և թանկարժեք իրերի ընդլայնված ծածկույթ։ Մենք մեծացնում ենք պաշտպանությունը գույքային վնասից՝ 1 միլիոն ԱՄՆ դոլարից դարձնելով 3 միլիոն ԱՄՆ դոլար։

2. Հյուրերի ինքնության հաստատում։ Ինքնության հաստատման շրջանակն ընդլայնվել է բոլոր հյուրերի համար, որոնք ամրագրում են ուղևորություններ դեպի Airbnb-ի հիմնական 35 երկրներ և տարածաշրջաններ, ինչը կազմում է բոլոր ամրագրումների 90%-ը։ 2023 թվականի սկզբին այս պահանջը կներկայացնենք ամբողջ աշխարհում։

3. Ամրագրման ստուգում։ Մենք մշակել ենք ամրագրման ստուգման տեխնոլոգիա, որը վերլուծում է մոտ հարյուր գործոն և զգուշացնում, եթե ամրագրումները կարող են հանգեցնել չարտոնված երեկույթների կազմակերպման կամ սեփականության վնասման։ Ավստրալիայում հաջող փորձարկումից հետո մեկնարկում ենք ամրագրման ստուգման տեխնոլոգիան ԱՄՆ-ում և Կանադայում, իսկ համաշխարհային մեկնարկը կտրվի 2023-ի սկզբին։

4. Փոխհատուցման պարզեցված գործընթաց։ Փոխհատուցման հայտ կարող եք ներկայացնել ընդամենը մի քանի քայլով։

Կարդալ Հյուրընկալողների AirCover-ի նորությունների մասին

5. Հյուրերի ավելի մեծ պատասխանատվություն։ Ներմուծում ենք հիմնական կանոններ հյուրերի համար։ Դա պարտադիր կիրառման ենթակա ստանդարտների նոր լրակազմ է, որի համաձայն՝ հյուրերը պետք է հարգեն ձեր տունը և հետևեն տան կանոններին։ Յուրաքանչյուր հյուր պետք է նախքան ամրագրում կատարելը համաձայնի այս հիմնական կանոններին։ Մենք հյուրերին պատասխանատվության կենթարկենք իրազեկման, նրանց հաշիվների ժամանակավորապես կասեցման և, անհրաժեշտության դեպքում, հեռացման համակարգի միջոցով։

Կարդալ հյուրերի համար սահմանված հիմնական կանոնների մասին

6. Հյուրերի մասին մանրամասն կարծիքներ։ Դուք կկարողանաք ավելի շատ մանրամասներ հայտնել ձեր հյուրի վերաբերյալ և կարդալ այլ հյուրընկալողների կարծիքները հյուրերի մասին։ Կարծիքները կօգնեն հետևել հիմնական կանոնների կիրառմանը։

7. Պաշտպանություն «պատժիչ» կարծիքներից։ Դուք կկարողանաք վիճարկել ցանկացած «պատժիչ» կարծիք՝ անկախ այն բանից, թե որքան ժամանակ առաջ է հրապարակվել։ Դրանք ներառում են կարծիքներ հյուրերից, որոնք կոպտորեն խախտում են ձեր տան ստանդարտ կանոնները, երեկույթ են կազմակերպում ձեր տանը, վնասում են ձեր սեփականությունը կամ մնում են ամրագրված ժամկետից ավելի երկար։

Կարծիքների համակարգի բարելավումների մասին

8. Ավելի արագ վճարում։ Վերջնավճարի նոր եղանակը, որը կոչվում է Արագ վճարում, եկամուտները տեղ է հասցնում Airbnb-ի փոխանցումից հետո 30 րոպեի ընթացքում՝ նույնիսկ հանգստյան և տոն օրերին։ Այս տարի Արագ վճարումը հասանելի է ԱՄՆ-ում՝ 1,5% միջնորդավճարով, յուրաքանչյուր վերջնավճարի համար՝ առավելագույնը 15 ԱՄՆ դոլար։

9. Կատեգորիայի գործիքներ։ Սկսած 2023 թվականի սկզբից՝ դուք կկարողանաք ստուգել, թե որ կատեգորիային է պատկանում ձեր տունը։ Նաև կկարողանաք ավելի շատ մանրամասներ ավելացնել տան առանձնահատկությունների մասին, որպեսզի ձեր տունը հայտնվի ճիշտ կատեգորիայում։

10. Նոր կատեգորիաներ։ Ավելացնում ենք նոր կատեգորիաներ, որոնք հյուրերին կօգնեն ավելի շատ տներ բացահայտել։ Airbnb-ի ամենաթարմ կատեգորիաներն են՝ «Նոր», «Պահանջված», «Հանոկներ», «Աշխարհի գագաթին», «Հարմարեցված», «Զվարճանք» և «Առանձին սենյակներ»։

Ծանոթացեք Airbnb կատեգորիաների վերաբերյալ նորություններին

Ունե՞ք ծանոթ, որը ցանկանում է հյուրընկալել։ Նրան պատմեք Airbnb Start-ի մասին։ Դա բոլորովին նոր, պարզ միջոց է՝ Airbnb-ում որևէ սուպերտանտիրոջ անվճար անհատական խորհուրդներով մեկնարկելու համար։

Եթե մտքեր ունեք վերջին թողարկման վերաբերյալ, սիրով կլսենք։ Խնդրում ենք ուղարկել ձեր կարծիքը։

Կարդացեք Airbnb 2022 ձմեռային թողարկման մեր ուղեցույցը

Հյուրընկալողների AirCover-ի Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տարածքներ կամ փորձառություններ են առաջարկում Ճապոնիայում, որտեղ գործում են Ճապոնիայում հյուրընկալողի ապահովագրությունը և Ճապոնիայում Փորձառությունների պաշտպանության ապահովագրությունը, կամ այն հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Այն հյուրընկալողների համար, որոնք տարածքներ կամ փորձառություններ են առաջարկել մայրցամաքային Չինաստանում, գործում է Չինաստանում հյուրընկալողների պաշտպանության պլանը։ Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով։

Հյուրընկալողի պաշտպանությունը գույքային վնասից ապահովագրություն չէ և կապված չէ Հյուրընկալողի պատասխանատվության ապահովագրության հետ։ Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ «Հյուրընկալողի պաշտպանություն գույքային վնասից» ծրագիրը փոխհատուցում է հյուրերի կողմից տանը և իրերին հասցված որոշ վնասներ, եթե հյուրը չի փոխհատուցում այդ վնասները։ 

Այն հյուրընկալողների համար, որոնց բնակության կամ գործունեության երկիրը Ավստրալիան չէ, hյուրընկալողի պաշտպանությունը գույքային վնասից կարգավորվում է այս դրույթներով, պայմաններով և սահմանափակումներով։ Այն հյուրընկալողների համար, որոնց բնակության կամ գործունեության երկիրը Ավստրալիան է, hյուրընկալողի պաշտպանությունը գույքային վնասից կարգավորվում է այս դրույթներով, պայմաններով և սահմանափակումներով։

Այս հոդվածում պարունակվող տեղեկությունները կարող են փոխված լինել հրապարակումից հետո։