Ինչպես եք վճարում ստանալու հյուրընկալման համար
Առանձնահատկություններ
Վերջնավճարի եղանակ ավելացնելով՝ կապահովեք ձեր միջոցների հաջող առաքումը
Վերջնավճարը հաշվարկելու համար հաշվի առեք մեկ գիշերվա գինը, հավելյալ գանձումները, վճարները և հարկերը
- Իմացեք ավելին՝ ծանոթանալով հաջողակ հայտարարություն ստեղծելու մեր ամբողջական ուղեցույցին
Նոր հյուրընկալողները հաճախ հարցնում են, թե ինչպես են վճարվելու։ Airbnb-ում վճարումներ (ինչը մենք անվանում ենք վերջնավճարներ) ստանալը ընդամենը մի քանի պարզ քայլ է պահանջում։
Ինչպես եք վճարում ստանալու
Դուք եք ընտրում, թե ինչպես եք ուզում ստանալ հյուրընկալման միջոցով վաստակած գումարը։ Վճարման եղանակները, ի թիվս այլոց, ներառում են Արագ վճարումը, բանկային փոխանցումները, PayPal-ը, Payoneer դեբետային քարտերը և Western Union-ը։ Տարբերակները տարբեր են՝ գտնվելու վայրից կախված։
Հաշիվը կարգավորվելիս վերջնավճարի եղանակ ընտրեք «Վճարումներ և վերջնավճարներ» բաժնում։ Ընտրված եղանակը կկիրառվի բոլոր հետագա վերջնավճարների համար, քանի դեռ չեք փոխել այն։
Նաև պետք է տրամադրեք հարկ վճարողի ձեր տվյալները, որպեսզի կարողանանք ճիշտ հարկային փաստաթղթեր տալ ձեզ։ Չգիտե՞ք՝ արդյոք սա վերաբերում է ձեզ։ Իմացեք ավելին Airbnb-ից հարկային ձևեր ստանալու մասին։
Ձեր վերջնավճարի եղանակը կստուգվի, որպեսզի ապահովվի միջոցների հաջող առաքումը։ Ստուգման գործընթացըկարող է տևել 2-ից 10 օր, եթե չեք ընտրում Արագ վճարում, որը ստուգվում է ակնթարթորեն։
Ինչքան եք վճարվելու
Ձեր վերջնավճարը հաշվելու համար բազմապատկեք մեկ գիշերվա գինը ամրագրման գիշերների քանակով, հետո գումարեք մեկ այցի կամընտիր լրացուցիչ վճարներ (օրինակ՝ մաքրման վճար)։ Սա ամրագրման ենթագումարն է։
Ամրագրման ենթագումարից հանեք կիրառելի հարկերը և վճարները։ Թեև հարկերը կարող են տարբեր լինել՝ բնակության վայրից կախված, հյուրընկալողների մեծ մասը վճարում է 3% սպասարկման վճար։
Եթե վերջնավճարն ակնկալվածից ավելի քիչ է, կամ ստացումն ուշանում է, դա կարող է պայմանավորված լինել ձեր կիրառած զեղչերով կամ ամրագրմամբ, որը չեղարկվել կամ փոխվել է (ինչը հանգեցնում է ձեր հյուրին ամբողջ գումարի կամ դրա մի մասի վերադարձի)։ Վերջնավճարի որոշակի եղանակների նկատմամբ կարող են կիրառվել նաև գործարքի միջնորդավճարներ, թեև շատերը հասանելի են առանց լրացուցիչ ծախսերի։Երբ կվճարվեք
Հյուրընկալման միջոցով վաստակած գումարը ձեզ կտրվի հյուրի պլանավորված ժամանումից մոտ 24 ժամ անց։ Թե երբ միջոցները կհասնեն ձեր հաշվին, կախված է վերջնավճարի եղանակից։
Վերջնավճարի եղանակները (առկայության դեպքում) և առաքման սովորական տևողությունը հետևյալն են.
- Արագ վճարում՝ 30 րոպե կամ ավելի քիչ
- Payoneer՝ 24 ժամ կամ ավելի քիչ
- PayPal՝ 1 աշխատանքային օր
- Western Union՝ 1 աշխատանքային օր (կարող է տարբեր լինել՝ երկրից կամ տարածաշրջանից կախված)
- Բանկային փոխանցում՝ 3-ից 5 աշխատանքային օր
- Միջազգային բանկային փոխանցում՝ 3-ից 7 աշխատանքային օր
Երբ հյուրընկալում եք երկարաժամկետ այց (28 գիշեր կամ ավելի), Airbnb-ն ձեր եկամուտն ուղարկում է ամսական մասնավճարներով՝ սկսած ձեր հյուրի ժամանումից մոտ 24 ժամ անց։ Դուք կարող եք վերջնավճարների կարգավիճակը ցանկացած ժամանակ ստուգել «Վճարումների պատմություն» բաժնում։
Առանձնահատկություններ
Վերջնավճարի եղանակ ավելացնելով՝ կապահովեք ձեր միջոցների հաջող առաքումը
Վերջնավճարը հաշվարկելու համար հաշվի առեք մեկ գիշերվա գինը, հավելյալ գանձումները, վճարները և հարկերը
- Իմացեք ավելին՝ ծանոթանալով հաջողակ հայտարարություն ստեղծելու մեր ամբողջական ուղեցույցին