Նոր թույլտվություններ և պարզ վերջնավճարներ համահյուրընկալողների համար
Խմբագրի նշում. այս հոդվածը հրապարակվել է Airbnb 2023 ամառային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր վերջին պրոդուկտի թողարկման մասին։
Համահյուրընկալողի շնորհիվ՝ հյուրընկալումը ձեզնից ավելի քիչ ջանք կպահանջի և ավելի շատ հաճույք կպարգևի։ Այդ դերի համար կարող եք հրավիրել հարևանի, ընտանիքի անդամի, ընկերոջ կամ վարձու աշխատակցի։ Համահյուրընկալողները կարող են օգնել կառավարել օրացույցը, թարմացնել հայտարարությունը և պատասխանել հյուրերին։
Ասում էիք, որ կուզեք սահմանել համահյուրընկալողների հասանելիությունը հայտարարությանը և տրամադրել ամրագրումների վերջնավճարները անմիջապես Airbnb-ում։ Հյուրընկալումը հեշտացնելու համար մենք թարմացնում ենք համահյուրընկալման գործիքները։
Ինչպես գտնել նոր «Համահյուրընկալողներ» ներդիրը
Նոր «Համահյուրընկալողներ» ներդիրը շարժական սարքում «Հայտարարություն» և «Ամրագրման կարգավորումներ» ներդիրների աջ կողմում է։ Կայքում դրա գտնվելու վայրը չի փոխվել։
Այս ներդիրում ներկայացված են ձեր համահյուրընկալողների մասին տեղեկությունները։ Այստեղ կարող եք սահմանել նրանց թույլտվությունները և վերջնավճարները։ Կարող եք նաև հրավիրել համահյուրընկալողների։ Հրավերն ընդունելու համար հարկավոր է ունենալ Airbnb հաշիվ։
Համահյուրընկալողների համար թույլտվությունների սահմանում
Երբ հրավիրեք համահյուրընկալողի, ձեզնից կպահանջվի սահմանել նրա մուտքի հնարավորությունները՝ ձեր հայտարարությունը կառավարելու համար։ Տարբերակներն են՝
- Լիակատար հասանելիություն՝ օրացույցը և հայտարարությունները կառավարելու, այլ համահյուրընկալողների թույլտվությունները հեռացնելու և սահմանելու, հյուրերին հաղորդագրություններ ուղարկելու, վերջնավճարները և վճարումների պատմությունը դիտելու հնարավորություններով
- Օրացույցի և փոստի հասանելիություն՝ օրացույցը կառավարելու և հյուրերին հաղորդագրություններ ուղարկելու հնարավորությամբ
- Օրացույցի հասանելիություն՝ օրացույցը դիտելու և ժամանման ու մեկնման մասին տեղեկություններ ստանալու հնարավորությամբ
Բոլոր համահյուրընկալողները կհայտնվեն ձեր հայտարարության մեջ որպես համահյուրընկալողներ՝ բացառությամբ միայն օրացույցի հասանելիություն ունեցողների։ Լիակատար հասանելիություն ունեցող համահյուրընկալողը կարող է իրեն նշել որպես հայտարարության հիմնական հյուրընկալող, կամ դուք կարող եք դա անել։
Ցանկացած գործող համահյուրընկալող կունենա ձեր հայտարարության լիակատար հասանելիություն։ Կարող եք ցանկացած պահի փոխել համահյուրընկալողների թույլտվությունները։
Վերջնավճարների բաշխում համահյուրընկալողներին Airbnb-ում
Կարող եք վճարել եկամտի մի մասը կամ սահմանել ֆիքսված վճար յուրաքանչյուր ամրագրման համար։ Երբ սահմանեք վճարման կարգավորումները, և համահյուրընկալողը դրանք ընդունի, նա կսկսի վերջնավճարներ ստանալ հյուրերի ժամանումից հետո։ Որոշ վայրերում գործում են վերջնավճարների տրամադրման սահմանափակումներ։ Իմանալ ավելին
Համահյուրընկալման այս գործիքները Airbnb 2023 ամառային թողարկման մաս են կազմում՝ ներառելով հյուրընկալողների համար 25 արդիացում։ Միացեք վաղ հասանելիությանը՝ նոր գործիքներն արդեն այսօր օգտագործելու համար։