Անցեք առաջ՝ առաջարկվող արդյունքներին ծանոթանալու համար

    Այն ամենը, ինչ պետք է իմանաք Հյուրընկալողների AirCover-ի մասին

    Ամբողջական պաշտպանություն։ Միշտ ներառված է և անվճար։ Միայն Airbnb-ում։
    Հեղինակ՝ Airbnb, ամսաթիվ՝ 11 մյս, 2022 թ.
    5 րոպե տևողությամբ տեսանյութ
    Թարմացվել է՝ 7 հնս, 2022 թ.

    Առանձնահատկություններ

    • Հյուրընկալողների AirCover-ը ներառում է Հյուրընկալողի պաշտպանություն գույքային վնասից 1 միլիոն ԱՄՆ դոլարի չափով և Հյուրընկալողի պատասխանատվության ապահովագրություն 1 միլիոն ԱՄՆ դոլարի չափով

    • Գույքային վնասից պաշտպանությունը ներառում է եկամուտների պաշտպանություն, ինչպես նաև նոր պաշտպանություններ տնային կենդանիների պատճառած վնասից, մանրազնին մաքրման և այլ դեպքերում

    Հյուրընկալողները Airbnb-ի սիրտն ու հոգին են։ Ձեզ լսելն առանցքային է մեր աշխատանքում, և հենց ձեր կարծիքներն էին, որ մեզ ստիպեցին ստեղծել Հյուրընկալողների AirCover-ը։

    Դուք մեզ ասել էիք, որ ավելի շատ պաշտպանության, ինչպես նաև՝ արագ և պարզ փոխհատուցման գործընթացի կարիք ունեք։ Դիցուք, հյուրը ծխում է ձեր տարածքում, և հավելյալ մաքրության անհրաժեշտություն է առաջանում։ Կամ հյուրի շունը քրքրել է ձեր բազմոցը։ 

    Հյուրընկալողների AirCover-ով կարող եք վստահորեն հյուրընկալել։ Ի հավելումն 1 միլիոն ԱՄՆ դոլարի պատասխանատվության պաշտպանության՝ Հյուրընկալողների AirCover-ն ընդլայնում է հյուրընկալողների՝ նախկինում առաջարկվող 1 միլիոն ԱՄՆ դոլարի չափով պաշտպանությունը գույքային վնասից՝ տնային կենդանիների պատճառած վնասի, մանրազնին մաքրման և այլնի համար լրացուցիչ ծածկույթով։

    1 միլիոն ԱՄՆ դոլարի պաշտպանություն գույքային վնասից

    Եթե ձեր տարածքը կամ իրերը երբևէ վնասվեն հյուրի կողմից Airbnb այցի ընթացքում, Հյուրընկալողների AirCover-ը ձեզ առաջարկում է 1 միլիոն ԱՄՆ դոլարի պաշտպանություն գույքային վնասից։ Առկա ծածկույթն արդեն իսկ ապահովագրում էր ձեզ, եթե հյուրը փչացրել էր գորգը կարմիր գինիով, իսկ այս ընդլայնված ծածկույթի շնորհիվ՝ մենք նաև կօգնենք ձեզ, եթե հյուրի կատուն վնասի ձեր վարագույրները։

    Ընդլայնված ծածկույթը ներառում է՝

    • Պաշտպանություն տնային կենդանիների պատճառած վնասից. մի անհանգստացեք, չորքոտանի հյուրերի հասցրած վնասը ծածկվում է
    • Մանրազնին մաքրման ապահովում. մենք փոխհատուցում ենք մաքրման չնախատեսված ծախսերի համար, օրինակ՝ ծխախոտի հոտը հեռացնելու, եթե հյուրը ծխում է ձեր տանը
    • Եկամուտների պաշտպանություն. Հյուրընկալողների AirCover-ը փոխհատուցում է կորցրած եկամուտը, եթե հաստատված Airbnb ամրագրումը չեղարկեք հյուրի հասցրած վնասի պատճառով
    • 14-օրյա պատուհան. եթե հյուրերը վնաս են հասցնում, փոխհատուցում պահանջելու համար ունեք 14 օր՝ նրանց մեկնման պահից։ Կարևոր չէ, եթե նոր հյուրերն արդեն ժամանել են
    • Արագ փոխհատուցում. մենք արագ ենք փոխհատուցում հյուրերի հասցրած վնասը՝ սովորաբար երկու շաբաթվա ընթացքում
    • Առաջնահերթ օգնություն սուպերտանտերերին. այժմ դուք ստանում եք առաջնահերթ աջակցություն և ավելի արագ փոխհատուցում

    Եթե ձեզ հարկավոր է փոխհատուցում պահանջել, պարզապես ստեղծեք Հյուրընկալողների AirCover-ի հայտ Խնդիրների լուծման կենտրոնում։ Հենց որ ներկայացնեք ձեր հայտը, մենք հյուրին կտեղեկացնենք, թե ինչ է վնասվել կամ կորել։ Այնուհետև հյուրը 24 ժամ կունենա՝ վճարելու ձեր պահանջած գումարը։ Եթե նա հրաժարվի վճարել ամբողջ գումարը կամ չպատասխանի, դուք կկարողանաք ներգրավել Airbnb-ի աջակցման թիմին։

    Ավելի շատ մանրամասներ գույքային վնասից հյուրընկալողի պաշտպանության մասին

    1 միլիոն ԱՄՆ դոլարի Հյուրընկալողի պատասխանատվության ապահովագրություն

    Պատասխանատվության ապահովագրությունը գործում է հյուրընկալողների համար այն հազվագյուտ դեպքերում, երբ հյուրը վնասվածք է ստանում, կամ նրա գույքը վնասվում կամ գողացվում է ձեր տարածքում մնալու ընթացքում։ Նրանք, ովքեր օգնում են ձեզ հյուրընկալել, օրինակ՝ համահյուրընկալողները և մաքրողները, նույնպես ներառված են, այնպես որ կարող եք վստահ զգալ Airbnb-ի միջոցով հյուրընկալելիս։

    Հյուրընկալողի պատասխանատվության ապահովագրությունը ծածկում է ձեզ, եթե դուք օրինական պատասխանատվություն եք կրում հետևյալի համար՝

    • Հյուրի (կամ այլ անձանց) մարմնական վնասվածք
    • Հյուրին (կամ այլ անձանց) պատկանող գույքի վնասվածք կամ գողություն
    • Հյուրի (կամ այլ անձանց) պատճառած վնաս ընդհանուր տարածքներին, օրինակ՝ շենքի նախասրահին կամ մոտակայքի սեփականություններին

    Եթե ձեզ հարկավոր է հայտ ներկայացնել, պարզապես լրացրեք պատասխանատվության ապահովագրության ընդունման ձևը։ Տվյալները կուղարկվեն կողմնակի վստահելի ապահովագրողի, որը ձեր հայտը կփոխանցի որևէ ներկայացուցչի։ Նա լուծում կտա ձեր հայտին՝ համաձայն ապահովագրական պոլիսի պայմանների։

    Եթե դուք փորձառություն եք հյուրընկալում, ապա ծածկված եք Փորձառություն հյուրընկալողի պատասխանատվության ապահովագրությամբ։

    Ավելին իմանալ Հյուրընկալողի պատասխանատվության ապահովագրության մասին

    Մենք Հյուրընկալողների AirCover-ը ստեղծել ենք՝ հաշվի առնելով ձեր արձագանքները։ Մենք հանձնառու ենք գործել ձեր արձագանքների հիման վրա և հուսով ենք՝ կշարունակեք մեզ հետ կիսվել ձեր մտքերով։

    Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տարածքներ են առաջարկում Airbnb Travel, LLC-ի միջոցով կամ հյուրընկալում են մայրցամաքային Չինաստանում կամ Ճապոնիայում, որտեղ գործում են Չինաստանում հյուրընկալողների պաշտպանության պլանը, Ճապոնիայում հյուրընկալողի ապահովագրությունը և Ճապոնիայում Փորձառությունների պաշտպանության ապահովագրությունը։ Հյուրընկալողի պաշտպանությունը գույքային վնասից առնչություն չունի Հյուրընկալողի պատասխանատվության ապահովագրության հետ։

    Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով, և կան նաև այլ դրույթներ, պայմաններ և բացառություններ։

    Այս հոդվածում պարունակվող տեղեկությունները կարող են փոխված լինել հրապարակումից հետո։

    Առանձնահատկություններ

    • Հյուրընկալողների AirCover-ը ներառում է Հյուրընկալողի պաշտպանություն գույքային վնասից 1 միլիոն ԱՄՆ դոլարի չափով և Հյուրընկալողի պատասխանատվության ապահովագրություն 1 միլիոն ԱՄՆ դոլարի չափով

    • Գույքային վնասից պաշտպանությունը ներառում է եկամուտների պաշտպանություն, ինչպես նաև նոր պաշտպանություններ տնային կենդանիների պատճառած վնասից, մանրազնին մաքրման և այլ դեպքերում

    Airbnb
    11 մյս, 2022 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ