Ինչ կարող են անել համահյուրընկալողները

Հյուրընկալումը կարող է ավելի հեշտ լինել համահյուրընկալողների աջակցությամբ։ Համահյուրընկալողները կարող են ստանձնել հյուրընկալմանն առնչվող բազմաթիվ պարտականություններ՝ մաքրությունից և հերթափոխումից մինչև հյուրերին ընդունելն ու սպասարկելը։ Նրանք կարող են տարբեր կերպ օգնել ձեզ, ուստի այժմ կարող եք թույլտվություններ սահմանել յուրաքանչյուր համահյուրընկալողի համար՝ ընտրելով, թե ինչ կարող է նա դիտել և կառավարել ձեր հայտարարության մեջ։

Համահյուրընկալողին տրվող թույլտվություններ

Համահյուրընկալողներին տրված թույլտվություններն ընդամենը որոշում են, թե նրանք ձեր Airbnb հայտարարության որ բաժինները կարող են մուտք գործել։ Հետևաբար, ճիշտ կլինի քննարկել համահյուրընկալողների հետ, թե ինչպես կարող են օգնել ձեզ։ Որպես հայտարարության տեր՝ դուք պատասխանատու եք ձեր համահյուրընկալողների համար՝ նույնիսկ նրանց, ովքեր ավելացվել են լիակատար մուտք ունեցող համահյուրընկալողների կողմից։ Խորհուրդ ենք տալիս ուշադիր ընտրել նրանց։

Ընտրեք թույլտվությունները, որոնք տալու եք համահյուրընկալողներին՝ նրանց, ովքեր ձեզ օգնում են հյուրընկալել․

• Լիակատար մուտք․ համահյուրընկալողը կարող է հաղորդագրություններ ուղարկել հյուրերին և թարմացնել ձեր օրացույցը։ Նա կարող է կառավարել ձեր հայտարարությունը՝ ներառյալ գներն ու այլ մանրամասներ, և կառավարել ամրագրումները, այդ թվում՝ ընդունել և մերժել ուղևորությունների հայտերը, չեղարկումները և ձեզ պատճառված վնասի ու այլ հարցերի վերաբերյալ հայտերը Խնդիրների լուծման կենտրոնում, ինչպես նաև ձեր փոխհատուցման հայտերը «Հյուրընկալողի պաշտպանություն գույքային վնասից» ծրագրի շրջանակներում։ Նա կարող է ավելացնել, հեռացնել կամ թարմացնել համահյուրընկալողներին տրված թույլտվությունները՝ բացի լիակատար մուտք ունեցող այլ համահյուրընկալողներ ավելացնելուց, և իրեն կամ մեկ այլ համահյուրընկալողի նշանակել որպես հայտարարության հիմնական հյուրընկալող։
• Մասնակի մուտք․ համահյուրընկալողը կարող է հաղորդագրություններ ուղարկել հյուրերին և դիտել օրացույցը՝ առանց փոփոխելու իրավունքի։
• Մուտք դեպի օրացույց․ համահյուրընկալողը կարող է դիտել օրացույցը՝ առանց փոփոխելու իրավունքի։

Խնդրում ենք նկատի ունենալ, որ ոչ մի համահյուրընկալող չի կարող դիտել կամ փոխել հայտարարության տիրոջ կամ այլ համահյուրընկալողի վերջնավճարի եղանակը կամ հարկ վճարողի տվյալները։ Միայն հայտարարությունների տերերը կարող են սահմանել կամ փոփոխել համահյուրընկալողի վերջնավճարները։ Համահյուրընկալողներին չի թույլատրվում փոխհատուցման հայտեր ներկայացնել «Հյուրընկալողի պաշտպանություն գույքային վնասից» ծրագրի շրջանակներում։

Հայտարարության մեջ նշված բոլոր համահյուրընկալողները կարող են հաղորդագրություններ փոխանակել հյուրընկալողի կամ նույն հայտարարության մեջ նշված մեկ այլ համահյուրընկալողի հետ։ Դուք կարող եք ձեր բոլոր հաղորդագրություններն ավելի հեշտ կառավարել որոնման, զտիչների, արագ պատասխանների և պլանավորված հաղորդագրությունների միջոցով՝ միասին մեկ տեղից։

Իմացեք ավելին այն մասին, թե ինչպես է գործում հաղորդագրությունների փոխանակումը հյուրընկալողների և համահյուրընկալողների միջև։

Ինչպես ընտրել համապատասխան թույլտվություններ

Համահյուրընկալողները, որոնք ձեր հայտարարության մեջ ավելացվել են նախքան մեր կողմից այս թույլտվությունների ներդրումը, ըստ կանխադրման ունեն լիակատար հասանելիության թույլտվություններ։ Եթե հրավիրեք նոր համահյուրընկալողների, պետք է ընտրեք նրանց տրամադրվող թույլտվությունները։ Ցանկացած պահի կարող եք փոխել համահյուրընկալողին տրված թույլտվությունները։ Դրանց փոփոխությունը չի ազդի համահյուրընկալողի վերջնավճարների վրա։

Այս տեղեկությունները կօգնեն որոշել, թե որ թույլտվությունները լավագույնս կհամապատասխանեն համահյուրընկալողներից յուրաքանչյուրին՝ հաշվի առնելով, թե ինչպես են ձեզ օգնում հյուրընկալման գործում, և ինչ եք պայմանավորվել նրանց հետո։

Ինչպես փոխել համահյուրընկալողին տրված թույլտվությունները

Ընտրելու համար, թե ձեր հայտարարության որ բաժինները կարող է մուտք գործել համահյուրընկալողը՝

Եթե անհրաժեշտ է ընդհանրապես հեռացնել համահյուրընկալողի՝ ձեր հայտարարությունը մուտք գործելու հնարավորությունը, ծանոթացեք համահյուրընկալողի հեռացման կարգին։

Ինչպես հրավիրել նոր համահյուրընկալողի և ընտրել թույլտվություններ

Հայտարարության մեջ նոր համահյուրընկալող ավելացնելու համար՝

Նշում. հյուրընկալողները կամ լիակատար մուտք ունեցող համահյուրընկալողները պարտավոր են ապահովել համահյուրընկալողների՝ հրավերները SMS-ով կամ էլփոստով ստանալու համաձայնությունը։ Նկատի ունեցեք, որ միայն գրանցված Airbnb օգտատերերը կարող են հրավերներ ստանալ SMS-ով, և, կախված համահյուրընկալողի գտնվելու վայրից կամ հաշվի կարգավորումներից, հրավերներն SMS-ով ուղարկելը կարող է անհնար լինել։ Նոր համահյուրընկալողները պետք է ավարտեն ինքնության հաստատումը (եթե դեռ չեն արել դա), որպեսզի կարողանան հրավեր ընդունել։

Ինչպես գտնել փորձառու համահյուրընկալողի

Համահյուրընկալող կարող է դառնալ ընկերը, ընտանիքի անդամը կամ այլ անձ, որին վարձել եք ձեր հայտարարությունը կառավարելու նպատակով։ 

Եթե փնտրում եք պոտենցիալ համահյուրընկալողի, ապա որոշ երկրներում* կարող եք կապ հաստատել մոտակայքում գտնվող փորձառու համահյուրընկալողի հետ, որն ունի Airbnb-ում հյուրընկալման փորձ և հյուրընկալողներին օգնելու համար առաջարկում է զանազան ծառայություններ։ Դուք կպահպանեք ձեր հայտարարության վերահսկողությունը՝ միևնույն ժամանակ ստանալով անհրաժեշտ օգնություն։ Գտեք փորձառու համահյուրընկալողի ձեր շրջակայքում և սկսեք նրա հետ քննարկել համագործակցության տարբերակները։