Airbnb-ում վստահությունը մեր համայնքի անկյունաքարն է․ միլիոնավոր մարդիկ վստահում են միմյանց, երբ ճանապարհորդում են կամ հյուրընկալում են սերվիսներ, փորձառություններ կամ հյուրեր են ընդունում տներում։
Այս վստահության ձևավորման համար կարևոր է մեր օգտատերերի ինքնության ստուգումը։ Ինքնության ստուգման մեր գործընթացը ներառում է մի շարք քայլեր, որոնք օգնում են երաշխավորել մեր համայնքի օգտատերերի իսկությունը, որպեսզի յուրաքանչյուրն իրեն ավելի վստահ զգա Airbnb-ից օգտվելիս։ Յուրաքանչյուր հյուրընկալող, նոր հյուրընկալող և ամրագրող հյուր պետք է հաստատի իր ինքնությունը, որպեսզի կարողանա օգտվել մեր հարթակից։
Թեև ոչ մի գործընթաց կատարյալ չէ, այն նպատակ ունի նվազագույնի հասցնելու խարդախությունը, մեծացնելու անվտանգությունը և մեր համայնքում բովանդակալից, իրական շփումների հնարավորություն ընձեռելու։
Նշում. ինքնության հաստատման մեր գործընթացում ստուգվում են անձի տվյալները՝ դրանք համեմատելով վստահելի կողմնակի աղբյուրներից ստացված տեղեկությունների կամ անձը հաստատող պետական փաստաթղթի հետ։ Գործընթացն ապահովված է պաշտպանության միջոցներով, բայց չի երաշխավորում, որ տվյալ անձը հենց այն մարդն է, որը ներկայանում է։
Հյուրերի և հյուրընկալողների ինքնության ստուգումն օգնում է՝
Մենք հիմնական հյուրընկալողներից, նոր համահյուրընկալողներից և ամրագրող հյուրերից պահանջում ենք ինքնության ստուգում անցնել Airbnb-ում առաջարկվող բոլոր տների, սերվիսների և փորձառությունների համար։
Ինքնության ստուգումը նշանակում է որոշակի անձնական տեղեկությունների, օրինակ՝ ձեր անվան և ազգանվան՝ ըստ փաստաթղթերի, հասցեի, հեռախոսահամարի կամ այլ կոնտակտային տվյալների ստուգում վստահելի կողմնակի աղբյուրների կամ անձը հաստատող պետական փաստաթղթի միջոցով։ Որոշ դեպքերում մենք կարող ենք դա անել առանց ձեզնից լրացուցիչ տեղեկություններ պահանջելու։ Այլ դեպքերում հնարավոր է, որ պահանջենք լրացուցիչ տեղեկություններ, ինչպես նկարագրված է ստորև։
Որոշ օգտատերեր կարող են ինքնությունը հաստատելու համար ընտրել դեմքի ճանաչման տեխնոլոգիան, որը նաև կոչվում է դեմքի ճանաչում։
Ինքնության հաստատման եղանակները կարող են տարբեր տարածաշրջաններում տարբեր լինել։ Օրինակ՝ հարավկորեացի և հնդիկ օգտատերերը կարող են ինքնությունը հաստատելու համար օգտագործել նաև երրորդ կողմի գործընկերների միջոցով տվյալների հաստատումը։
Մի անհանգստացեք. ձեր ինքնությունը հաստատելու նպատակով տրամադրված նույնականացման տվյալները չեն փոխանցվի Airbnb հյուրընկալողներին ու հյուրերին և կմշակվեն մեր Գաղտնիության քաղաքականության համաձայն։
Եթե այս տեղեկություններով հնարավոր չլինի հաստատել ձեր ինքնությունը, ապա որոշ հատուկ դեպքերում հնարավոր է, որ այս գործընթացն ավարտելու համար թույլատրվի ներկայացնել ձեր անձը հաստատող այլ ապացույց, օրինակ՝ ամուսնության վկայական կամ դատարանի որոշում։
Նշում․ հնարավոր է, որ հյուրընկալողներից պահանջվի ստուգել լրացուցիչ տեղեկություններ, օրինակ՝ ձեր տան հասցեն կամ քաղաքացիությունը և այլ մանրամասներ, եթե նրանք հյուրընկալում են որպես ընկերություն։ Բացի այդ, եթե դուք ԵՄ ռեզիդենտ եք և եկամուտ եք ստանում կացարաններ վարձակալության հանձնելուց, փորձառություններ տրամադրելուց կամ համահյուրընկալման ծառայություններ մատուցելուց, կամ եթե եկամուտը ստացվում է ԵՄ տարածքում հրապարակված հայտարարությունից, ապա ձեզնից կպահանջվի նաև հաստատել հարկ վճարողի լրացուցիչ տվյալներ։ Եթե Բրազիլիայի ռեզիդենտ եք, ապա ձեզնից կպահանջվի նաև հաստատել հարկ վճարողի լրացուցիչ տվյալներ՝ Բրազիլիայի հարկային կանոնակարգերին համապատասխան։
Որպես հյուր՝ դուք պետք է հաստատեք ձեր ինքնությունը, երբ այց, սերվիս կամ փորձառություն եք ամրագրում։ Օգտատերերի մեծ մասը պետք է դա անի միայն մեկ անգամ, և մենք ձեզ կօգնենք կատարել բոլոր անհրաժեշտ քայլերը։
Սովորաբար դա տեղի է ունենում վճարման ժամանակ, երբ մենք ձեզ որոշակի վերջնաժամկետ ենք տրամադրում ավարտելու համար։ Այս ընթացքում ձեր ամրագրումը կլինի առկախ, և ուրիշները չեն կարողանա ամրագրել ձեր ամսաթվերը։ Նաև ծանուցումներ կուղարկենք ձեզ, օրինակ՝ էլեկտրոնային նամակներ, SMS և push-հիշեցումներ (ըստ ձեր նախասիրության), որոնք կօգնեն ավարտել մինչև վերջնաժամկետը։ Եթե ժամանակին չավարտեք գործընթացը, ձեր ամրագրումը չի հաստատվի։
Տեղեկացնում ենք, որ գուցե պահանջվի կրկին հաստատել ձեր ինքնությունը, եթե ձեր հաշվում փոփոխեք անունը և ազգանունը՝ ըստ փաստաթղթերի, կատարեք հաշվի տվյալների այլ թարմացումներ, կամ եթե ի հայտ գան այլ պատճառներ, օրինակ՝ երբ մենք ռիսկեր հայտնաբերենք։
Եթե պահանջվի կրկին անցնել ինքնության հաստատման գործընթացը, հնարավոր է, որ կարողանանք ակնթարթորեն վերահաստատել ձեր ինքնությունը՝ օգտագործելով արդեն տրամադրված տեղեկությունները, օրինակ՝ ձեր անունը և կոնտակտային տվյալները, կամ գուցե պահանջվի կատարել հաստատման այլ քայլեր։ Այդ դեպքում դա չի ազդի ձեր ամրագրած ուղևորությունների վրա, բայց դուք չեք կարողանա նոր ամրագրում կատարել, քանի դեռ մենք չենք ստուգել այդ փոփոխությունը։
Նշում. եթե փորձում եք ամրագրել, կարևոր է հնարավորինս շուտ ներկայացնել մեզ անհրաժեշտ տեղեկությունները։ Եթե ժամանելու եք առաջիկա 12 ժամվա ընթացքում, դուք 1 ժամ կունենաք հաստատումն ավարտելու համար։ Այլ դեպքերում պետք է հաստատումն ավարտեք ամրագրումը կատարելուց հետո 12 ժամվա ընթացքում։ Ձեր ամրագրումն առկախ է այս ընթացքում, և այն չի հաստատվի, եթե չկարողանաք ինքնության հաստատումն ավարտել մինչև ձեզ համար սահմանված վերջնաժամկետը։
Եթե սկսում եք հյուրընկալողի գործունեություն, պետք է առաջին անգամ տան, սերվիսի կամ փորձառության հայտարարություն ստեղծելու ժամանակ, ինչպես նաև հայտարարության նոր համահյուրընկալող դառնալու հրավեր ստանալու դեպքում հաստատեք ձեր ինքնությունը։ Թեև հաստատումն ավարտելու համար ժամանակային սահմանափակում չկա հյուրընկալողների համար, հայտարարությունը չի հրապարակվի, մինչև չավարտեք ավարտել ինքնության հաստատումը։ Սա նշանակում է, որ չեք կարողանա ընդունել ամրագրումներ, քանի դեռ չի հաստատվել ձեր ինքնությունը։ Նմանապես, որպես հայտարարության նոր համահյուրընկալող, դուք պետք է ավարտեք հաստատումը, որպեսզի կարողանաք ընդունել հրավերը։
Տեղեկացնում ենք, որ, որպես հյուրընկալող կամ համահյուրընկալող, գուցե նաև պահանջվի կրկին հաստատել ձեր ինքնությունը, եթե ձեր հաշվում փոփոխեք անունը և ազգանունը՝ ըստ փաստաթղթերի, կատարեք հաշվի տվյալների այլ թարմացումներ, կամ եթե ի հայտ գան այլ պատճառներ, օրինակ՝ երբ մենք ռիսկեր հայտնաբերենք։
Եթե դուք հիմնական հյուրընկալող եք, և պահանջվում է կրկին անցնել ինքնության հաստատման գործընթացը, դա չի ազդի ձեր առկա ամրագրումների վրա, բայց օրացույցը կարգելափակվի բոլոր հայտարարությունների համար, քանի դեռ չեք ավարտել գործընթացը։ Հայտարարության հիմնական հյուրընկալող չհանդիսացող համահյուրընկալողները կարող են հեռացվել հայտարարություններից, եթե պահանջի դեպքում չկատարեն ինքնության հաստատման քայլեր։
Ձեր տվյալները ներկայացնելուց հետո սովորաբար 1 ժամից քիչ ժամանակ է պահանջվում ինքնության հաստատման համար։ Տևողությունը կարող է տարբեր լինել՝ կախված ձեր բնակության երկրից և տրամադրած տեղեկություններից։
Համոզվեք, որ ձեր տրամադրած տեղեկությունները հավաստի են, ճշգրիտ և արդիական։ Հակառակ դեպքում կարող է ավելի երկար ժամանակ պահանջվել ձեր ինքնությունը հաստատելու համար, կամ գուցե անհրաժեշտ լինի կապ հաստատել ձեզ հետ և պահանջել լրացուցիչ տեղեկություններ։
Եթե ամրագրում կատարող հյուր եք, չմոռանաք ձեր ինքնությունը հաստատել մինչև մեր սահմանած վերջնաժամկետը։ Այս ընթացքում ձեր ամրագրումը կլինի առկախ, և ուրիշները չեն կարողանա ամրագրել ձեր ամսաթվերը։ Նաև ծանուցումներ կուղարկենք ձեզ, օրինակ՝ էլեկտրոնային նամակներ, SMS և push-հիշեցումներ, որոնք կօգնեն ավարտել մինչև վերջնաժամկետը։
Ինքնության հաստատումից հետո կստանաք «Ինքնությունը հաստատված է» նշանակ։ Ձեր «հաստատված է» նշանակը ցուցադրվում է Airbnb-ում՝ որպես կարմիր նշանակ՝ ձեր պրոֆիլի լուսանկարի կողքին դրված ստուգանիշով։ Հաստատված կարգավիճակը ցուցադրվում է նաև պրոֆիլում՝ «Ինքնությունը հաստատված է» հղումով։ Եթե հյուրընկալող եք, ձեր «հաստատված է» նշանակը և «Ինքնությունը հաստատված է» հղումը կարող են ցուցադրվել նաև ձեր հայտարարության «Հյուրընկալող» բաժնում։ Եթե հպեք օգտատիրոջ պրոֆիլի քարտին կամ «Ինքնությունը հաստատված է» հղմանը, կտեսնեք ամիսն ու տարին, երբ օգտատերն առաջին անգամ ավարտել է ինքնության հաստատման գործընթացն Airbnb-ում։ Հնարավոր է, որ որոշ օգտատերեր ժամանակավորապես կորցրել են ինքնության հաստատման իրենց կարգավիճակը կամ այդ ամսաթվից հետո նորից են անցել հաստատման գործընթացը։
Եթե դուք հյուրընկալող եք, որը գործում է որպես խոշոր ձեռնարկություն, հնարավոր է, որ ձեր բոլոր հայտարարությունները կառավարելու համար ստեղծած լինեք մեկից ավելի հաշիվներ։ Այդ դեպքերում հյուրընկալողի կապակցված հաշիվներում միշտ չէ, որ կարող է ցուցադրվել «Ինքնությունը հաստատված է» նշանակ, նույնիսկ եթե հաշիվը վարող ընկերությունը հաստատված է։
Եթե փոխեք ձեր անձնական տվյալները, օրինակ՝ անունը և ազգանունը՝ ըստ փաստաթղթերի, կամ ձեր հաշվից հեռացնեք անձը հաստատող պետական փաստաթուղթը, հնարավոր է՝ կորցնեք հաստատված ինքնության նշանակը, և ամրագրելու կամ ապագա հյուրեր ընդունելու համար անհրաժեշտ լինի նորից հաստատել ինքնությունը։
Երբ ամրագրում եք կատարում, Airbnb-ն հյուրընկալողին չի տրամադրում ձեր անձը հաստատող պետական փաստաթուղթը։ Սակայն հյուրընկալողը կարող է ամրագրումից հետո պահանջել անձը հաստատող պետական փաստաթուղթ, եթե ամրագրման պահին տարածքի նկարագրության մեջ ավելացրել է տեղեկություններ այն մասին, թե ինչ և ինչու է պահանջվում, և միայն այն դեպքերում, երբ դա պահանջվում է իրավական կամ համապատասխանության նկատառումներից ելնելով, ինչպես նշված է Airbnb-ի Արտահարթակային գործունեության վերաբերյալ քաղաքականության մեջ։
Որոշ տարածաշրջաններում կան օրենքներ, որոնք հյուրերից պահանջում են գրանցվել տեղական կառավարման մարմիններում։ Դա կարելի է անել անմիջականորեն տեղական կառավարման մարմիններում կամ կացարանում՝ հյուրընկալողի կողմից այդ մարմինների անունից։ Այլ կերպ ասած, եթե այց եք ամրագրել այնպիսի տարածաշրջանում, որտեղ դա կիրառելի է, ապա գրանցումը կարող է ձեզնից պահանջել Airbnb-ի միջոցով B&B-ում, հոսթելում, հյուրանոցում կամ այլ կացարանում հյուրընկալողը։
Մենք վստահության վրա հիմնված համայնք ենք։ Այդ վստահությունը վաստակելու համար մենք հստակորեն բացատրում ենք, թե ինչպես ենք օգտագործում ձեր տվյալները։
Միայն Airbnb-ի լիազորված անձնակազմը և կողմնակի լիազորված մատակարարները կարող են օգտվել ձեր ներկայացրած տվյալներից, և բոլոր տեղեկությունները պահվում և փոխանցվում են անվտանգ կերպով։ Մենք ձեզ նույնականացնող տեղեկությունները տրամադրում ենք ծառայություններ մատուցող լիազորված երրորդ անձանց, որոնք ինքնության հաստատման գործընթացում օգնում են ստուգել ձեր ինքնությունը, անձը հաստատող փաստաթղթերի իսկությունը, կենսագրական տվյալները (եթե թույլատրվում է կիրառելի օրենսդրությամբ) և այլն։
Մենք պահպանում ենք ձեր անձը հաստատող պետական փաստաթղթի պատկերները և ինքնության հաստատման գործընթացում հավաքված բոլոր սելֆիները, ինչպես պահանջվում է օրենսդրական պահանջների կատարման, դատավարության, իրավական և անվտանգային հարցերով հետաքննությունների ու հայցերի, անվտանգության և (կամ) օրենքի կիրառման ապահովման նպատակներով։
Նշում. շատ տարածաշրջաններում, այդ թվում՝ Եվրամիությունում, անձը հաստատող պետական փաստաթղթերի պահման ժամկետը երեք տարի է՝ պատկերների ստացման ամսաթվից հաշված, իսկ սելֆիների պահման ժամկետը հաշվի գործողության ժամանակաշրջանն է, եթե այլապես չի պահանջվում ավելի երկար ժամանակ պահել պատկերները, ինչպես նկարագրված է վերևում։
Ձեր անձը հաստատող փաստաթղթի ջնջումից հետո մենք շարունակում ենք ձեր հաշվի կառավարման, օրենսդրական պահանջների կատարման և ընդհանուր անվտանգության նպատակներով պահել որոշ տեղեկություններ, օրինակ՝ ձեր ծննդյան ամսաթիվը։
Մենք ինքնության ստուգման ընթացքում հավաքված տեղեկությունները մշակում ենք մեր Գաղտնիության քաղաքականության մեջ նշված նպատակներով։ Ստորև բերված են հավաքվող տեղեկությունների օրինակներ և դրանց օգտագործման նպատակները։