COVID-19-ի համավարակի ժամանակ կարևոր է հիշել առողջության ու անվտանգության մասին։ Մենք Airbnb-ի հյուրընկալողների և հյուրերի համար ստեղծել ենք COVID-19-ին առնչվող անվտանգության պարտադիր կանոններ՝ հիմնվելով Առողջապահության համաշխարհային կազմակերպության և ԱՄՆ Հիվանդությունների վերահսկման և կանխարգելման կենտրոնների ցուցումների վրա։ Բացի այդ, դուք պետք է COVID-19-ով պայմանավորված անվտանգության ապահովման համար ծանոթ լինեք առողջության և անվտանգության վերաբերյալ ընդհանուր ցուցումներին, շարունակեք տեղեկանալ կառավարության կողմից սահմանված կիրառելի ճամփորդական սահմանափակումներին ու նախազգուշացումներին և հետևեք բոլոր պետական ու տեղական կանոններին։
Airbnb-ն ներկայացրել է ուղեցույցներ և ծրագրեր, որոնք կօգնեն մեղմել առողջությանն ու անվտանգությանն առնչվող մտահոգությունները, սակայն այդ միջոցները չեն կարող վերացնել բոլոր ռիսկերը։ Հատկապես եթե գտնվում եք բարձր ռիսկային խմբի մեջ (օրինակ՝ 65 տարեկանից մեծ եք կամ ունեք առողջական խնդիրներ, ասենք՝ շաքարախտ կամ սրտի հիվանդություն), խորհուրդ ենք տալիս Airbnb-ի միջոցով այց կամ փորձառություն ամրագրելիս ստանալ մասնագիտական ցուցումներ և ձեռնարկել լրացուցիչ նախազգուշական միջոցներ։ Իմացեք ավելին Airbnb փորձառությունների կազմակերպիչների և հյուրերի առողջության և անվտանգության վերաբերյալ ցուցումների մասին։
Եթե դա պահանջվում է տեղական օրենքներով կամ ուղեցույցներով, բոլոր հյուրընկալողներն ու հյուրերը պարտավոր են.
Բոլոր հյուրընկալողներն ու հյուրերը պետք է հյուրերի այցերի միջև ըստ անհրաժեշտության պահպանեն COVID-19-ին առնչվող վերոնշյալ անվտանգության կանոնները՝ ներառյալ Airbnb-ի 5 փուլանի մանրազնին մաքրման գործընթացը։ Այս ցուցումները բազմիցս ոտնահարող ցանկացած հյուրընկալողի կամ հյուրի համար կարող են լինել այլ հետևանքներ՝ ներառյալ հաշվի ժամանակավոր կասեցումը կամ համայնքից հեռացումը։
Մեր համայնքի առողջությունն ու անվտանգությունը պաշտպանելու նպատակով՝ հյուրընկալողները (և բոլոր այն մարդիկ, որոնք կարող են ներկա գտնվել տարածքում այցից առաջ կամ դրա ընթացքում) չպետք է մուտք գործեն իրենց տարածք (տարածքներ) կամ շփվեն իրենց հյուրերի հետ, իսկ հյուրերը չպետք է ժամանեն, եթե ստորև նշվածներից որևէ մեկը ճշմարիտ է.
COVID-19-ի համավարակի ընթացքում պատասխանատու կերպով ճանապարհորդելու վերաբերյալ լրացուցիչ մանրամասներ իմանալու համար աչքի անցկացրեք մեր «Տներ կարանտինի և ինքնամեկուսացման համար» հոդվածը։
Հաճախակի լվացեք ձեռքերը, հատկապես եթե շփվում եք ձեր ամրագրման մեջ չնշված կողմնակի անձանց հետ և ընդհանուր օգտագործման տարածքում դիպչում եք մակերևույթների և պարագաների։
Երբ ընդհանուր օգտագործման տարածքում լինեք (որպես հյուրընկալող կամ հյուր), հետևեք դիմակ կրելու և ամրագրման մեջ չներառված անձանցից սոցիալական հեռավորություն պահպանելու վերաբերյալ ձեր տեղական օրենքներին և ուղեցույցներին։ Հյուրընկալողները պետք է հնարավորության դեպքում տրամադրեն անշփում ժամանման տարբերակ։
Եթե անհարմարություն եք զգում առանձին սենյակում կամ համօգտագործվող տարածքում մնալիս, փոխարենը ամրագրեք ամբողջ տարածքը։ Եթե անհարմար եք զգում առանձին սենյակում կամ համօգտագործվող տարածքում հյուրընկալելիս, կարող եք առաջարկել ձեր ամբողջ տարածքը կամ, եթե դա հնարավոր չէ, դադարեցնել հյուրընկալումը։
Հյուրընկալողները պետք է նաև հետևեն առանձին սենյակներում, համօգտագործվող տարածքներում հյուրընկալման և տարածքը զբաղեցնողների ընդհանուր թվի վերաբերյալ տեղական ցուցումներին։
Առանձին սենյակներում կամ համօգտագործվող տարածքներում հյուրընկալողները պետք է նաև՝
Որոշ կառավարություններ կարող են սահմանափակումներ կիրառել առանձին սենյակներում և համօգտագործվող տարածքներում հյուրընկալելու նկատմամբ կամ կարող են այդ տարածքների համար լրացուցիչ պարտավորություններ կամ պահանջներ պարտադրել։ Ուսումնասիրեք ձեր տեղական իշխանությունների և առողջապահական մարմինների հրապարակած անվտանգության և մաքրման վերաբերյալ լրացուցիչ ցուցումները և հետևեք դրանց։
Եթե վերջերս COVID-19-ի թեստի դրական պատասխան եք ստացել կամ ձեզ մոտ COVID-19-ի որևէ ախտանիշ եք նկատել, դիմեք առողջապահության ոլորտի մասնագետի և այդ մասին տեղեկացրեք հավանաբար վարակված կամ վիրուսի ազդեցությանը ենթարկված բոլոր անձանց, ինչպես նաև՝ համապատասխան տեղական իշխանություններին։