Անցեք առաջ՝ առաջարկվող արդյունքներին ծանոթանալու համար

    Airbnb-ի 5 փուլանի մանրազնին մաքրման գործընթացը

    Հինգ փուլանի մաքրման գործընթացը մաքրման վերաբերյալ կանոնների հավաքածու է, որոնց բոլոր հյուրընկալողները պարտավոր են հետևել հյուրերի այցերի միջև՝ բացի տեղական օրենքների և ուղեցույցների պահանջները բավարարելը։

    Քայլ 1. Պատրաստվեք

    Պատշաճ նախապատրաստվելը կօգնի ձեզ և ձեր թիմին մաքրել ավելի արդյունավետորեն և անվտանգ։ Անպայմանորեն՝

    • հնարավորության դեպքում մաքրելուց առաջ և այդ ընթացքում օդափոխեք տարածքը
    • COVID-19-ի դեմ պայքարելու համար օգտվեք տեղական վերահսկող մարմինների կողմից հաստատված ախտահանիչներից
    • միշտ ուշադիր կարդացեք մաքրող միջոցների վրա նշված ցուցումներն ու զգուշացումները
    • լվացեք կամ ախտահանեք ձեռքերը

    Քայլ 2. Մաքրեք

    Մաքրումը նշանակում է փոշու և կեղտի հեռացում մակերևույթներից, ինչպիսիք են հատակը և կահույքի մակերեսը։ Անպայմանորեն՝

    • մանրէազերծումից առաջ ավլեք, փոշեկուլով մաքրեք և (կամ) սրբեք փոշին
    • հնարավորինս բարձր ջերմաստիճանում լվացեք սպասքը և սպիտակեղենը
    • օճառով և ջրով սրբեք բոլոր պինդ մակերևույթները

    Քայլ 3. Մանրէազերծեք

    Մանրէազերծումը նշանակում է քիմիական նյութերի օգտագործում դռան բռնակների և հեռուստատեսային կառավարման վահանակի մակերևույթների վրա եղած բակտերիաների քանակի նվազեցման նպատակով։ Անպայմանորեն՝

    • հաստատված ախտահանիչ հեղուկով ցողեք բոլոր մակերևույթները, որոնց հաճախ են դիպչում
    • թույլ տվեք, որ անցնի ախտահանիչ ապրանքի պիտակի վրա նշված ժամանակը
    • թույլ տվեք, որ մակերևույթը չորանա օդի ներգործությամբ

    Քայլ 4. Ստուգեք

    Անհատականացված մաքրման ստուգացանկերից օգտվելու համար գնացեք Գաղափարներ > Մաքրում։ Անպայմանորեն՝

    • օգտվելով սենյակ առ սենյակ ստուգացանկերից՝ համոզվեք, որ յուրաքանչյուր այցից առաջ մաքրվում և մանրէազերծվում են բոլոր տարածքները
    • այս լավագույն գործելակերպերով կիսվեք ձեր հյուրընկալման թիմի և մաքրման մասնագետների հետ

    Քայլ 5. Նախապատրաստեք

    Խաչաձև աղտոտումը կանխելու համար կարևոր է ավարտել սենյակի մաքրությունն ու մանրէազերծումը՝ նախքան հաջորդ հյուրի համար այն նախապատրաստելը։ Անպայմանորեն՝

    • լվացեք ձեռքերը նախքան հյուրերի համար նախատեսված պարագաները, անկողնային սպիտակեղենը և մաքրման միջոցների լրակազմերը փոխելը
    • թափեք կամ լվացեք մաքրող պարագաները և պաշտպանիչ հանդերձանքը
    • մանրէազերծելուց հետո այլևս մի մտեք սենյակ
    • յուրաքանչյուր այցից առաջ մաքրեք ձեր սարքավորումները

    Այս գործընթացը հիմնված է Airbnb-ի մաքրման ձեռնարկի վրա, որը մշակվել է մանրէազերծման ու բժշկության ոլորտի մասնագետների խորհուրդներով։

    Ձեր հաշվից կարող եք գնալ Գաղափարներ > Մաքրում և ներբեռնել մաքրման ամբողջական ձեռնարկն ու լրացուցիչ ռեսուրսներ, վարժանքներ և անհատականացված մաքրման ստուգացանկեր։

    Մաքրման գործընթաց իրականացնելու հանձնառությունը պարտադիր է բոլոր հայտարարությունների դեպքում

    Այն հյուրընկալողները, որոնք չեն ընդունում COVID-19-ին առնչվող անվտանգության կանոնները՝ ներառյալ 5 փուլանի մանրազնին մաքրման գործընթացը, չեն կարողանա ընդունել նոր ամրագրումներ։

    Այս կանոնները պահանջում են դիմակի կրում և սոցիալական հեռավորության պահպանում՝ համաձայն տեղական օրենքների կամ ուղեցույցների, և 5 փուլանի մանրազնին մաքրման գործընթացի իրականացում։ Մաքրման ստանդարտները բազմիցս կամ լրջորեն խախտած հյուրընկալողները կարող են նախազգուշացում ստանալ, նրանց հաշիվը կարող է կասեցվել, իսկ որոշ դեպքերում՝ նաև հեռացվել Airbnb հարթակից։

    Հյուրերին տեղեկացրեք մանրազնին մաքրման ուղեցույցին հետևելու ձեր հանձնառության մասին

    Այն բանից հետո, երբ դուք կամ ձեր հյուրընկալող թիմի անդամը ստանձնեք մաքրման գործընթաց իրականացնելու հանձնառություն, մանրազնին մաքրման ուղեցույցին հետևելու հանձնառությունը հյուրերին կցուցադրվի ձեր հայտարարության մեջ։

    Ստացա՞ք ձեզ անհրաժեշտ օգնությունը։

    Առնչվող հոդվածներ