Նոր և բարելավված «Հյուրընկալողների AirCover»

Ամբողջական պաշտպանություն։ Միշտ ներառված է և անվճար։ Միայն Airbnb-ում։
Հեղինակ՝ Airbnb, ամսաթիվ՝ 11 մյս, 2022 թ.
5 րոպե ընթերցում
Թարմացվել է՝ 21 հլս, 2023 թ.

Խմբագրի նշում. այս հոդվածը հրապարակվել է Airbnb 2022 ձմեռային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր վերջին պրոդուկտի թողարկման մասին։

Հյուրընկալողների AirCover-ը տրամադրում է ամբողջական պաշտպանություն ամեն անգամ, երբ Airbnb-ի միջոցով հյուրընկալում եք ձեր տարածքում։ Այժմ այն ներառում է պաշտպանության ավելի շատ միջոցներ՝ հյուրերի ինքնության հաստատում, ամրագրման ստուգում, 3 միլիոն ԱՄՆ դոլարի չափով պաշտպանություն գույքային վնասից, թանկարժեք իրերի պաշտպանություն և ձեր սեփականության տարածքում կայանված ավտոմեքենաների ու նավակների պաշտպանություն։

Հյուրի ինքնության հաստատում

Մեր համայնքի վստահությունը հիմնված է այն բանի վրա, որ և՛ հյուրընկալողները, և՛ հյուրերը հենց նրանք են, ում անունով ներկայանում են։ Մենք ընդլայնում ենք ինքնության հաստատման շրջանակները՝ ընդգրկելու բոլոր հյուրերին, որոնք ամրագրում են ուղևորություններ դեպի Airbnb-ի հիմնական 35 երկրներ և տարածաշրջաններ, ինչը կազմում է բոլոր ամրագրումների 90%-ը։ 2023 թվականի սկզբին մենք ինքնության հաստատման պահանջը կկիրառենք ամբողջ աշխարհում՝ ընդգրկելով մեր ամրագրումների 100%-ը։

Մենք կշարունակենք ԱՄՆ-ում բոլոր հյուրերի կենսագրական տվյալների ստուգումները նախքան նրանց առաջին այցը և կստուգենք, թե արդյոք նրանք ներառված չեն «սև» կամ պատժամիջոցների ցուցակներում։

Հաշվի առնելով հյուրերի ինքնության հաստատման ընդլայնված շրջանակները՝ նաև որոշ փոփոխություններ ենք կատարել ակնթարթային ամրագրման պահանջների մեջ։ Իմանալ ավելին

Լրացուցիչ մանրամասներ հյուրերի ինքնության հաստատման մասին

Ամրագրման ստուգման տեխնոլոգիա

Մենք գործարկում ենք ամրագրման ստուգման սեփական տեխնոլոգիան, որն օգնում է նվազեցնել անհանգստություն պատճառող երեկույթների կազմակերպման և գույքի վնասման հավանականությունը ԱՄՆ-ում և Կանադայում։ Ամրագրման ստուգումը փորձարկել ենք Ավստրալիայում և պարզել, որ չարտոնված երեկույթների քանակը փորձարկման ընթացքում նվազել է մոտ 35%-ով։

Մեր ստուգման տեխնոլոգիան գնահատում է յուրաքանչյուր ամրագրման մոտավորապես 100 գործոն և արգելափակում է որոշակի ամրագրումներ՝ օգնելու նվազեցնել անհանգստություն պատճառող երեկույթների կազմակերպման և գույքի վնասման հավանականությունը։ Նախատեսում ենք 2023 թվականի սկզբից դա կիրառել ամբողջ աշխարհում՝ բոլոր ամրագրումների համար։

Լրացուցիչ մանրամասներ ամրագրումների ստուգման տեխնոլոգիայի մասին

Գույքային վնասից պաշտպանության ավելի շատ միջոցներ

Ավելի քան մեկ տասնամյակ է, ինչ Airbnb-ն ոլորտում առաջատար պաշտպանությունն է առաջարկում հյուրընկալողներին։ Այսօր Հյուրընկալողների AirCover-ում ավելացնում ենք պաշտպանության այս միջոցները.

  • 3 միլիոն ԱՄՆ դոլարի պաշտպանություն գույքային վնասից։ Մենք եռապատկում ենք գույքային վնասից պաշտպանությունը՝ 1 միլիոն ԱՄՆ դոլարից դարձնելով 3 միլիոն ԱՄՆ դոլար, որը կիրառելի է և՛ տան, և՛ այնտեղ եղած ամբողջ գույքի և իրերի նկատմամբ։
  • Արվեստի գործերի և թանկարժեք իրերի պաշտպանություն։ Մենք պաշտպանում ենք կերպարվեստի, ոսկերչական իրերի և հավաքածուների ավելի լայն տեսականի, որոնք կարող են վերանորոգվել կամ փոխարինվել գնահատված արժեքով, եթե վնասվեն։
  • Ավտոմեքենաների և նավակների պաշտպանություն։ Մենք տրամադրում ենք պաշտպանություն ձեր սեփականության տարածքում կայանված կամ պահվող ավտոմեքենաների, նավակների և այլ ջրային փոխադրամիջոցների համար՝ դրանց վնասման դեպքում։

Պաշտպանության նոր միջոցները տրամադրվում են ի հավելումն Հյուրընկալողների AirCover-ում արդեն իսկ ներառված հետևյալ հնարավորությունների.

  • Անվտանգության շուրջօրյա գիծ։ Եթե երբևէ վտանգված զգաք ձեզ, մեր հավելվածը տրամադրում է անվտանգության հարցերով հատուկ պատրաստություն անցած գործակալների ծառայություններից օրվա և գիշերվա ցանկացած ժամի մեկ հպումով օգտվելու հնարավորություն։
  • Պաշտպանություն տնային կենդանիների պատճառած վնասից։ Մենք փոխհատուցում ենք չորքոտանի հյուրերի հասցրած վնասը։
  • Մանրազնին մաքրում։ Մենք փոխհատուցում ենք մաքրման լրացուցիչ ծառայությունների համար, որոնք պահանջվում են բծերը և ծխի հոտը հեռացնելու համար։
  • Եկամուտների պաշտպանություն։ Մենք կփոխհատուցենք կորցրած եկամուտը, եթե հաստատված Airbnb ամրագրումը չեղարկեք հյուրի հասցրած վնասի պատճառով։
Լրացուցիչ մանրամասներ գույքային վնասից հյուրընկալողի պաշտպանության մասին

Փոխհատուցման ավելի պարզ գործընթաց

Դուք մեզ ասել էիք, որ փոխհատուցման գործընթացը չափազանց բարդ է։ Հաշվի առնելով ձեր կարծիքը՝ մենք պարզեցրել ենք փոխհատուցման գործընթացը։

Եթե հյուրը վնաս հասցնի ձեր տարածքին կամ իրերին, կարող եք այցելել Խնդիրների լուծման կենտրոն, որպեսզի փոխհատուցման հայտ ներկայացնեք ընդամենը մի քանի քայլով, հետո հեշտությամբ հետևել գործընթացին հայտի ներկայացումից մինչև վերջնավճար։ Ձեր հայտը նախ կուղարկվի հյուրին։ Եթե հյուրը 24 ժամվա ընթացքում չպատասխանի կամ չվճարի, դուք կկարողանաք խնդիրը կարգավորելու համար ներգրավել Airbnb-ին։

Սուպերտանտերերը (որոնց տարածքներն ԱՄՆ-ի Վաշինգտոն նահանգի սահմաններից դուրս են) նաև ստանում են առաջնահերթ աջակցություն և ավելի արագ փոխհատուցում։

Հյուրընկալողի պատասխանատվության ապահովագրություն 1 միլիոն ԱՄՆ դոլարի չափով

Հյուրընկալողի պատասխանատվության ապահովագրությունը, որը Հյուրընկալողների AirCover-ի մաս է կազմում, ձեզ կպաշտպանի այն հազվագյուտ դեպքում, երբ հյուրը վնասվածք է ստանում, կամ նրա գույքը վնասվում կամ գողացվում է ձեր տարածքում մնալու ընթացքում։ Նրանք, ովքեր օգնում են ձեզ հյուրընկալել, օրինակ՝ համահյուրընկալողները և հավաքարարները, նույնպես ընդգրկված են այս ծածկույթում։

Հյուրընկալողի պատասխանատվության ապահովագրությունը փոխհատուցում է ձեզ, եթե դուք օրինական պատասխանատվություն եք կրում հետևյալի համար՝

  • հյուրի (կամ այլ անձանց) մարմնական վնասվածք
  • հյուրին (կամ այլ անձանց) պատկանող գույքի վնասվածք կամ գողություն
  • հյուրի (կամ այլ անձանց) կողմից պատճառված վնաս ընդհանուր տարածքներին, օրինակ՝ շենքի նախասրահին կամ մոտակայքում գտնվող սեփականություններին

Եթե հարկավոր է հայց ներկայացնել, պարզապես օգտագործեք պատասխանատվության ապահովագրության ընդունման ձևը։ Մենք ձեր տրամադրած տեղեկությունները կուղարկենք կողմնակի վստահելի ապահովագրողի, որը ձեր հայցը կփոխանցի որևէ ներկայացուցչի։ Նա լուծում կտա հայցին՝ համաձայն ապահովագրական պոլիսի պայմանների։

Եթե դուք փորձառություն եք հյուրընկալում, ապա ապահովագրված եք Փորձառություն հյուրընկալողի պատասխանատվության ապահովագրությամբ։

Ավելին իմանալ Հյուրընկալողի պատասխանատվության ապահովագրության մասին

Հյուրընկալողների AirCover-ի Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տարածքներ կամ փորձառություններ են առաջարկում Ճապոնիայում, որտեղ գործում են Ճապոնիայում հյուրընկալողի ապահովագրությունը և Ճապոնիայում Փորձառությունների պաշտպանության ապահովագրությունը, կամ այն հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Այն հյուրընկալողների համար, որոնք տարածքներ կամ փորձառություններ են առաջարկել մայրցամաքային Չինաստանում, գործում է Չինաստանում հյուրընկալողների պաշտպանության պլանը։ Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով։

Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը երաշխավորված են կողմնակի ապահովագրական ընկերությունների կողմից։ Եթե հյուրընկալում եք Միացյալ Թագավորությունում, ապա Հյուրընկալողի պատասխանատվության և Փորձառություն հյուրընկալողի պատասխանատվության ապահովագրության պոլիսները երաշխավորված են Zurich Insurance Company Ltd.-ի կողմից և Միացյալ Թագավորության հյուրընկալողների համար կազմակերպվում ու կնքվում են առանց լրացուցիչ ծախսերի՝ Airbnb UK Services Limited-ի կողմից, որը Ֆինանսական վերահսկողության վարչության (FCA) կողմից թույլատրված և կարգավորվող Aon UK Limited ընկերության նշանակված ներկայացուցիչն է։ Aon-ի FCA գրանցման համարը 310451 է։ Դա կարող եք ստուգել՝ այցելելով Ֆինանսական ծառայությունների ռեգիստր կամ կապվելով FCA-ի հետ 0800 111 6768 հեռախոսահամարով։ «Հյուրընկալողների AirCover» ծրագրի շրջանակներում Հյուրընկալողի պատասխանատվության և Փորձառություն հյուրընկալողի պատասխանատվության պոլիսները կարգավորվում են Ֆինանսական վերահսկողության վարչության կողմից, իսկ մնացած պրոդուկտներն ու ծառայությունները Airbnb UK Services Limited ընկերության կողմից տրամադրված կարգավորվող պրոդուկտներ չեն։ FPAFF609LC

Հյուրընկալողի պաշտպանությունը գույքային վնասից ապահովագրություն չէ և կապված չէ Հյուրընկալողի պատասխանատվության ապահովագրության հետ։ Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ Այն հյուրընկալողների համար, որոնց բնակության կամ գործունեության երկիրը Ավստրալիան չէ, գործում են «Հյուրընկալողի պաշտպանություն գույքային վնասից» ծրագրի այս պայմանները։ Այն հյուրընկալողների համար, որոնց բնակության կամ գործունեության երկիրը Ավստրալիան է, hյուրընկալողի պաշտպանությունը գույքային վնասից կարգավորվում է Ավստրալիայի օգտատերերի համար մշակված «Հյուրընկալողի պաշտպանություն գույքային վնասից» ծրագրով։

Այս հոդվածում պարունակվող տեղեկությունները կարող են փոխված լինել հրապարակումից հետո։

Airbnb
11 մյս, 2022 թ.
Հոդվածն օգտակա՞ր էր։