Գրավեք հյուրերին արագ և հուսալի Wi-Fi-ի միջոցով

Շատ հյուրերի իրենց ուղևորության ընթացքում հարկավոր է արագ ինտերնետ՝ հատկապես եթե հոսքային եղանակով հեռարձակում են տեսանյութեր կամ աշխատում են հեռավար։ Իրականում, հյուրերը Wi-Fi են որոնում ավելի հաճախ, քան Airbnb-ի գրեթե ցանկացած այլ հարմարություն։*

Հայտարարության մեջ գերարագ Wi-Fi ավելացնելու դեպքում այն կհայտնվի որոնման արդյունքներում։ Կարող եք կապի արագությունը ստուգել Wi-Fi-ի արագության ստուգման միջոցով։

Wi-Fi-ի արագությունը ստուգելու համար հարկավոր է լինել տարածքում։ Համոզվեք, որ միացած եք Wi-Fi ցանցին և iOS կամ Android սարքում մտել եք Airbnb հավելված։ 

Գնացեք Հայտարարությունների ներդիր և ընտրեք անհրաժեշտ հայտարարությունը։ Հպեք «Հարմարություններ» և կատարեք հետևյալ քայլերը․

• Հպեք պլյուս (+) նշանին՝ Wi-Fi-ը որպես հարմարություն ավելացնելու համար, կամ հպեք Փոփոխել, եթե արդեն ավելացրել եք այն։ 
• Հպեք Սկսել ստուգումը (գուցե անհրաժեշտ լինի տրամադրել մուտք դեպի ձեր ցանց)։
• Երբ երևան արդյունքները, հպեք Ավելացնել հայտարարության մեջ, որպեսզի ձեր Wi-Fi-ի տվյալները ցուցադրվեն հայտարարության մեջ։

Wi-Fi-ի արագությունը հայտարարության մեջ ավելացնելուց հետո հյուրերը կտեսնեն, որ ձեր տարածքում այն առաջարկվում է որպես հարմարություն։ Եթե ցուցմունքը 50 Մբիթ/վ է կամ ավելի, ձեր հայտարարության վերին մասում կհայտնվի նաև «գերարագ Wi-Fi» նշանը։

Wi-Fi-ի արագության ստուգման միջոցով չափվում է կապի արագությունը՝ վայրկյանում մեգաբիթերով արտահայտված։ Ահա հնարավոր տարբեր ցուցմունքներ։

• 50+ Մբիթ/վ՝ գերարագ Wi-Fi։ Հյուրերը կարող են հոսքային եղանակով հեռարձակել 4K տեսանյութեր և տեսազանգերի միանալ մեկից ավելի սարքերով։ 
• 25–49 Մբիթ/վ՝ լավ Wi-Fi։ Հյուրերը կարող են հոսքային եղանակով հեռարձակել ավելի բարձր որակի 4K տեսանյութեր և միանալ տեսազանգերի։
• 7–24 Մբիթ/վ՝ կայուն Wi-Fi։ Հյուրերը կարող են հոսքային եղանակով հեռարձակել HD տեսանյութեր։
• 1–6 Մբիթ/վ՝ դանդաղ Wi-Fi։ Հյուրերը կարող են ստուգել հաղորդագրությունները և աչքի անցկացնել համացանցային կայքեր։
• Ցուցմունքի բացակայություն․ դուք կա՛մ չունեք Wi-Fi ցանց, կա՛մ չեք կարող միանալ։ Փորձեք վերագործարկել երթուղավորիչը կամ տեղափոխվեք ձեր սեփականության մեկ այլ տարածք։

Իմանալ ավելին ինտերնետի արագության ստուգման մասին

*Ըստ Airbnb-ի ներքին տվյալների, որոնցով չափվել են 2024 թվականի հունվարի 1-ից մինչև դեկտեմբերի 31-ն ամբողջ աշխարհում հյուրերի կողմից ամենահաճախ որոնված հարմարությունները։

Այս հոդվածում պարունակվող տեղեկությունները կարող են փոխված լինել հրապարակումից հետո։