Ինչ է պետք իմանալ տնային կենդանիներ հյուրընկալելու մասին

Շատ հյուրեր ճանապարհորդում են ընտանիքով, ինչը նշանակում է, որ իրենց հետ հաճախ բերում են տնային կենդանիներ։ Գիտենք, որ տնային կենդանիներ ընդունելը ոչ միշտ է հնարավոր։ Բայց, եթե ի վիճակի եք ձեր տարածքը դարձնել տնային կենդանիների համար հարմար, կարող եք տնային կենդանու վճար ավելացնել մեկ գիշերվա գնին։

Կարող եք տնային կենդանու վճար գանձել տնային կենդանիների հետ եկող հյուրերին ընդունելուց հետո մաքրման աշխատանքների (օրինակ՝ կահույքի վրայից մազերը փոշեկուլով հեռացնելու և ապակե սահող դռների վրայից քթի կամ թաթերի հետքերը մաքրելու) ծախսը փոխհատուցելու նպատակով։

Երբ տնային կենդանու վճար եք ավելացնում, այն ներառվում է ձեր մեկ գիշերվա գնի մեջ և հավասարաչափ բաշխվում ամրագրման գիշերների միջև։ Վճարման ժամանակ այն ներառված է ընդհանուր գնի մեջ և չի գանձվում առանձին։

Շատ տնային կենդանիներ սովոր են ճանապարհորդել իրենց տերերի հետ և չեն պահանջում լրացուցիչ հյուրընկալություն։ Սակայն, եթե ձեր տարածքում թույլատրում եք տնային կենդանիներ, օգտակար կլինի տրամադրել՝

• տնային կենդանիների սննդի և ջրի ամաններ
• տնային կենդանիների համար նախատեսված կահույքի ծածկոցներ
• բազմաթիվ սրբիչներ՝ դռան մոտ կենդանիների թաթերը սրբելու համար
• ճանկերի սրիչ և կատվի զուգարան (կարող է լինել նաև ստվարաթղթից պատրաստված)
• մաքրման լրացուցիչ պարագաներ

Տնային կենդանիների հետ ճամփորդող հյուրերը գուցե ցանկանան իմանալ, թե ինչ ակնկալեն ձեր տարածքից, օրինակ՝ արդյոք այն ունի ցանկապատված բակ կամ մասնավոր պատիո։ Անպայման նշեք տնային կենդանիների համար նախատեսված հարմարություններ, որոնք առկա են ձեր տարածքում։

Ուրիշ ինչ կարող եք անել, որպեսզի ձեր տարածքը հարմար լինի տնային կենդանիների հետ այցելելու համար.

• Թարմացրեք ձեր տան կանոնները։ Տեղեկացրեք հյուրերին, թե քանի տնային կենդանի եք թույլատրում մեկ այցի ընթացքում (մեկից հինգ)։ Տան կանոններում հստակեցրեք, թե ինչպիսի տնային կենդանիներ եք թույլատրում, արդյոք նորմալ է ձեր տարածքում տնային կենդանուն առանց հսկողության թողնելը, սեփականության որ հատվածը չի կարող մուտք գործել տնային կենդանին, երբ պետք է տնային կենդանին լինի վզափոկով, և որտեղ կարելի է թափել տնային կենդանու արտաթորանքները։
• Թարմացրեք ուղեցույցը։ Ներառեք խորհուրդներ շների համար նախատեսված զբոսայգիների, անասնաբույժների և կենդանաբանական խանութների վերաբերյալ։ Կարող եք նաև առաջարկել տնային կենդանիների սպասարկման ծառայություններ և կացարաններ։

Մաքրման վճարները և տնային կենդանու վճարները նախատեսված են ակնկալվող ծախսերը ծածկելու համար։ Բայց որքան էլ լավ վարժեցված կամ դաստիարակված լինի հյուրի տնային կենդանին, երբեմն պատահարներ են լինում։

Չնախատեսված ծախսերի համար (փափուկ կահույքի պաստառների քերծվածքներ կամ տնային կենդանիների պատճառով առաջացած բծեր) գործում է Հյուրընկալողի պաշտպանություն գույքային վնասից ծրագիրը, որը Հյուրընկալողների AirCover-ի մաս է կազմում։ Անպայման լուսանկարեք ցանկացած վնաս և փոխհատուցում պահանջեք մեր Խնդիրների լուծման կենտրոնի միջոցով։

Կարևոր է հասկանալ, որ ուղեկցող կենդանիները «տնային կենդանիներ» չեն։ Սովորաբար, ուղեկցող կենդանի է շունը, որն անհատապես վարժեցված է հաշմանդամություն ունեցող մարդու համար աշխատանք կամ առաջադրանքներ կատարելու նպատակով։

Հուզական աջակցություն տրամադրող կենդանին այն կենդանին է, որն անձին տրամադրում է հուզական աջակցություն կամ օժանդակություն՝ նրան օգնելով հաղթահարել հաշմանդամության ախտանիշները կամ հետևանքները։ Հուզական աջակցություն տրամադրող կենդանիները, որպես կանոն, տանը պահվող կենդանիներ են, օրինակ՝ շներ կամ կատուներ։ Ի տարբերություն ուղեկցող կենդանու՝ պարտադիր չէ հուզական աջակցություն տրամադրող կենդանուն վարժեցնել հաշմանդամություն ունեցող անձի համար աշխատանք կամ առաջադրանքներ կատարելու նպատակով։

Նույնիսկ եթե չունեք տնային կենդանիներ ընդունելու կանոն, դուք պետք է առանց տնային կենդանու վճար գանձելու թույլ տաք, որ ուղեկցող կենդանին ուղեկցի իր տիրոջը՝ բացի այն դեպքից, երբ բացառություն է արվել ձեզ համար։

Այս ցուցումները վերաբերում են նաև հուզական աջակցություն տրամադրող կենդանիներ ունեցող հյուրերին ցանկացած վայրում, որտեղ գործող օրենսդրությամբ պահանջվում է, որ հյուրընկալողներն ընդունեն հուզական աջակցություն տրամադրող կենդանիներ։ Եթե ձեր տարածքն այդ վայրերից մեկում չէ, ապա կարող եք տնային կենդանու վճար գանձել հուզական աջակցություն տրամադրող կենդանու համար կամ նրա նկատմամբ կիրառել տնային կենդանիներ չընդունելու վերաբերյալ կանոնը։

Լրացուցիչ տեղեկություններ Airbnb-ի «Հասանելիության վերաբերյալ քաղաքականության» մասին

Հյուրընկալողի պաշտպանությունը գույքային վնասից ապահովագրական պոլիս չէ և կարգավորվում է այս դրույթներով, պայմաններով և սահմանափակումներով։ Այն չի պաշտպանում հյուրընկալողներին, որոնք տարածքներ են առաջարկում Ճապոնիայում, որտեղ գործում է Ճապոնիայի հյուրընկալողների ապահովագրությունը, կամ հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Այն հյուրընկալողների համար, որոնց բնակության կամ գործունեության երկիրը Ավստրալիան է, հյուրընկալողի պաշտպանությունը գույքային վնասից կարգավորվում է Ավստրալիայի օգտատերերի համար մշակված «Հյուրընկալողի պաշտպանություն գույքային վնասից» ծրագրով։ Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով։

Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ «Հյուրընկալողի պաշտպանություն գույքային վնասից» ծրագիրը կապ չունի Հյուրընկալողի պատասխանատվության ապահովագրության հետ։ «Հյուրընկալողի պաշտպանություն գույքային վնասից» ծրագիրը փոխհատուցում է հյուրերի կողմից տանը և իրերին հասցված որոշ վնասներ, եթե հյուրը չի փոխհատուցում այդ վնասները։

Այս հոդվածում պարունակվող տեղեկությունները կարող են փոխված լինել հրապարակումից հետո։