Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Հարմարություններ ավելացնելն ու փոփոխելը երբեք այսքան հեշտ չեն եղել

Մենք ներկայացրել ենք հարմարությունների նոր տարբերակներ և դրանք ձեր հայտարարության մեջ ավելացնելու նոր եղանակներ։
Հեղինակ՝ Airbnb, ամսաթիվ՝ 7 դեկ, 2020 թ.
2 րոպե ընթերցում
Թարմացվել է՝ 15 հնս, 2021 թ.

Առանձնահատկություններ

  • Մենք ավելացրել ենք հարմարությունների 40-ից ավելի նոր տարբերակներ, որպեսզի հյուրերն իմանան՝ ինչ ակնկալել

  • Այժմ կարող եք գրավել այնպիսի հյուրերի, որոնք փնտրում են «գեղեցիկ տեսարանների» և «լողափի հասանելիության» պես հարմարություններ, ինչպես նաև մանրամասներ, թե, օրինակ, ինչ տեսակի սրճեփ մեքենա եք տրամադրում

  • Նոր դասավորության միջոցով ավելի հեշտացրել ենք նաև հայտարարության մանրամասների փոփոխումը

Տարածքի մանրուքները՝ հյուրին մատուցվող սուրճի տեսակից մինչև նրան ամեն առավոտ ողջունող տեսարանը, կարող են հսկայական ազդեցություն ունենալ ուղևորության վրա։ Մենք ուզում ենք ձեզ համար հեշտացնել պոտենցիալ հյուրերին ձեր տարածքի առաջարկած հատուկ հարմարությունների մասին տեղեկացնելը՝ օգնելով սահմանել ակնկալիքներ և ապահովել հինգաստղանի այց։ Ահա թե ինչու ենք ավելացրել 40-ից ավելի նոր հարմարությունների տարբերակներ՝ գումարած ավելի կոնկրետ լինելու և ձեր տարածքի մանրամասները փոփոխելու նոր եղանակներ։

Հյուրերը կարող են որոնել հատուկ հարմարություններով տարածքներ, ուստի այս նոր գործառույթները կօգնեն գրավել ձեր տարածքի համար կատարյալ հյուրերի։

Ցուցադրեք տեսարանով սենյակ

Մանրամասնությունը, որով դուք ամենից շատ եք հպարտանում, կարող է լինել ձեր հյուրասենյակի պատուհանից բացվող անտառային տեսարանը կամ արևային սենյակից երևացող օվկիանոսի համայնապատկերը, ուստի մենք հարմարություններում ավելացրել ենք «գեղեցիկ տեսարան» տարբերակը։ Այժմ կարող եք այնպես անել, որ ձեր տունն աչքի ընկնի՝ լեռան տեսարանով, լճի տեսարանով կամ նույնիսկ լճի մասնակի տեսարանով։ Հյուրերը կկարողանան գտնել հայտարարություններ, որոնցում պատկերված են իրենց նախընտրած բնատեսարանները, իսկ դուք կկարողանաքձևավորել իրատեսական ակնկալիքներ այդ տեսարանի վերաբերյալ։

Կարող եք գեղեցիկ տեսարան ավելացնել «Կառավարեք ձեր տարածքը» ներդիրի «Տարածքի մանրամասներ» բաժնում։ Պարզապես ընտրեք ձեր հայտարարությունը՝ այն փոփոխելու համար։

Ընտրեք 40-ից ավելի նոր հարմարություններից

Անկախ այն բանից՝ ձեր տարածքն առանձնանում է բացօթյա խոհանոցով, պատիոյով, թե առավոտյան սմուզիների համար նախատեսված բլենդերով, հյուրերն ուզում են իմանալ այդ մասին։ Ահա հարմարությունների մի քանի նոր տարբերակներ, որոնցից կարող եք ընտրել.

  • լողափի հասանելիություն
  • հանգստավայրի հասանելիություն
  • մարզասարքեր
  • ցանցաճոճ
  • ընթերցանության նյութեր

Եթե հյուրերը գիտեն, թե ինչ ակնկալեն իրենց այցի ընթացքում, կարող են նախապես պլանավորել։ Ակնկալիքները սահմանելը ամենակարևորն է. մեր սուպերտանտերերն ասում են, որ ձեր տարածքը կարող է կատարյալ չլինել, բայց կարևոր է հյուրերին ճշգրտորեն ասել, թե ինչ կգտնեն ժամանելիս։

Մենք խմբավորել ենք առավել սիրված հարմարությունները, որպեսզի ձեզ օգնենք մի հայացքով գտնել և ընտրել դրանք։ Օրինակ, այժմ կարող եք նշել, որ ձեր տարածքում կան Wi-Fi, հեռուստացույց, հատուկ աշխատանքային տարածք, լվացքի մեքենա, օդորակիչ և այլն, և այդ ամենը՝ մեկ բաժնում։

Մենք շարունակել ենք խմբավորել հարմարություններն ըստ տարածքների, այնպես որ առաջվա պես կարող եք միանգամից ընտրել ձեր խոհանոցի բոլոր հարմարությունները, բայց ավելացրել ենք սիրված հարմարությունների բաժինը, որպեսզի է՛լ ավելի պարզեցվի հյուրերին տեղեկացնելը, որ ունեք առավել հաճախ որոնվող առանձնահատկությունները։

Հյուրերին տեղեկացրեք առանձնահատկությունների մասին

Նախկինում Airbnb-ում կարող էիք «հարմարություններ» գործառույթն օգտագործել հյուրերին տեղեկացնելու համար, որ առաջարկում եք հատուկ աշխատանքային տարածք կամ պատիոյի պես բացօթյա տարածք։ Իսկ այժմ կարող եք է՛լ ավելի շատ մանրամասներ ներկայացնել պոտենցիալ հյուրերին։ Օրինակ, կարող եք հեռավար աշխատողներին օգնել գտնել իրենց համար իդեալական տարածք՝ նշելով, որ այն ունի աշխատասեղան, մոնիտոր, գրասենյակային աթոռ կամ սեղան, և հյուրերին տեղեկացնել պատիոյի մասնավոր կամ ընդհանուր լինելու մասին։

Կարող եք նաև հավելյալ մանրամասներ ներկայացնել մի քանի այլ հարմարությունների վերաբերյալ, այդ թվում՝

  • Հոսքային հեռարձակման ծառայություններ և սարքեր, այդ թվում՝ Apple TV, Netflix, Disney+ և այլն
  • Սրճեփ մեքենա՝ կաթիլային, Keurig կամ էսպրեսո սուրճի ապարատ
  • Մանղալ՝ փայտածխից մինչև փայտի այրմամբ աշխատող
  • Ներսի բուխարի, օրինակ՝ էլեկտրական կամ փայտի այրմամբ աշխատող
  • Ջեռուցման և հովացման համակարգեր

Եթե ձեր տարածքի հարմարությունները փոխվել են, այժմ ավելի հեշտ է արագորեն թարմացնել դրանք, ինչը ձեզ թույլ կտա շարունակել կենտրոնանալ ձեր հիմնական գործի՝ հյուրերին հիանալի հյուրասիրություն տրամադրելու վրա։

Այս հոդվածում պարունակվող տեղեկությունները հրապարակումից հետո կարող են փոխված լինել

Առանձնահատկություններ

  • Մենք ավելացրել ենք հարմարությունների 40-ից ավելի նոր տարբերակներ, որպեսզի հյուրերն իմանան՝ ինչ ակնկալել

  • Այժմ կարող եք գրավել այնպիսի հյուրերի, որոնք փնտրում են «գեղեցիկ տեսարանների» և «լողափի հասանելիության» պես հարմարություններ, ինչպես նաև մանրամասներ, թե, օրինակ, ինչ տեսակի սրճեփ մեքենա եք տրամադրում

  • Նոր դասավորության միջոցով ավելի հեշտացրել ենք նաև հայտարարության մանրամասների փոփոխումը
Airbnb
7 դեկ, 2020 թ.
Հոդվածն օգտակա՞ր էր։