Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Առողջության և անվտանգության վերաբերյալ ցուցումներ վերաբացված տարածաշրջաններում փորձառություններ հյուրընկալելու համար

Այս ցուցումները կօգնեն անվտանգ և հաճելի փորձառություն տրամադրել հյուրերին։
Հեղինակ՝ Airbnb, ամսաթիվ՝ 22 նոյ, 2021 թ.
4 րոպե ընթերցում
Թարմացվել է՝ 22 նոյ, 2021 թ.

Առանձնահատկություններ

  • Ցուցումների նպատակը վարակման հնարավորությունը սահմանափակելն է

  • Առաջվա պես խրախուսվում են դիմակի կրումն ու սոցիալական հեռավորության պահպանումը

  • Հյուրընկալողներին խորհուրդ ենք տալիս փոխել փորձառությունների նկատմամբ մոտեցումը՝ նախապատվություն տալով հիգիենային, սահմանափակելով ֆիզիկական շփումը և հնարավորության դեպքում օգտագործելով բացօթյա տարածքներ։

Քանի որ աշխարհը վերաբացվում է, և փորձառությունները վերսկսվում են COVID-19-ով պայմանավորված փակումներից հետո, բոլորիս համար կարևոր է գործել պատասխանատու կերպով և պահպանել յուրաքանչյուրիս առողջությունն ու անվտանգությունը։ Դա հաշվի առնելով՝ մենք ստեղծել ենք COVID-19-ի պայմաններում առողջության և անվտանգության պահպանման վերաբերյալ մի շարք ցուցումներ Airbnb փորձառություններ հյուրընկալողների համար՝ հիմնվելով այնպիսի փորձագիտական կազմակերպությունների ուղեցույցների վրա, ինչպիսիք են Առողջապահության համաշխարհային կազմակերպությունը և ԱՄՆ Հիվանդությունների վերահսկման և կանխարգելման կենտրոնները։

COVID-19-ին առնչվող անվտանգության պահանջներ՝ հյուրընկալողների համար

  • Կրեք դիմակ և պահպանեք սոցիալական հեռավորություն, եթե դա պահանջվում է տեղական օրենքներով և ուղեցույցներով։
  • Փորձառության մասնակիցների առավելագույն թիվը սահմանափակեք 10-ով՝ ներառյալ հյուրընկալողները կամ համահյուրընկալողները։
  • Փորձառության ընթացքում և յուրաքանչյուր միջոցառումից հետո ձեր տարածքն ու սարքավորումները մաքրելիս հետևեք Airbnb-ի մաքրման ցուցումներին։ Իմանալ ավելին։

Լրացուցիչ ցուցումներ COVID-19-ի ժամանակ հյուրընկալման վերաբերյալ

Airbnb-ն ներկայացրել է ուղեցույցներ և ծրագրեր, որոնք կօգնեն մեղմել առողջությանն ու անվտանգությանն առնչվող մտահոգությունները, սակայն այդ միջոցները չեն կարող վերացնել բոլոր ռիսկերը։ Հատկապես եթե գտնվում եք ավելի բարձր ռիսկային խմբի մեջ (օրինակ՝ 65 տարեկանից մեծ եք կամ ունեք առողջական խնդիրներ, ասենք՝ շաքարախտ կամ սրտի հիվանդություն), խորհուրդ ենք տալիս Airbnb-ի միջոցով փորձառություն հյուրընկալելու որոշում կայացնելիս ստանալ մասնագիտական ցուցումներ և ձեռնարկել լրացուցիչ նախազգուշական միջոցներ։

Մի ճանապարհորդեք կամ հյուրընկալեք, եթե վերջերս շփվել եք COVID-19-ով վարակվածի հետ կամ ունեք ախտանշաններ

Ի պաշտպանություն մեր համայնքի առողջության և անվտանգության՝ Airbnb-ն վարում է հետևյալ քաղաքականությունը. հյուրընկալողները (և համահյուրընկալողները) չպետք է կազմակերպեն առաջիկա փորձառություններ կամ մասնակցեն դրանց, իսկ հյուրերը չպետք է մասնակցեն որևէ փորձառության, եթե ստորև նշվածներից որևէ մեկը ճշմարիտ է.

  • Վերջին 14 օրվա ընթացքում վարակված եք եղել COVID-19-ով, կամ թեստի պատասխանը դրական է եղել
  • Դուք կասկածում եք, որ հիվանդ եք, կամ շփվել եք վարակակրի հետ և սպասում եք COVID-19-ի թեստի արդյունքներին
  • Դուք ունեք ախտանիշներ կամ COVID-19-ով վարակված լինելու մտավախություն
  • Վերջին 14 օրվա ընթացքում սերտ և կայուն շփում եք ունեցել որևէ անհատի հետ, որի մոտ հաստատվել կամ կասկածվում է COVID-19-ով վարակվածություն

Մտածեք փորձառությունների նկատմամբ մոտեցումը փոխելու մասին

Հնարավոր է՝ անհրաժեշտ լինի հարմարեցնել ձեր փորձառությունն ու տարածքը՝ համաձայն առողջության և անվտանգության վերաբերյալ ցուցումների։

Ահա որոշ բաներ, որոնք պետք է հաշվի առնել.

  • Ֆիզիկական շփում. Փոխեք միջոցառումը՝ հյուրերի, ինչպես նաև հյուրընկալողի և հյուրերի միջև ֆիզիկական շփումից խուսափելու համար։
  • Հիգիենա․Հյուրերին տվեք փորձառության ընթացքում լվացվելու հնարավորություն և բերեք ձեռքերի լրացուցիչ ախտահանիչ միջոցներ։ Հյուրերի յուրաքանչյուր այցից հետո մանրէազերծեք սարքավորումները (խոհանոցային գործիքներ, փրկարարական բաճկոններ, աթոռներ և այլն) ինչպես փորձառության ժամանակ, այնպես էլ միջոցառումների միջև ընկած ժամանակահատվածում։
  • Տեղադրություն․
    • Շինության ներսում անցկացվող փորձառությունների դեպքում սահմանափակեք հյուրերի տեղաշարժը և նրանց թույլ տվեք մտնել ձեր տան միայն անհրաժեշտ տարածքները։ Դա կօգնի նվազեցնել ձեր և հյուրերի վարակման վտանգն ու նրանց մեկնումից հետո մաքրման և մանրէազերծման ենթակա տարածքների քանակը։
    • Դիտարկեք փորձառությունը բացօթյա տարածք տեղափոխելու տարբերակը կամ փոխեք հանդիպման վայրն ու ձեր այցելած վայրերը, որպեսզի խուսափեք բազմությունից։ Մտածեք տրանսպորտային փոխադրման տարբերակների մասին, որպեսզի խուսափեք պիկ ժամերից կամ ուղևորության ընթացքում հյուրերի հետ սերտ շփումից։
    • Եթե մտադիր եք այցելել հանրային տարածքներ (օրինակ՝ հուշարձաններ, զբոսայգիներ, քաղաքի կենտրոն և այլն), անպայման ծանոթացեք տեղական ցուցումներին և առողջապահական խորհուրդներին ինչպես ամրագրումներ ստանալու ժամանակ, այնպես էլ հյուրընկալելուց առաջ, որպեսզի ապահովեք համապատասխանությունը պահանջներին։ Որոշ վայրեր մուտք գործելու համար այժմ որոշ պահանջներ կան, այդ թվում՝ պատվաստման հավաստագրի։ Բացի այդ, խորհուրդ ենք տալիս հյուրերին ավելի շատ տեղաշարժվել՝ նստած մնալու փոխարեն։
  • Սնունդ և խմիչք.
    • Եթե ձեր փորձառության ժամանակ նախատեսված է սննդի կամ խմիչքի ընդունում, ապահովեք սոցիալական հեռավորության պահպանում մասնակիցների միջև, երբ նրանք սնունդ կամ խմիչք են օգտագործում։
    • Հնարավորության դեպքում հյուրերը պետք է ուտելիք կամ ըմպելիքներ սպառեն բաց օդում կամ իրենց տանը։
    • Խուսափեք սննդի կամ խմիչքի ինքնասպասարկման տարբերակներ առաջարկելուց։ Ընտանեկան ճաշկերույթի և շվեդական սեղանների փոխարեն՝ ընտրեք կերակուրների անհատական մատուցման տարբերակը։
    • Օգտագործեք սննդի մատուցման միանգամյա օգտագործման պարագաներ՝ ներառյալ սպասքը և ամանեղենը։ Եթե դա հնարավոր չէ, ապահովեք բազմակի օգտագործման բոլոր պարագաների մատուցում ձեռնոցներով և լվացում սպասքի օճառով և տաք ջրով կամ ամանալվաց մեքենայով։
  • Օդափոխում․ Շինության ներսում հյուրընկալելիս համոզվեք, որ օդափոխության համակարգերը սարքին են, և հնարավորինս մեծացրեք դրսի օդի շրջանառությունը՝ բացելով պատուհաններն ու դռները։

Փորձառության էջը թարմացնելիս նկատի ունեցեք մեր Բովանդակության նկատմամբ կիրառվող քաղաքականությունը և կորոնավիրուսը ուղեցույցի դրույթները։ Կարող եք ասել, որ լրացուցիչ նախազգուշական միջոցներ եք ձեռնարկում, բայց չեք կարող հաստատապես պնդել փորձառության «լրիվ պաշտպանվածությունը COVID-ից» կամ օգտագործել նմանատիպ ձևակերպում։

Ինչ ենք խնդրում հյուրերից

Մենք նաև տրամադրում ենք ուղեցույցներ փորձառությունների մասնակցող հյուրերի համար։ Հյուրերից պահանջվում է հետևել տեղական օրենքներին և ուղեցույցներին, լվանալ ձեռքերը, բերել ձեռքերի ախտահանիչ միջոց, պահպանել անվտանգ ֆիզիկական հեռավորություն և՛ ձեզնից, և՛ մյուս հյուրերից, չեղարկել ու մնալ տանը, եթե հիվանդ են։ Դուք իրավունք ունեք պահանջելու, որ հյուրը լքի փորձառությունը, եթե նա հրաժարվի հետևել տեղական օրենքներին կամ ուղեցույցներին։

Անվտանգության վերաբերյալ մեր ցուցումների համաձայն հյուրընկալմանը նախապատրաստվելուց առաջ ուսումնասիրեք Հյուրի փոխհատուցման քաղաքականությունը։ Նկատի ունեցեք, որ հյուրերը կարող են քաղաքականության համաձայն հետ ստանալ գումարներ, երբ հյուրընկալողներն անձամբ չեն հետևում անվտանգության վերաբերյալ ցուցումներին կամ դա չեն պարտադրում բոլոր հյուրերին։

Ինչ անել, եթե ձեր կամ հյուրերի COVID-19-ի թեստի պատասխանը դրական լինի

Եթե վերջերս COVID-19-ի թեստի դրական պատասխան եք ստացել կամ ձեզ մոտ COVID-19-ի որևէ ախտանիշ եք նկատել, այդ մասին տեղեկացրեք հավանաբար վարակված կամ վիրուսի ազդեցությանը ենթարկված բոլոր անձանց, ինչպես նաև՝ համապատասխան տեղական իշխանություններին։

Եթե հյուրին ընդունելուց հետո նա կապ է հաստատում ձեզ հետ և ասում, որ ինքը COVID-19-ի թեստի դրական պատասխան է ստացել կամ շփվել է դրական պատասխան ստացած որևէ անձի հետ, նրան խորհուրդ տվեք դիմել մեզ։

Առանձնահատկություններ

  • Ցուցումների նպատակը վարակման հնարավորությունը սահմանափակելն է

  • Առաջվա պես խրախուսվում են դիմակի կրումն ու սոցիալական հեռավորության պահպանումը

  • Հյուրընկալողներին խորհուրդ ենք տալիս փոխել փորձառությունների նկատմամբ մոտեցումը՝ նախապատվություն տալով հիգիենային, սահմանափակելով ֆիզիկական շփումը և հնարավորության դեպքում օգտագործելով բացօթյա տարածքներ։

Airbnb
22 նոյ, 2021 թ.
Հոդվածն օգտակա՞ր էր։