Airbnb-ի Բովանդակության քաղաքականություն

Airbnb-ում բովանդակություն հրապարակելով՝ դուք ընդունում եք այս քաղաքականությունը։ Բովանդակությունը ներառում է ցանկացած գրավոր, լուսանկարչական, աուդիո, վիդեո կամ այլ բովանդակություն, ներառյալ՝

• տեքստ. հայտարարությունների վերնագրեր և նկարագրություններ, պրոֆիլի էջեր, հանրային և մասնավոր կարծիքներ, հետադարձ կապ, Airbnb համայնքի կենտրոնի հրապարակումներ և հաղորդագրություններ Airbnb-ին, հյուրընկալողներին կամ հյուրերին
• պատկերներ. լուսանկարներ և տեսանյութեր, ինչպես նաև լուսանկարների և տեսանյութերի միջի պատկերներ (օրինակ՝ պաստառներ կամ պատից կախված արվեստ)

Մենք մեզ իրավունք ենք վերապահում սեփական հայեցողությամբ հեռացնելու ցանկացած բովանդակություն (ամբողջությամբ կամ մասամբ), որը խախտում է այս քաղաքականությունը, մեր Ծառայությունների մատուցման պայմանները, Համայնքի ստանդարտները, Կարծիքների քաղաքականությունը, կամ՝ ցանկացած այլ պատճառով։ Կրկնվող կամ կոպիտ խախտումների դեպքում կարող ենք նաև սահմանափակել, կասեցնել կամ հեռացնել համապատասխան Airbnb հաշիվը։

Airbnb-ում չի թույլատրվում հետևյալ բովանդակությունը՝

• բովանդակություն, որը ստեղծվել է բացառապես գովազդի նպատակով, կամ այլ առևտրային բովանդակություն, այդ թվում՝ ընկերությունների պատկերանշաններ, հղումներ կամ ընկերությունների անվանումներ
• սպամ, անցանկալի շփում կամ բովանդակություն, որը բազմիցս ուղարկվում է անհանգստացնող եղանակով
• բովանդակություն, որը պաշտպանում կամ գովազդում է անօրինական կամ վնասակար գործունեություն կամ կրում է ակնհայտ սեռական, բռնի, անպարկեշտ, սպառնալից կամ անհանգստացնող բնույթ
• խտրական բովանդակություն (լրացուցիչ տեղեկությունների համար ուսումնասիրեք մեր Խտրականության դեմ քաղաքականությունը)
• բովանդակություն, որը փորձում է հանդես գալ որպես այլ անձ, հաշիվ կամ սուբյեկտ, այդ թվում՝ Airbnb-ի ներկայացուցիչ
• բովանդակություն, որն անօրինական է կամ խախտում է այլ անձի կամ սուբյեկտի իրավունքները՝ ներառյալ մտավոր սեփականության և անձնական կյանքի անձեռնմխելիության իրավունքները
• բովանդակություն, որը պարունակում է այլ մարդու մասին անձնական կամ գաղտնի տեղեկություններ՝ ներառյալ բովանդակություն, որը բավարար է տարածքի գտնվելու վայրի որոշման համար

Քաղաքականության լրացուցիչ խախտումներ բովանդակության առանձին տեսակների համար.

Հայտարարությունների վերնագրեր

• Հայտարարությունների վերնագրեր, որոնք պարունակում են առաջարկի տեսակին, ոճին կամ փորձառությանը չվերաբերող տեղեկություններ
• Հայտարարությունների վերնագրեր, որոնք պարունակում են նշաններ կամ զմայլիկներ

Հայտարարության կամ պրոֆիլի էջեր

• Հայտարարություններ և պրոֆիլներ, որոնք տրամադրում են խարդախ, կեղծ, ապակողմնորոշող կամ խաբուսիկ տեղեկություններ

Airbnb համայնքի կենտրոն

• Բովանդակություն, որը շեղված է թեմայից, հարց չի ձևակերպում կամ չի տրամադրում գիտելիքներ՝ ի պատասխան ավելի մեծ քննարկման շրջանակներում տրված հարցի
• Հալածանք, թրոլինգ կամ համայնքի անդամների հաճախակի թիրախավորում

Կարծիքներ

• Կարծիքներ, որոնք խախտում են Կարծիքների վերաբերյալ քաղաքականությունը

Անհատականացված URL-ներ

• Անհատականացված վեբ հասցեներ, որոնք չեն համապատասխանում մերԱնհատականացված URL-ների քաղաքականության պահանջներին

COVID-19-ին առնչվող բովանդակություն

• COVID-19-ի համավարակի հետ կապված ապատեղեկատվության տարածման դեմ պայքարելու համար ուղեցույց ենք տրամադրել Airbnb-ի՝ Բովանդակության նկատմամբ կիրառվող քաղաքականության և կորոնավիրուսի մասին։

Ինչպես հաղորդել մեր քաղաքականությունը խախտող բովանդակության մասին

Եթե կարծում եք, որ բովանդակությունը խախտում է այս քաղաքականությունը, կարող եք բովանդակության մասին հաղորդել անմիջապես հավելվածի միջոցով կամ կապվելով մեզ հետ։